原帖由
eddie_ch 於 2007-7-16 10:34 PM 發表
如果你諗住用兩舊(或以上)自由樹脂做雙面/多面模既甘自由樹脂與自由樹脂之間係要用"凡事林", 因為自由樹脂未硬既時候幾有黏附性, 當然其實視乎你點整個雙面/多面模. 假如你係整舊自由樹脂包實晒舊原件再等硬左之後用刀界開既就當然唔駛搽.
自由樹脂硬左之後係唔會同硬左既cast物料痴實, 所以無論係Epoxy Putty(即混合泥, 混合畢地, A+B泥 etc.) 或者polyester putty (原子灰)甚至正式cast件用既AB液都唔駛搽"凡事林"
Epoxy Putty本身係泥狀而且因為比較快硬化所以唔易控制, 但並非複唔到件, 一般單面模都其實可以, 只要搓勻A B泥之後即刻用牙籤/耳挖篤入D角位避免任何空位就可. 但如果用o係雙面/多面模效果就會幾差, 因為Epoxy Putty太"傑", 基本上唔係流質, 如果你塞D泥入個模既時候太少既固然件野會好似崩晒甘, 但如果塞得太多既話又"必"唔係幾到多左既出來, 一係就分模線好粗, 成舊件厚左, 一係就你過份死力"uk"實個模令到入面歪晒(我試過
)
Polyester Putty可以係較為液態, 流性較高相對地應該比較易用. 比較多人用呢種方法, 而且見過有D做得好既雙面/多面模用原子灰做cast效果都唔錯, 因為流性較高多餘既可以"必"出黎.
其實就甘講好難解釋得晒, 最好你自己買黎試, 自由樹脂幾十蚊已經可以買到好多, Epoxy如果你用T記果 D $35-38有排你玩. 自己試過就最清楚.
大致上如此, 有錯既請各位模型友更正 (因為我其實唔係好熟原子灰特性
)
因為某d原因唔用得原子灰.