PG - GAT-X105 - Aile Strike
不得不老實說, 我對Strike的好感度很低, 總之就是不對我的口味. 不過從Bandai的角度說, Strike應該是很受歡迎吧, 基本上什麼系列都有, 從不缺席. 上年初, 我想清理自己的RG, 打磨, 平噴加小小改色噴起了Strike. 組起之後, 覺得很醜, 想加多小水貼當完成了, 不過一直沒有動力去動工.....可想而知我有幾吾喜歡Strike.
相對的, PG Strike是官方改得最漂亮的, 完全美化了Strike. 而小弟當年技術不住, 罐噴了灰色Wing之後用同一個色Tone噴了一隻Strike. 所以內心一直想組裝一隻正常的Strike. 剛巧在網上看到一盒Strike改件模型, 二話不說就下單. 如果要找GK改件, 我估可能有很多選擇, 不過改件模型相對的是比較小見, 而改的程度也比較對我的口味. 太多GK改件魔改得太誇張, 個人完全沒興趣.
於是, 在我完成了PG Wing之後, 馬上開工砌PG Strike. 早前在網上購入一盒PG Strike, 有說明是殘盒. 不過到我開工之時, 吾係殘咁簡單. 係濕過水. 入面說明書已經打吾開, 仲開始有發霉. 見到咁恐怖的情況, 只可以馬上剪袋, 另外搵地方收埋堆件, 立即掉走個盒. 真心說話, 你可以清清楚楚寫明盒模型濕過水, 你賣平點, 都吾會無人要. 真的有需要為了一百幾十去隱瞞嗎? 我吾怕殘, 我都吾要個盒, 不過我怕堆霉菌搞埋我其他野. 如果我早知, 交收完會馬上剪袋拎出來, 吾會拎番工作室. 算了, 世界上總有這些人吧.
說回模型, PG Strike跟Wing極之不同, 有完整的骨架, 可動性極高. 骨架原色統一為黑色實在太浪費. 我選擇了極懶的方法, 以金屬色去製作. 加進小小分色, 希望整體看起來更精緻. 這幾支金屬色的特點在於遮蓋力超高, 薄噴一層已經飽滿. 基本上噴完10分鐘已經乾透, 可以開始組裝.
之前提到有盒模型改件, 由剪件開始已經好想爆粗. 首先件的膠質好差, 模型竟然好似GK咁, 有d件係崩, 邊位仲有披口. 設計上佢好多時係要用自家的白件加銀色電鍍件, 不過2件係完全夾吾埋. 件的表面吾單止有凹陷, 仲有3D print個種橫紋.......無計, 唯有耐心全件打磨, 修件, 跟住上色. 點知成個頭每粒件跟原裝都吾係好fit 位, 仲要係肥左, 向橫發展. 由於組合度低以及外型無特別吸引, 我放棄了. 整個頭用回原裝件. 真心發覺砌Bandai好幸福.
開始組裝個身, 所有改件都要擴孔先可以完成安裝, 銀色件我會自己睇位置決定用吾用. 胸口的改件, 腰條裙的改件的確比原件吸引. 只好研究點可以完成組裝. 手部的改件都吾錯, 所以接近係用晒, 不過佢隻電鍍銀我就吾太喜歡, 所以我打算磨走再噴....奇怪的是, 用挫都磨吾走......最後直接噴, 不過因為油食吾實, 好易花. 至於對腳, 只係用左小小改件, 我覺得原件都吾錯.
上色方面, 今次都係用極淡的陰影去噴. 如果你睇相睇吾出, 不用懷疑自己的眼. 正常的. 哈哈. 不過今次上色都幾失手, 有3~4處係掉轉左陰影位置......對咁懶的我來說, 當然是無視........
白色 : Mr. Colour 107 (陰影用灰色)
藍色 : Mr. Colour UC14
紅色 : Mr. Colour UC20
黃色 : Mr. Colour C58
灰色 : Mr. Colour UC09
黑鐵色 : MODO-MX02
深銀色 : Mr. Colour SM208
銀色 : Mr. Colour SM203
金色 : GAIA EX-08
綜合來說, 盒改件都算吾錯. 只係功夫比較多. 我就吾加背包了, 因為整完都無位放, 不過吾加又總係差咁小小野咁. 而家望番轉頭, 都係由Seed開始, 個背包越來越誇. 偶然一倆盒係好型, 不過而家對我來說就over了.
組裝盒strike時剛巧經過了農曆年, 我又久違地去了一次日本, 所以都停左一排. 今次盒Strike完結之後, 有幾盒會插隊, 包括先幫人噴盒OYW RX-78, 國模GP-02, 仲有幾盒係日本買, 細細盒的熊仔高達模型. 之後就回歸PG的製作.
話說係日本見到盒PGU, 只係25000Yen, 仲要免稅, 計番都係1300左右. 反而係香港長期2000左右, 最近回落小小, 大家見到賣1700已經仆倒去搶....代理食水真係深.
Full Size Photo link :
https://photos.app.goo.gl/wpVwRjzwc1i8oWa78
#StrikeGundam, #GundamSeed, #PGGundam, #Gunpla,#PG, #GATX105
分享
