我而家做緊呢份工，每朝返9:00 am，星期六就有長短週，但公司好鬼死多野做，D工作做極都做唔完，差唔多晚晚做到零晨一點至收工，共做足16小時，有時甚至更夜至收工...... ，完全冇晒時間砌模型，日日都唔夠瞓，放假就係屋企大昏迷到下午，食D野又再瞓過，瞓到食晚飯至起床，每個星期的例假就係咁過。公司每年十二月及一月份係最忙，全部人取消星期六長短週，晚晚加班起碼到零晨四點，甚至通宵！但加班冇錢補、冇假補，只得五十蚊晚飯錢，年尾冇花紅、只得雙糧，薪水好低，我每月扣埋公積全7K都唔夠，如果將人工除返時薪的話，比麥當勞或KFC重抵，好想辭職找過另一份工，但在呢間公司我真係學到很多很多o野，和同事的關係都幾好，他們都好有心機和耐性教我o野，到目前為止都尚算工作得開心(但有時也會比上司鬧)，內心好矛盾，十五十六辭唔辭工好？如果邊做邊揾又好難揾，先辭咗份工去揾，又擔心唔知幾耐至揾到？人工會唔會重小？我見勞工處登果 D工資都好低，大多都係六、七千左右！跟本追唔上通脹，出面乜都加晒價，唯獨人工就冇加！
好想大家在職人仕嘅你比些意見，如果換轉係你會點選擇呢.........

[ 本帖最後由 master_roshi 於 2008-8-4 11:03 PM 編輯 ]

first of all... what kind of work u want to do? office, sales, something related to model?

如果佢可以比你學到好多野既 就唔好走住 學2年野先 2年咩都學晒啦
第2) 唔好因為怕找唔到工而唔辭職 香港地有手有腳餓唔死人既 而且你份工都唔係咁好play姐 冇左都唔可惜

去與留係睇你自己有幾多籌碼.......
你學歷經驗有幾多.....?
出到去搵唔搵到相約條件o既工......?
有否經濟負擔.......?

Can you tell us which field you are in??

你又幾多歲呀.......如果你仲後生學多野都幾好架.........而家經濟差到pk.....好多人都要捱苦架啦

老實講, 雖然自己未係在職場打滾, 見文亦有感想
打工要學野, 打咩工都可以學到野, 睇自己能力和認真與否的

問題我覺得唔在於人工, 是工時太長的
雖說這, 但錢得到來都未有時間用, 實說是不值得

要在香港溫工實在唔難, 有D學歷或者學D野攞個牌, 要相當人工的工作唔難的

如果覺得熬唔落就孬做了, 同事的做多少工就有多少的
休息半個月好的邊溫工, 充下電, 對社會充回歸屬感先

你咁都唔係路喎,
雖然我唔係在職,但我好同情你,
依你咁講,你係覺得上司唔好定係工資唔好先,
你要諗一下,你想學多d野,定訓多d,
多勞多得的想法係正確的,你雖然冇的係時間,但係你有的係經驗,
雖然我地比到d意見你,但係你最好同屋企人或者朋友傾下,
要考慮埋現況先作小心決擇。
(廢話連遍 )

記住一句說話, 工作係為左生活, 而唔係生活為左工作, 你呢份工響工作時間上好有問題, 根本唔可以再做下去, 基本上而家好少公司唔ot, 但9點係上限, 如果日日都遲過9點, 就要好好考慮做唔做下去

講得岩
辛苦加上唔開心的話
我就會唔做
但只係意見
做同唔做都係要你自己去決定番

我每月扣埋公積全7K都唔夠
會吾會少左D

[ 本帖最後由 zuck96677903 於 2008-7-19 01:12 AM 編輯 ]

well depends on your age and job nature, and what u after is the matter... I believe income can come really easy...
b4 I also make no more hen 10K per month...
I make almost 3 times of your income but no worry, if you are still young and u can still go for it...

