BB296 - Blaze Warrior Zaku
回憶總是美好的. 回憶中呢盒SD係分件好, 做型好, 十分高分的一盒模型. 我多年前素組了一盒, 一直吾捨得掉. 而心中又一直好想砌多次, 有時見有正常價又會買番盒, 結果都山積左幾盒. 上次有網友上來參觀工作室, 順便想睇下我點噴陰影, 我隨手拆之前隻素組個頭來噴, 結果不如成隻翻新一下.
決定翻新之後, 先發現原來盒野好多功夫要做. 同傳統BB一樣, 好多地方左右夾埋, 事後需要手動補色地方又多....點解同回憶差咁遠? 救命!!!!
算啦, 反正呢排無特別想砌乜野, 就慢慢搞一搞佢. 完成左之後第一個感覺係外型真係吾錯. 可動又高. 不過好砌就真係談吾上啦. 由於我一早掉左個背包, 最多功夫要做的反而慳返.
深綠色 GAIA027 (陰影用UG09)
淺綠色 UG06 (陰影用深綠色)
鐡色 Modo MX-02
黑色 Mr. Colour 14
白色 Mr. Colour 107
橙色 GAIA 015
今個星期病到7彩. 咳足一個星期, 上星期五以為斷尾, 點知突然勁咳, 星期六去睇醫生又話無事. 成個星期六日加埋先食左2個包, 每次咳又一舊痰. 總之成個人軟晒, 訓係度. 極度吾舒服. 唉.....到今日星期一先叫做可以行下落街.....不過仲未有胃口. 今朝磅一磅, 輕左3KG......
Full Size Photo link :
https://photos.app.goo.gl/64SBSzd44vKXKeix8
#BB戰士, #BLAZEWARRIORZAKU, #ZAKU, #SDGUNDAM