上年都知今年有機會出一盒1/60的Nu, 網上突然的消息, 一個月之內便有售了.  公佈價錢之後真的覺得很貴, 不過一盒半盒, 況且自己又想玩, 買啦.

收到實物之後, 發現原來真係好大盒.  大概是2盒PG GP01.  花了一個早上點件同分類, 將浮游炮及地台放一盒, 另外一盒放本體, 槍同盾等.  由於家中位置有限, 盒地台同浮游炮就先收好.  接著用Excel打好不同部位需要用的板件同號碼, 之後正式分部位處理.  以往砌MG/PG/HG都係一次過剪晒出來, 不過今次實在太多件, 只好改變一下工作流程.

一開始係先處理頭部, 跟住身, 腰, 腳, 手, 背包, 盾, 槍.  至於地台同浮游炮, 我自己一直心大心細.  浮游炮係好靚, 不過主體跟本吾夠力去背起個重量.  所以都係淪為後面地台裝飾.  我又無打算砌個地台..... 如果有人出高價收購我12支浮游炮, 地台同大炮就好啦.  哈哈!

組裝的時候當然有讚嘆如此精密的結構, 但都係真心累.  因為件數真係誇張地多.  不過一直最令我介懷的是預塗的設計.  我實係無法理解廠商的思維, 如果想用家素組已有不錯的成品, 預塗的確是一個辦法.  不過這樣的話, 當初水口的設計是不是可以多為用家著想?  好多水口係當眼處, 預塗之後令水口更顯眼. 對於上色的用家, 要面對的是另一個問題, 該不該先洗油?  膠質的強度能支持嗎?  如此複雜的結構, 直噴會吾會厚左?  會吾會影響組合度?  

作為一個懶到出汁的用家, 我最後決定, 當正常模型打磨, 吾上灰, 直噴.  不過只處理外甲及部份見光的骨.  事實上廠家預噴的色都幾靚.  骨架的黑及吾同深淺的鐵灰都非常不錯.  唯獨係隻金色抄原本B仔的青金, 同B仔一樣極之吾順眼.  還有一個不可思議的事, 就係手, 腳都有吾同部件用左同原設不同的色去預塗, 吾知點解乜都抄, 唯獨留小小分色吾抄.  真係百思不得其解.  另外, 我個人認為設計的出發點同MG/PGU好吾同.  MG/PGU係有成幅骨, 再加外甲.  匠有好多分件，但分件只係為美觀。基本上可動可能差過HG.  成盒模型好多機關俾你打開，之後見到入面的結構.  不過機關本身都好實, 唔係咁易開.  我認為匠都只會係就咁企直, 吾會有什麼Action pose.

坦白講, 網上一片負評, 我覺得其實吾係真係大家講到咁.  當然, 有好多地方係有待改善, 不過絕不如網上那清一色的負評.

先講優點 ：
1.  組合度出奇地好， 不過由於環環緊扣，每－次都－定要砌得最貼，要留意有冇未剪好的水口頂住。未有如之前估計的有高低級等問題
2.  精細無比, 連本來要自己做遮蓋上色的地方都有分件
3.  表面刻線, 細位都非常精細, 沒有因為預噴而模糊

缺點 ：
1.  定價略高
2.  預噴 (可能對素組玩家係好事....).  預噴令打磨變得好麻煩，好多時磨緊面d油, 水口磨極都未磨到
3.  說明書的指示頗差
4.  預噴有部份件有積漆
5.  膠質－般，未去到差，表面縮膠都吾小
6.  水口位置係一絕, 膊頭透明綠件, 全件都不見光, 你偏要整個水口係唯一睇到的位置.  有部份水口係最難剪同磨的位置.
7.  如果吾改磁控，跟本吾會開燈，換電，開關位置都好難打開
8.  超級不知所謂的手指設計.  點可能覺得個小小的C扣有足夠強度?  已經有2隻爛左.
9.  持盾過低

上色方面都係一貫的用色, 外甲上色, 小量的骨件上色, 紅, 金, 黃等都有再噴.

