HG - ATM-09-ST - Scopedog 裝甲騎兵
完成了1比20, 之後就是等HG的推出. 因為答應了在29/10完成, 留給我組裝的時間其實不多. 19/10正式推出, 我也在20/10拿到了預訂的貨, 之後就是一連三日的重九假期. 熟悉我的模友都知道, 假期我是不可能去噴油的. 於是, 一連三日的假期只好先準備好打磨等事前工作.
打開盒之後, 發覺真的很小板件. 假期的第一天, 我已從陪阿仔做功課, 等佢沖涼, 每次做十至二十分鐘的時間完成打磨. 令人吃驚的是, 板件之中係完全沒有骨架色的, 連關節都係用番深綠淺綠去處理, 真估吾知已經有多久未見過完全無骨架的設計. 模型方面, 是沒有down form的. 你要的話, 請到PB付款. 槍以外的武器也請到PB付款. 一盒HG竟然有2套expansion set, 真係離奇. 在消費者角度來說, 你需要先買. 好似我完全吾在意down form又可砌小點. 留意我是說砌小點, 吾係可慳錢. 因為本身盒模型訂價太高了. 這盒模型竟會比GTO紅彗星還貴. 無論精密度, 件的量明明都係HG的基本素質, 賣這個價錢真的太誇張了. 我覺得即使跟之前的蒼流星, 銀河漂流, 重戰機比也明顯不及. 如果這個售價是包含down form的expansion set就合理好多. 另外好搞笑的是說明書在介紹之前出的1/20系列. Bandai你又吾再販, 你介紹都買吾到架.....再睇番訂價, 連埋expansion set都已經比1/20板貴......
當大家吾考慮價錢, 畢竟狗狗的對象係比較上了年紀的中年人, 未必好介意100幾10. 論精細度, 設計都遠遠不及1/20. 外型上HG比較大隻, 也附合原設, 整體感覺比較有霸氣. 可動方面則是非常不錯的. 不過我覺得特別係膊頭位好易甩同有點過鬆, 吾知點解, 我總係擺吾出宣傳圖的pose...... 同絕大部份HG一樣, 總要係支槍上留條長長的無縫比你玩, 今次總要係有支炮管係中間, 做無縫上色極之麻煩, 我放棄了.
簡單的用色, 我都係用番1/20的色tone去噴. 件數不多, 2個鐘都噴完. 其實我估坐定定砌, 10個小時內一定可以完成吧.....
深綠色 GAIA027 (陰影用Mr. Colour C16)
淺綠色 UG06 (陰影用深綠色)
鐡色 Modo MX-02
銀色 Mr. Colour SM208
槍灰色 Mr. Colour C116
坦白講, 我對呢盒HG印象真係好一般, 最大問題係定價. 如果佢$200左右連Down form係可以接受的, 畢竟佢外型上都吾錯. 不過而家$170吾連down form就明顯係太貴, 咁樣拆PB感覺好差. 而且佢無水貼跟, 要搵張火星文水貼又有困難......Scopedog 完全就係Bandai非高達5款必出的套件其中一件. 當年RRR/Scopedog/MG又係佢地, 蒼流星/銀河漂流/重戰機/聖戰士/裝甲騎兵, 佢地永遠都一定有份. 如果想搵錢, 不如重新開發Macross啦. 吾好再出Macross F個類. 如果有一日跌價到120左右, 我係會買多盒整Red Shoulder.
Full Size Photo link :
https://photos.app.goo.gl/7onwFDy2fCh7tPxC8
#SCOPEDOG, #裝甲騎兵