能夠人揀工固然好，不過好多時係工揀人。你份工工作時間太長，長此下去唔病都有病。多多錢都唔好做，能做夠幾個月就上岸退休就唔同。

這裡不便問你的私穩如學歷，經濟負擔等。搵工講到尾係你有冇討價還價的價值。

唔好信出面說還境有多好，經濟差的時代已來臨。油價咁升，全世界都冇運行。

用回傳統的方法，騎牛搵馬，邊搵邊做就最安全。

你份工都好辛苦，但請問你做o左幾耐？如果咁做o左好耐，人工都係 6, 7千，咁你老闆都唔多係人，咁辛苦人工都係得 6,7 千，早走早著，後生仔大把機會，可能出去闖下，人工少 d 但無咁辛苦己經有著數，可能有份好工等緊你呢！

話人工低咁你想要幾多? 你收得起咩? 每個人係呢個社會, 都有自己個價 , 你自問你係自己個行值幾多先.
你咩學歷? 大學生都係九千至一萬. 你唔做, 俾你揾到份新工人工你滿意, 做唔夠三個月你地認為你無料到, 最後咪俾人炒.
你有幾多料就值幾多.
係時間長, 但係如果真係做到深夜一點先收工, 你上司應該都會俾你反晏少少.
我估你應該大約二十歲左右, 既然你公司有野學就俾心機學, 你仲有好長路要行.
真真正正搵份自己有興趣既工, 慢慢學終有一日你會得到你想要既野.
你自己諗清楚啦 !

轉啦~~~~年青你選工~老左工選你~
何況最近經濟都好~搵工易~係就快!!~~~~~~~

香港地差唔多個個打工仔都係咁架啦 ( 工作時間長 ) , 有咩好呻

換轉係我就要睇下間公司前景如何 , 同埋了解自己既前途可以去到邊 ,  從而選擇留低定離開 , 而唔係抱怨呢樣個樣  , 成熟D啦

睇你都未成家 , 應該冇乜負擔 , 如果唔係你絕對講唔出呢番話 ,

我唔係鬧你 , 只係想你清楚D , 出黎做野搵食 , 並唔係你想點就點 , 不要隨便轉工　，　因為你既轉工理由同次數　，　

絕對影響閣下見唔見得成份工（影響僱主印像分）　，如果轉左第二間公司又係咁 , 你會唔會又轉 ？？咁第三間呢？

我見識個唔少新人　，　老中青都有　，　番工三幾日嫌三嫌四就辭職　，　都唔知點講佢地．．．．．

好彩樓主唔係　，　因為你識得講　＂　但在呢間公司我真係學到很多很多o野，和同事的關係都幾好，他們都好有心機和耐性

教我o野，到目前為止都尚算工作得開心　＂　就足以證明樓主勤力工作啦　，　

不過如果你極之想走，我都尊重你既決定並祝你仕途順利，

不過奉勸兩句　，　辭工容易搵工難　、　老細覺得伙記番工番得耐係應該既（四海皆合用）

另外人工跟本追唔上通脹，出面乜都加晒價，唯獨人工就冇加！這是個可悲既現像　，　全世界都有不獨香港　，　唯有慳D

以上既肺話　，　聽過就算．．．．．

我只能同意一半
無錯,辛苦,學野係番工的一環
但講真要睇下工資合唔合理
有d工係勞工署睇真係好離壇
好似我咁,做電腦的,要考証書,正常
但要考埋電工a牌係咪又係正常??
有d文職,做文員,要求好高,但比得$5000一個月仲話住大埔優先
講真,我都係大專畢業沒多久,預左要辛苦,人工得$8000左右我都覺好好
但要做到$5000做文職,那倒不如係馬會做全職了,人工一定高過份死人$5000文職
而且唔止我一個人咁講,我去開的電腦fourm,睇左好多勞工署的工,都話好多僱主跟本係低b
你個post同要你的工作技能跟本可以去到風馬牛不相及的地步
如果真係找的,去jobsdb個d去睇,有d都很不錯

我下星期2都有得in一份文職,新入職有$9000元,請到就發

其實講真果句....搵工真係唔難..係睇你肯唔肯績極去搵...
我女朋友會考得4分...(不過佢英文好得)佢16,17歲搵倒第一份工(藝術館售票)43/hr 一個月過萬
份工仲要超得行,返八個鐘,做四個鐘,訓四個鐘
後尾合約完左去左做圖書館(34/hr)
衣家做緊海關文員都係七千幾蚊一個月,一日返八個鐘,星期六,日放假,又係無咩野做
如果係我既話一早辭左你衣家份工...
我一開始見倒你d返工時間已經怕怕,我有個fd做收銀,日日坐起度收錢都有六千幾

i think you need to find a new job. better than this one lor...if you can..