新手，落手重左，不過都叫做完嘞

[ 本帖最後由 有排唔做得 於 2007-3-25 04:44 PM 編輯 ]

努力呀！好過我好多！

唔錯！

1:72 唔錯啦，樓主太謙啦。

已經好好啦，唔駛咁謙喎老兄~~~~~~~~~~~！！

1/72 可以做到這效果已經很好了. 尤其喜愛第三幅的感覺.

日後多點上來啊~

1/72 我都覺得好好

1/72 ！？   簡值係"上級者向"！ 日後請多點上來發貼啊！

多謝各位師兄捧場同鼓勵

全賴龍記出哩部車仔出得唔錯，有啲細節處理得相當好

1：72的能做出這樣的效果已經算是上乘作品，LZ太謙虛了！

我都係玩72坦克架！又多個老友啦！
你既作品都吾錯啦，好過我D，成日都好似吾夠，尤其是吾識舊化埋個decal,
不如分享下你點樣舊話個decal啦，多謝先！

多謝。
都冇咩特別喔，都系一般咁去啰。上完色上水貼，罩層消光再成部車洗啊掃啊咁啰。

[ 本帖最後由 有排唔做得 於 2007-4-30 04:15 PM 編輯 ]

我成日驚整到個decal，所以無咩掃洗，淨係底色加白乾掃，但是都避左個水貼，所以縂係覺得唔得，可唔可以講得詳細D? 例如，上完水貼，噴埋消光，跟住洗咩色？洗幾多只色呢？洗唔洗用外國果只MIG既Filter色？多謝您的指點先！

師兄您唔係香港人？？邊度人士？？廣東黎既同胞？？係既話順便指點下國内買模型既好地方啦！多謝！

客氣啦，我系廣州。不過都系中意落香港買多d，服務好d、有d嘢平d、多d選擇。

模型砌左成廿年，戰機多，不過一直砌唔靚。
水貼我視情況而定，有時用完軟化劑之後仲會點d飛機膠或者瞬間膠，再加埋光油，點處理都得嘞。
宜家學用油畫顏料，黑 白 棕 黃 用火水間開洗。mig就冇買，郡士只舊化油套裝同舊化泥都有用，都ok啰。

香港好多高手嗟，好多都系跟住做嘅。

[ 本帖最後由 有排唔做得 於 2007-5-8 12:51 AM 編輯 ]

原來師兄係廣州人，怪吾知得都係講廣東話啦！多謝你既指點！

我都成日黎廣州，黎親都去下一德路海珠南路買下野，前幾個月至係文華買左兩支噴筆（gravity feed)，都係0.3既，一支可以，另一支噴出來歪既，都係噴唔到細綫，所以噴細野都係用返我支美國badger （suction feed)。

其實文華既服務真係麻麻地，D野係廣州來講都算貴，有次我5點到尾至去到，問個呀姐D噴筆既問題，距好吾耐煩，叫我問柜面，柜面又唔識答，距就催我係就買唔係就算啦，我就問拒係咪收工，距至話收6點。

但是我發現有間叫浩發既模型鋪，老闆很健談，很客氣，好多REVELL，有D仲平過香港呀！掂呀！

其他既我淨係識高手，都係一般咋。仲有咩好鋪頭呀？

文華啊？系廣州出名貴價同態度差，不過d貨比較齊啰。

浩發未聽講過喔，高手都有好長一段時間冇去過嘞。

如果買bandai同號手嘅產品，我會過去國際對面嘅“朗能”啰，雖然老細有時都幾惡，不過平d。

模型鋪，我覺得你仲熟過我啰。

文華真係幾差，以前我覺得係廣州最好，不過近來覺得其他都好過距好多啦，距係補品多D者，比阿姐寸你幾句都夠你受啦！

浩發係一德路一個商場既三樓，唔係好起眼，都算新啦，不過Revell野真係算多啦。

早輪去過光明廣場果間Italeri既專門店，發現鋪頭好大，不過種類很少，都係意大利既模型，外國已經有得賣距又冇，有成5-6個店員，我覺得：哇，甘做生意，邊度有錢賺架？遲早執啦！

國際係邊我真係唔知渦，係咪都係一德路架？

好多人同我講用油畫顔料做wash，我真係唔識，你點做架？可否指點下細佬呀？

高手早就出過教程
參考下：http://www.hkml.net/Discuz/viewthread.php?tid=44691&highlight=%2BGaryKwan