小貓咪-愛麗詩
少尉
 
終於有個新頭像啦~
UID 16032
精華
1
積分 13
帖子 602
成品數目 13 件
閱讀權限 10
註冊 2006-12-3 來自 金星
狀態 離線
|
|
|
小貓作-HG小卡X指甲油大作戰(新加上教學片段連結)
作品解說:
此作品其實運用了指甲油上色,圖中第一幅黑色底的照片可以看到運用指甲油後顏色的變化(側邊看會是紫色,正中的話會是藍色),而作品中運用了兩種顏色的指甲油,分別是深藍色與粉紫色,而基底則運用郡仕自動車用既metal blue(指甲油等會隨後補相),而整部模型之中,有幾部份都是使用max上色法做陰影-包括身體,手(部份),腳跟,搏頭(內面)...這是用來練習的啊~~  接著下面會係整個指甲油使用方法的研究報告  希望唔會悶親大家啦 
指甲油的選擇:
- 顏色的選擇是一個對你的作品效果好壞的關鍵,一般可以用近似色(好似我咁既,用番兩隻冷色/暖色),或者對沖色(如黃綠色等等),最容易用的會是珍珠白,一般用郡仕淺粉紅色作基底已經可以有很好的效果
- 指甲油質感的選擇--指甲油真的有很多種,而真正能用於模型之上就只有一個系列..那就是珍珠色系,而其他,閃粉,大大粒果 D(諗都唔好諗呀)
- 份量既問題--其實玩指甲油既消油量好大(我果支用來做主色既深藍色,其實已經係大支果 D(14ml),一隻HG小卡就剛剛用完),所以由此可知,千萬不要貪平買果 D迷你油(5ml)來玩,可寫包單你一定唔夠用,最可怕的,就是你之後好可能搵唔番果隻一樣色,因為好多化妝品公司既指甲油好多時一個色只有1~2支,所以要買定足夠既油先好開工(一般來說HG用一支14ml,MG的話座底兩支)
指甲油的好處:
- 玩法多變,只要配合顏色,就能夠做出迷光暗彩的效果
- 質感表面比較滑同埋細緻
- 較珍珠粉便宜,是用來營造珍珠色的效果另一幾好的選擇
用法與注意要點:
指甲油其實屬於油性的油,所以可用郡仕開油水稀釋,開油的份量比一般郡仕油為稀一點,以本人為例,普通油開1:3的話,它就要1:4,其實份量是沒有準的,只要不太結就成了
有很多朋友會覺得指甲油難用,但只要注意以下幾項就可以很有效地使用指甲油
- 指甲油本身是容易痴塵,所以噴完一層甲油之後就要立即噴光油以作保護之用,因為只要一痴塵,你已經係奶野了,因為甲油本身較膠,所以上色後不能作任何抺搽和打磨行為,唔信你可以試下既(因為本人已經奶左野了
 )
- 上色前要確保你的模件要在無塵狀態,所以有套片個日本妹示範用指甲油時,用洗潔精洗模件,其實佢唔係做無聊野,這是的確有須要做的啊~~(奶左野你就知要
 )
- 如果有地方要mask,開mask的時候要特別小心,因為甲油既張力比較勁,如果你在mask位噴得太厚的話,它就會有機會痴住左張膠紙,所以開mask時不要用死力拉扯
寫在最後:
我既試作品經過左奶野同試驗之後終於完成lu~~如果問我點解要出一個關於指甲油的文章,其實在日本,指甲油用在模型之上並唔係一件新鮮事,不過,在香港,好像沒有一篇有完備資料講指甲油,所以我就把在網上收集得來我資料與試驗集成左這篇口水多過茶 講得廢話太多了,現在就去相(試驗品而已,奶野太多,不能盡錄,請多多原諒)以下link則可以觀看日本妹示範用指甲油的片段
按我看第一部份
按我看第二部份
除了講指甲油外,佢亦有講一般模型表面處理的方法.... 
本報告完畢,多謝收看本post
[ 本帖最後由 小貓咪-愛麗詩 於 2007-9-3 10:26 PM 編輯 ]
 附件: 您所在的用戶組無法下載或查看附件
|
囡囡實在好玩到停唔到手了~.~
|
|
|
分享
