之前一直玩開素組. 呢排想玩下認真整隻上色既高達.
但遇到一d技術上既問題 希望各位大大可以幫幫忙.

我係用sd隻blue duel做試驗品

首先我講講我做既方法啦(都係睇大家的做法學的)
1. 素組 (=  =)
2. 用膠水痴埋佢, 再落小小畢地填d洞仔
3. 打磨(先用400, 再用1000 同 2000
4. 噴底灰 (我買左支雙星既Surface Primer噴)

暫時做到呢一步

有以下既問題:

1. 我噴灰既時候成日噴到有d位"凸"起一d"水"同埋"泡" , 乾左之後就凸晒. 我已經好遠咁噴. 有咩方法可以改善??

2. 跟住上色既部份係咪用噴槍上最好?? 市面上有邊隻型號既噴槍岩新手用??

3. 噴槍係咪用返tamiya既油性油上就ok? 洗唔洗買thinner?

4. 唔同brand既thinner係咪唔可以溝埋一齊??

5. 上sd既色有d位係痴左膠水好難噴到 (eg: 眼, 腿關節) 係咪一定要甲斷佢先得? 有咩方便d既方法?(因為我冇乜工具)

6. 上完色滲線用高達marker好嗎? (藍色果支)

7. 我見有d大大會界深d線先滲,.why??

問左好多問題=="  希望大家可以解答.
因為我好鐘意高達 想砌好佢

1.你有無傲暈支灰?
2.可以係又可以唔係...有高手手油都好靚架
3.要買開油水...開稀d油....天拿可以買黎洗野囉(不過我都係用開油水洗)
4.咩叫brand?
5.用gm筆/用手油/遮蓋液/遮蓋紙
6.個支夠方侯便新手用一流.....不過可能會無咁靚
7.用筆刀....可以滲得靚d掛....
希望幫到你= =....(本人都係學緊)

[ 本帖最後由 shing812hk 於 2007-7-2 11:24 PM 編輯 ]

Brand : 牌子

哈哈!!終於向砌模型邁出左更高既一步啦!!

而D問題通常都係都好容易解決啦

首先要一講你用既工具先...

3. 打磨(先用400, 再用1000 同 2000)
<<<<< 如果你唔要想要光澤表面, 係半光或者消光面, 咁一般400至800已經好靚架啦
有時1000都會用到, 但係2000號最常都會用係車度

但係最緊要都係要磨到表面粗幼均勻一d, 咁之後上既顏色就可以既加整齊架啦!!


到解答問題啦:

1. 我噴灰既時候成日噴到有d位"凸"起一d"水"同埋"泡" , 乾左之後就凸晒. 我已經好遠咁噴. 有咩方法可以改善??
<<<<<其實有幾樣會影響到d油會唔會出上↑↑以既泡: 1) 你d件表面有冇油分水分? 2) 件表面既塵灰, 所有地方, 係咪已經清理好? 3) 有冇搖勻罐灰?

某些乾左之後就凸晒, 多大程度係表面未夠乾淨, 有塵灰, 以致有空氣係噴灰既時候仍然結集係塵灰處. 而乾左凸起既地方就係d塵灰粒

噴底灰前你可以用一支大捐掃塵, 另用乾布將可能有油脂水分既表面拭抹

2. 跟住上色既部份係咪用噴槍上最好?? 市面上有邊隻型號既噴槍岩新手用??

<<<<<如果講最好, 就梗係唔係噴槍, 係噴筆啦!!
如果係新手唔想投資咁多可以去廣華街既模型舖買 台灣貨, 一般兩三百都有一支基本功能既雙動筆. 質素都唔太差架啦!!

3. 噴槍係咪用返tamiya既油性油上就ok? 洗唔洗買thinner?
<<<<<用得噴既基本上冇限可以用咩油, 稀釋度足夠就得. 但係個別油性就要用返相對既thinner洗筆

稀釋:
enamel:  tamiya x-20
arcylic: tamiya x-20a
mr color: mr thinner
洗筆:
enamel:  tamiya x-20
arcylic: mr thinner or 工業用thinner
mr color: mr thinner or 工業用thinner  

另市面上又有一大堆專用thinner, 睇你有咩需要先買啦, 基本就係以上分類架啦!!

至於洗筆方法你係度search下啦, 我之前都係度打過一次架啦, 其他朋友都有好多心得

4. 唔同brand既thinner係咪唔可以溝埋一齊??
<<<<<絕對唔可以. 溝左唔會爆炸, 不過又唔見得有咩用, 最重要係一溝特性就複雜左, 更難用

5. 上sd既色有d位係痴左膠水好難噴到 (eg: 眼, 腿關節) 係咪一定要甲斷佢先得? 有咩方便d既方法?(因為我冇乜工具)
<<<<<冇方便方法. 一係你邊砌邊上色, 上左色既地方用膠紙遮住, 咁樣好做d, 一係砌曬邊噴邊遮. 基本上噴油最花時間唔上溝油, 唔係上色, 就係遮件啦!!!  但係遮得好, 上色會順利好多, 都係俾心機啦哈哈!!!

6. 上完色滲線用高達marker好嗎? (藍色果支)
<<<<<唉唉, 用得噴油上色就不如用enamel油滲線, 咁先夠靚仔嘛, search下啦!!

7. 我見有d大大會界深d線先滲,.why??
主要係為左位上色後仍然保持到一條足夠深既刻線, 方便滲線啦!!!!
但係如果係噴得夠薄, 都應該唔駛界深啦!!!



呼~~一口氣打左一大堆出黎, 希望可以解答到你既問題啦哈哈!!!!

[ 本帖最後由 relo 於 2007-7-3 12:41 AM 編輯 ]

1. 我噴灰既時候成日噴到有d位"凸"起一d"水"同埋"泡" , 乾左之後就凸晒. 我已經好遠咁噴. 有咩方法可以改善??

記住噴灰的時侯第一口噴出來或收尾的灰不要噴在模型上，因氣壓不夠會有泡泡，噴油或噴灰的道理一樣，是一層一層的橫掃上模型表面，而距離是一呎左右最為理想。

2. 跟住上色既部份係咪用噴槍上最好?? 市面上有邊隻型號既噴槍岩新手用??

不妨以$600左右試一試双星噴槍連電泵(自配火牛)，很易打理及容易配零件。

3. 噴槍係咪用返tamiya既油性油上就ok? 洗唔洗買thinner?

用什麼牌子的油是個人喜好，新手的話用水性油比較易掌握；噴油就一定稀釋加thinner。

4. 唔同brand既thinner係咪唔可以溝埋一齊??

不可以！！

5. 上sd既色有d位係痴左膠水好難噴到 (eg: 眼, 腿關節) 係咪一定要甲斷佢先得? 有咩方便d既方法?(因為我冇乜工具)

細節位可用手油，噴油的話要用噴油膠紙細心的封好要遮掩部份！

6. 上完色滲線用高達marker好嗎? (藍色果支)

要精細的話這當然不好，下一點苦工練手油滲綫吧！

7. 我見有d大大會界深d線先滲,.why??

不可為慘綫而鎅深凹綫，所有凹綫的深度要在末噴油之前刻好！