壽屋D-Style - ScopeDog - 裝甲騎兵 - 紅狗
係開始之前, 容許我講小小勞氣的事.
因為一個膠袋，我發誓我呢一生都唔會再幫襯千XX模型店，我寧願比炒價都唔會再幫佢買任何東西。昨天我同佢買左一盒HG GM, 因為我背包有好多東西, 我好有禮貌同佢講我要買一個膠袋, 亦都有付出HKD1. 佢俾一個連MG都裝吾落的袋我. 我問可唔可以俾個大膠袋我, 因為我背包有好多東西. 佢答我"好大架啦". 其實大袋就係佢身旁. 我真係好嬲. OK, 你咁對客, 作為一個小市民, 我唯一可以做就係以後都吾幫襯你. 我知人地係大老闆, 好富貴, 吾旨在我呢顃小生意, 無問題, 你有你態度, 我有我選擇! 你估我真係吾知隔離賣55? 點解貴10都要同你買, 係因為我吾想行來行去, 你仲要咁的態度. 我有付款, 你覺得大袋要收我行我$2都得架. 因為我真係有需要用. 結果背包猶如一個大龜背, 可能吾小心撞到一齊逼地鐵的人, 真係好對佢地吾住.
呻完. 講番裝甲騎兵. 上次砌完綠色, 覺得真係好靚, 於是一心想搵番之前素組噴多盒. 不過搵完成個工作室都吾見, 只好再買一盒.
因為紅狗本身右手係支炮, 本來想搵吾要的件來改, 突然係堆出積見到盒SD 鐳射大炮....好似大細又幾fit, 就犧牲你啦....不過都係搵吾到炮上面個爪. 但點解炮上面有個爪呢? 今次同上次吾同, 吾係一氣呵成去製作, 而係得閒整半個鐘, 得閒整半個鐘咁. 有了上次的經驗, 都好清楚先要處理什麼地方, 什麼地方要做無縫. 而因為今次要改色, 同埋支炮本身係灰色, 個身就綠色, 如果吾統一底色出來應該會好怪, 所以我都小有的噴下灰. 上次噴過GAIA支紅灰, 覺得吾似噴灰, 正常灰的遮蓋力係好高, 粉紅灰都要我薄噴好多層先遮晒. 所以今次我吾用粉紅灰, 直接用白灰.
由於隻紅同我一向用開的紅好吾同, 似係桃紅色, 我都專登上網學下點溝出來. 睇完一大堆資料, 最後準備開油時記得之前收其他師兄吾要的油有支幾深的桃紅色, 一直覺得吾合用. 於是拎來試下, 只係簡單加白已經非常接近我想要的色, 真係非常好. 個肚個位本身係米黃, 我又吾係好鐘意, 於是用淺灰色. 其他同上次都係差不多.
紅色 GAIA 1023 + 白, 大約50:50 (陰影用UG22)
灰白色 Mr.colour C308 (陰影用UG09)
鐡色 Modo MX-02
銀色 Mr. Colour SM208
背包 UG22
其實由6月中開始, 我一家好似不停病, 口罩令取消之後, 整個社會真係好多人病, 感冒, COVID乜都有. 阿囡剛剛好番無耐, 前幾日又再病過. 連續幾晚我都係訓得3~4個鐘, 終於我自己又開始吾舒服. 我真係好累.....玩完2盒SD狗, 仲有盒Bandai大狗同埋10月出的HG等緊我.
Full Size Photo link :
https://photos.app.goo.gl/fz8d2q9PaqfmKMxK7
#SCOPEDOG, #SDSCOPEDOG, #Dstyle, #裝甲騎兵
分享
