壽屋D-Style - ScopeDog - 裝甲騎兵
我好鐘意SD, 不過吾係主流三國系列, 戰國武者個類. 我喜歡的是正常機的SD, 也不會有眼珠那種. 很明顥, 這是非常小眾的玩意, 大廠Bandai的SDCS出了10多款也沒新型號了. 最近的MGSD又完全跟我認知的SD來個大更新. HG的高度, 5頭身都吾係我杯茶, 所以想搵盒SD砌都越來越難. 而每當小弟砌HG/MG砌到有點悶, 我都會搵盒SD玩下, 貪佢快完成. 坦白講, 要整靚一盒SD真係吾易, 基本上我只有能力整小部份的SD, 絕大部份都吾係自己有能力搞掂. 三國個顃更加吾係我可以搞的範圍.
講番呢盒ScopeDog, 我吾係第一次砌. 上次砌係佢一出之時, 當時我已經收埋所有工具, 沒有再砌模型. 見到佢好靚, 忍吾住買來玩, 當時素組加有限工具都覺得已經好靚. 呢3年重拾模型, 自己係好多方面的要求都高左. 當年隻素組一早已經被我分解, 準備再翻新. 不過.....搵吾到........算啦, 開盒新的.
打開盒之後, 再細讀說明書, 真係......只能說句"回憶總是美好的". 咁多無縫要處理? 基本上, 頭, 2邊膊頭, 手, 拳全部都要做無縫, 膊頭更加要先噴好入面, 先可以做外面的無縫. 本來係諗住一個下午完成的小品, 結果當然係吾夠時間. 由打開, 剪, 磨, 噴, 陰影, 高光, 無縫, 全力製作5個小時之後仲有小小未完, 基本上仲差槍, 背包同紅色膊頭, 不過已經夠鐘返屋企照顧小朋友, 只好暫停. 星期六日係屋企做定紅色膊頭無縫, 一磨之下發現壽屋個紅膊頭係預噴件.打磨完仲見到灰, 而佢本身噴得好厚油, 吾磨走小小跟本砌吾埋. 跟手加小小水貼, 再係星期一上班前花一小時噴埋幾粒件.
總估計大約用了7小時左右吧, 比我想像中用的時間有點多.
我個人認為呢盒模型係外型上真係好好, 不過要做無縫的位置太多, 好像時光倒流30年的老模, 左右/前後夾. 小弟都吾係全部做, 不過意外發現其實好覺眼....只好後加貼紙遮一遮. 基本上好多關節的設計都係為左重現跪地放低駕駛員, 我就完全無視, 也沒有打算要油個人仔. 吾夠班, 吾好獻醜. 吾知係吾係吾好賣, 又吾見其他款, 來來去去都係得綠狗加吾同裝備, 紅狗都吾出. 不過算啦, 而家直情斷line.
深紅色 UG22瑪沙深紅 (陰影用C14)
深綠色 GAIA027 (陰影用UG09)
淺綠色 UG06 (陰影用深綠色)
鐡色 Modo MX-02
銀色 Mr. Colour SM208
背包灰色 UG09
開開心心完成. 我就覺得非常不錯.
題外話, 最近動漫節又係高達模型比賽的時候. 真心話, 我完全對比賽反感. 對我來講, 模型都係藝術, 完成度高的作品好難用比賽去分高低, 也跟本吾應該去分高低. 我問過幾位参賽的帥兄, 不約而同都係想得到一個肯定. 我只能說, 我未去到呢個境界. 我砌完放上網同大家吹下水已經好滿足. 拎到獎, 入到圍係一個肯定, 咁入吾到係咪代表我的作品吾好? 我覺得我每一件作品都好靚架.....係咪要一張證書先可以證明自己? 除非你要用張證書來招生, 如果吾係, 張證書的作用係話俾人知我好叻? 開開心心去享受自己的嗜好吧!
Full Size Photo link :
https://photos.app.goo.gl/ErxMKjLFWARmFzvA8
#SCOPEDOG, #SDSCOPEDOG, #Dstyle, #裝甲騎兵
分享
