MGSD - ASW-G-08 - Gundam Barbatos
有睇我之前的分享都知道我對MGSD沒多大興趣. 上次Freedom的比例, 我個人認為手過長是最大問題. 來到這盒巴巴托斯, 其實手的長度是差不多, 不過放在巴巴卻順眼多了. 一直都沒有對這盒抱有過大的期待, 不過在年尾完全沒有大作的情況下, 這盒可以說是唯一的期待. 參考了上次Freedom的經驗, 一有商店開訂我都係即刻試訂, 當然是訂吾到. 由FB出post到我見到個Post, 我再入已經太遲. 最後都係要靠相熟店舖通知先訂到. 結果一如預期, 又係吾夠貨, 又係炒.
對於炒賣, 我一向無大感覺. 只要吾係行騙, 明賣明買, 完全無問題. 只要你買得開心就好了, 覺得吾值咪吾好買. 反而炒賣先會令市場熱鬧起來. 跟本好多炒賣的人都吾係砌......
感覺上很多人對訂貨的理解很有問題. 買家一心要訂貨為求最平, 貴$20都要店家減番俾你, 吾係就說你是黑店. 賣家就仲有趣, 而家好醒寫明代理無貨交就全額退訂. 我當然明白代理派貨無準則, 有時浸死你, 有時食死貨. 不過如果你無信心有貨交, 係吾係應該減收訂單呢? 我滿心歡喜訂了, 結果無貨收, 我會好難過........ 訂的意義應該係雙方確定以該價錢同時間去交易. 買家付出了訂金, 賣家也有責任交貨. 之前見旺角YM老闆, 收了人訂無貨交, 結果自己出外買炒貨還債, 我覺得是體現誠信的表現. 希望買家吾好再因為個小小差價破壞誠信, 賣家則要保守好多地去收訂, 確保自己有貨交. 吾想煩, 最正確做法係賣現貨. 不過無論我講什麼, 無用的, 我只係小市民一個, 我可以做的, 只有做好自己.
講得太遠了, 都係講番盒模型. 我用左幾隻近似的金屬色去噴骨架. 影相未必好覺, 睇實物係睇得出的, 層次感覺會好好多. 骨架本身好精緻, 值得大家花小小心機去砌, 不過砌完又係9成都見吾到. 外甲方面我其實我遂件噴左陰影, 不過真係吾係好覺. 提一提有部份原設係銀色透出來, 我覺得銀撞白吾夠明顯, 我改用紅或黑鐵色. 完成之後真係好型, 不過到底有邊一部份似SD? 完全就係一隻大隻HG. 算啦, 一早都知MGSD係行呢個方向. 整體來說比Freedom好看, 不枉我滿腔熱血即出即砌.
銀色 : SM208
深鐵色 : Modo MX-02
淺鐵色 : Modo MX-03
香檳金色 : Gaia EX-08
金色 : Gaia EX-08 + Gaia 122 (50:50)
金屬紅 : Gaia-038
白色 : Mr. Colour 107, 陰影用UG09
淺灰色 : 35+ 338 (1:1) 陰影用UG09
紅色 : UC20, 陰影用UC22
藍色 : UC14, 陰影用深藍
黃色 : C58, 紅色陰影
9日內完成2盒新出的模型, 回想起來真係好癲....不過來緊幾個月全部都係SEED劇場版, 無乜新野玩了.
Full Size Photo link :
https://photos.app.goo.gl/nfNgXBcaybkUnA3D7
#ACWG08,#Gundam, #barbatos, #MGSD, #Gunpla