PGU - RX-78-1 - Gundam G1
一早都知有盒班班PGU. 真心講, 無諗過砌, 因為都砌了2次, 又吾知噴咩色好, 再加上之前傳聞都吾平, 更加無興趣.
突然收到消息, 個價又合理, 於是拜託朋友幫我訂一盒. 心態上都係想試下佢得吾得.
其實所有事都係巧合, 剛巧完成了1/20裝甲騎兵, 剛巧HG裝甲騎兵及MGSD要星期四先到, 又剛巧SF胸像未到, 再加上網上的熱烈討論, 我星期一晚入手, 星期二晚開始砌. 當然, 我吾係專業人士, 我吾會去洗電鍍, 只係幫其他位上色. 用了3個晚上的時間, 完成了成幅骨架. 高速完成骨架係因為好想知組合度如何, 如果太差, 吾好浪費時間去處理外甲.
先講一講我對呢盒模型的感受,
1. 模型本身的膠質無原本咁好, 不過吾算差. 屬可接受範圍. 成色都吾差.
2. 係多色成型, 預組好的骨, 明顯有薄"衣". 明顯呢類比較高難度的製作係比不上原廠.
3. 模件表面有小小朦 (可能係心理作用)
4. 電鍍表面明顯較厚, 有心理準備要稍作打磨先砌到.
5. 電鍍的成色吾好睇, 特別係淡金個排.
6. 無高低級, 無砌吾埋, 不過真係要出力, 會手指痛
7. 部份關係過緊, 部份過鬆. (好多都係因為條一體成型骨)
8. 蝕刻片OK, 不過將膠紙(吾係膠貼)超垃圾.
砌完骨就要決定外甲顏色. 由於已經完成G3及正常色, 今次係MSV及G1之中選擇. 之前已經提過, 瑪莎色吾係我杯茶, 因為係我心目中, 瑪莎係吾應該揸高達的. 網路上有很多好出色的MSV作品, 不過吾舊化好難砌得靚, 所以都係選擇G1色. 決定了G1色, 就開始頭痛黑白色的組合. 好多G1都會用淺灰代替白, 由於我本身用白已經灰灰地, 我就用番107算. 另一隻淺灰就深小小. 最麻煩係黑色, 要搵2隻黑色. 睇番好多自己之前的作品, 都未決定到. 結果先決定了主要的黑色, 用相對淺小小的黑, 即係平時自護用的黑. 另一隻就要用純黑. 試噴左幾款都吾合眼緣, 最後係噴黑灰.... 竟然又OK.....真係估你吾到.
骨 :
銀色 : SM208
深灰位 : Modo MX-02
深灰位 : Modo MX-20
淺灰位 : Modo MX-03
金色 : Gaia EX-08
金屬紅 : Gaia-038
甲
主黑色 ：Mr. Colour 14
深黑色 : Mr. Colour 黑灰
白色 : Mr. Colour 107
灰色 : 35+ 338 (1:1) 陰影用UG09
黃色 : C58, 紅色陰影
紅色 : 高達專用色 UG20
深紅色 : 高達專用色 UG22
由於用左黑灰做純黑, 噴高光就有點辛苦. 因為要噴得好薄好薄, 灰的遮蓋力太高了. 大家睇相未必覺, 其實全部黑色位都有處理高光位, 淡淡的高光, 白色位都係淡淡的陰影, 如果你睇相以為我平噴都吾奇, 我成日自嘲我已經去到上色最後的境界, 就係女士化個透明狀, 化左同無化無乜分別.....算啦 自己開心就得了. 成個噴油過程, 不停出錯, 不停翻噴, 真心係累. 係拆件的過程又整爛左盾個黃色十字星. 滿心歡喜以為之前G3個盾的黃星可大派用場, 原來係吾得.....真係裝吾落. 之後發現之前原裝個拳頭裝係呢盒係會跌出來, 拳頭個面甲可以裝, 不過吾太fit....廠真係重新開模, 吾係就咁倒模架.
好多朋友都問我值吾值得買. 我都係個句, 如果你一生人只會砌一次PGU, 買B仔啦. 最小吾駛疑神疑鬼.
最近參加了群組的齊齊砌裝甲騎兵, 睇到好多師兄的作品真係大叫出來, 實在太漂亮了. 當一盒有高低級, 比例吾好, 夾口多的模型大家都可以美化到咁, 仲有乜難到大家? 我自知我的噴法的確好有局限性, 不過我無打算再改變, 因為而家的成果就係我想要的, 我又心急, 又要快, 又吾要燶, 又吾鐘意番手做, 做野又求求其其..... 不過呢幾年真係玩得好開心. 既然我吾係想成為一代宗師, 又何苦去迫自己追求? 砌模型, 樂在其中就可以了.
為什麼突然咁感嘆? 因為可能剩下來可以砌模型的時間都吾多. 之前有提過工人姐姐要辭職, 傾完之後可以多工作一點點時間. 可能在9月, 等阿囡上埋小學, 另外工作室又續左一年約. 明年9月之後可能都係將工作室的東西慢慢搬返屋企堆入工人房, 噴油位置當然就沒有了, 放係工作室的成品都要好好收埋. 然後就係得閒可以素組一盒? 去時租場噴下過下手癮? 總之儘量係呢一年完成多幾盒吧.
Full Size Photo link :
https://photos.app.goo.gl/x7W4fLcbCova6FneA
#RX78,#Gundam, #PGU, #PGUnleashed, #Gunpla
分享
