大家買手辦通常去邊到買架?
買開邊隻牌子手辦?
去日本邊到買手辦好?
有冇d網/書好介紹@@?(介紹新出既手辦/技巧等等)
有時會有d"夾口"既地方,大家會搵咩補左佢?
大家分享下,益下街坊

好少買原件了. 以前買原件易好多的. 依家買翻件多.
我通常係旺角中旅, 灣仔東方188, 同上網bid.
"牌子"原件定翻件呀?? 原件唔會理會, 翻件唔會講了, 翻件行是非多.

技巧好多都係偷師/睇雜誌學. 以前hobby japan好多野教, 依家少了.
夾口多數用 aa+爽身粉, ssp-hg, 混合畢地, 原子灰. 好少用牙膏畢地因為唔"食"d手辦cast, 補沙孔就好. 痴死既就用aa+爽身粉, ssp-hg, 原子灰, 唔會痴死就用混合畢地, 原子灰 (其中一件件既接合面會先塗少少凡士林/潤唇膏)咁之後d 混合畢地, 原子灰只會痴死一件件, 兩件野依然可以分開又補到夾口.

原子灰易唔易用
同埋咩樣架?

砌手辦既工具. set 件基本上都會用圖內既工具.
水磨砂紙, 400號o岩o岩好..800號都會用到
界刀/筆刀 ...你有了掛..
劃筆...左邊係金工用既, 右邊紅色果枝其實係暗瘡針, 莎莎等有..
鋸...我張相既係長谷川既tritool 蝕刻鋸.
鑽咀..必買品..1mm.. 1mm就係1mm, 冇分別既..買2~4枝, 因為會斷, 我斷過超過5~6枝, 唔見左 n 枝...
銅枝...必買品, 同鑽一樣, 買1mm既..我呢咋有1mm同2mm, 因為有d大件要粗d既先夠力...其本上你用乜mm 銅枝就買幾mm既鑽咀.. 我有買埋0.5mm銅枝添...銅枝有d模型鋪有賣, 但我就係新填地街d金屬鋪買的.... 最近銅枝貴了一倍呢.. 一枝1mm (約2m長, $40呢, 一年前$20咋)
johnson's 爽身粉...aa+爽身粉的爽身粉吧..
aa , o-second最好用來加爽身粉...
老鼠尾...雙星出既, $15一包, 模型鋪找找喇..
針銼..五金鋪有, $20一set, 一set有8枝..
原子灰...五金鋪有, 德國原子灰, 約$30~


原子灰用法同造型畢地一樣的. 1kg原子灰只跟一小bottle hardener. 你可以估到比例是幾多吧.

請問你呢隻大支既0-second, 用咩方法防止佢干呀?
thx~

基本工具我都有既...
但係因為係新手,先砌過幾隻...未試過補夾口...而家我諗住用混合畢地黎補
因為之前見過有人用@.@

老鼠尾用黎做咩- -"
聽就聽過....
有冇d網係講新出既手辦

[ 本帖最後由 天佐 於 2007-12-2 01:00 AM 編輯 ]

你砌咩手辦先

砌囡囡一定介紹你買replicant 呢本

[ 本帖最後由 zetaho2003 於 2007-12-2 01:02 AM 編輯 ]

咁就係套落aa個咁度... 好似相咁. 易control流量.

我冇.. 不過傳統方法係放入雪櫃. work 的. 當然, aa係同水氣有化學作用, 係個乾燥環境可能會好d排..

有冇樣睇下呀

哦...咁我知係咩黎啦@.@

咁係唔係用完 " ling " 返個藍色蓋就得喇?
thx~

好少人套左老鼠尾都唔會除出來直至要換個新時. 老鼠尾都幾易塞的. 塞左就cut左塞個段, cut到冇得好cut就要換個新了..