x 10

點樣張張紙巾成形硬化後噴油?

好真實，好有風味，正作 !!! ~

多謝：ice 、邦邦仔仔 、hzz1024 、pbaa、volvob10md 、williamgundam 禁多位師兄

至於紙巾的做法如下：

小小分享啦 ! 要選一只表面較平滑及少紋的，我用嘅是「瀉粉地」。首先是剪裁出合適的尺寸，再將白膠漿開稀，將紙巾浸濕舖在架上，再用鉗，摺出摺紋。待完全乾透後就會定了形。在上色前，先噴上水畢地，意在加強硬度，待乾透後再油2層白膠漿(不要開稀)。這步驟用處是很大的，是可防水及遮蓋紙巾上的紙紋，完成後就可以上色了。

[ 本帖最後由 fks 於 2009-1-5 10:39 PM 編輯 ]

哇 ,,多謝分享

如果我想好似你隻艇張帆布咁 , 要底面都上色 , 可以點整  ????

當你做好定形後，就可以兩面上色，不過就要留意噴完一面乾透後，才噴令一面。

如果唔係就會弱番變形了，但最好在噴完未完全乾透前，放回車架上就會無禁走樣了。

好有用呀   多謝分享

多謝 fks 兄 無私既分享，好有用 !!! ~

多謝fks兄分亨，非常實用，我其實久唔久都會睇吓afv製作post，感覺afv大佬們真係好肯教野，小弟今年無論如何都會抽時間學afv，希望到時fks兄俾d意見啦

另外可以介紹吓木紋o既上色方法嗎？真係好似，正到飛起

Captian Fks,

How much for that Red fish? Oh and the Sea shell looking nice!

連木釘都有 做得仔細

能與各位師兄分享是一件美事，希望能不斷有更多同好加入砌模型的行列。

至於木紋上色的方法是好簡單的，但可能大家估不到我用的顏料是甚麼，牠不大家用開的模型油。

製作這小船的材料是飛機木，真正的木材，若用模型油做出這效果，對於我來講是大工程的，或許要其他大師來教路。

但我使用的是木傢俬的顏料 " 士力油 " ，你地估我唔倒呢

小弟都砌緊一副木模型，本來應該用木染料 (wood dye) 上色，可以沁入木材表面，但搵過好多地方都搵唔到o岩用 (搵到有但都只得一、兩隻色)。  有見過人地同中式木傢俬上色，有諗過用果種顏料，但又搵唔到人問.....
後來惟有用返一般模型油，開稀ｄ油上木材度，但可能模型油微粒較粗，發覺好易係木材表面聚積。

兄弟所講的木材用「士力油」，多唔多色可以揀？  定係可以自己溝色出黎？  可以點買到？    請賜教....

[ 本帖最後由 patmb 於 2009-3-8 03:14 PM 編輯 ]

好像真呀

这是真的吧

架船好真呀…
但係D呔太新了

玩紙巾玩到如此出神入化,

服!!!!

多謝大家的支持，唔怕刺眼

patmb兄：你講的(wood dye)我唔係好認識，但用來做木色的顏料都有好幾隻。在 " 而加 " 傢俬可以買到一隻油木的顏料，$ 70 - $ 80一罐，

有很多色選擇，能做出舊木或古木的效果，但好 " 傑 " 油出來會好厚。

至於士力油是用酒精唏適，好似水一般，容易油及快乾，油本身是淺啡黃色，可用色粉較色，但色粉只得幾款，有啡、啡紅，咖哩黃，深啡等。

需配合木材本身木色及木紋作調較，但飛機木及淺木色的就可以隋自己喜好調較，只要在大間的五金舖就可以買到，約 $20就買一支  (啤酒樽)

多謝 fks 兄的詳細解答！  

下次有機會會試下玩「士力油」。