白色 : Mr. Colour C107
淺灰 : 自己溝, 噴到一半用晒.....再溝好似深左小小
紅色 : UG20, UG22噴陰影， 白色高光
黑色 : Mr. Colour C14, 透明黑陰影, 白色高光
銀色 : Mr. Colour SM201
黃色 : Mr. Colour C58, 陰影用UG20
關節 : UG09
關節金屬 : GAIA-020, Modo MX-02, Modo MX-03
金 : GAIA EX-08, Modo MX-05
金屬紅 : GAIA-038

如果有朋友問我值吾值得買, 假如你會重新製作上色, 我覺得是非常值得的.  如果你係買來素組, 我會建議你儲下錢, 買盒B仔好過.  雖然佢定價好似有點高, 其實盒野都非常仔細同質素吾錯.  但係砌一盒2000件的模型, 真心係非常累.  感覺係做極都未完....其實真係好沮喪.  其實所花時間真係等於一次過砌幾盒MG.  精神上令人極之疲倦.  而且雖然已經有極多補色的分件, 不過始終吾係100%, 都有幾多地方未有補色.

如果你跟我一樣, 對成品興趣不大, 都是喜歡自己上色, 今次以模型來說的質素可說是非常出色.  連同上次的MB SF, 2次都令人喜出望外.  可以用自己喜歡的塗裝去組合成品.  吾知未來仲會吾會有老沙?

Full Size Photo link :
https://photos.app.goo.gl/JkAbgt39seemxt6MA

#NuGundam, #GUNDAM, #Gunpla, RX93

[ 本帖最後由 ngszewai 於 2023-7-7 10:54 PM 編輯 ]

佢俾個機會自己噴解匠，砌完覺得吾算貴，最小好砌過gk.

如果素組就免了

我覺得本身牛油炮過大及過高，都係放後面装飾，其實興趣吾大

我都好鐘意牛油炮，係解匠的牛油炮出得太大同高

1/60 nu, 點都買來玩下

1/60 Nu 浮游炮

完成了1/60 Nu 主體之後, 多得一群損友不停推波助瀾, 再加上自己覺得好似未完的感覺, 最後都係砌左6條浮遊炮.  今次這6條浮遊炮絕對會係我人生中其中一個不會忘掉的回憶.

有一天起床, 身體覺得很難受, 頭重重, 喉嚨痛, 全身無力又有點肌肉痛.  於是去睇醫生, 醫生話係感冒.  正當我回家想睡的時候, 老婆叫我都做下快測, 明明一日前已經開始有吾舒服我又已經測過係一線, 個一刻我覺得點會係COVID.  結果, 我又成為重陽真人.  本來諗住一個人係細房隔開下, 最後同老婆商議都係搵間酒店住開幾日.  平時又吾見我咁慳, 個一刻又突然好鬼慳家, 比較左一陣, 一係去到青衣有酒店, 一係旺角賓館.  賓館睇相都好正常, 所以book左4晚賓館.  上到去就發現......真係好似以前電影入面個種賓館.  一張床, 落床一步就係洗手間, 無獨立沖涼地方, 即係乜都係個度, 張所謂書桌連我部NB都吾夠放.  全部木傢私, 又殘又舊,  仲要一次過比左幾晚錢.  老婆係咁叫我book過第2度, 個千幾當無左, 不過真係又吾想浪費, 照住啦.

就係咁, 我經歷了人生第一次住賓館.  其實真係好後悔吾比多小小book酒店.  當然我大部份時間其實都係工作室, 主要真係返去沖涼同訓.  不過個幾晚真係訓得好差.......  

個6支浮遊炮, 就係第一晚住賓館剪件, 打磨, 再拎去工作室上色, 之後番賓館組裝, 最後上工作室加水貼......咁既環境, 你話我又點會忘記呢?

之前成日想要ME Time, 其實到我有家歸不得, 真係好掛住屋企的一對寶貝同老婆, 你話人係幾犯賤呢?

廢話完畢, 講番模型.  呢六支野由於上下一樣, 其實即係做12次.  實在太多太多件了!  有一半以上的黑色件跟本吾見光, 於是我又偷懶, 吾噴吾磨.  不過最後發現有部份個水口又係對外個邊......到底點設計架, 放個水口係吾見光度咪大家好......又要開我個高階無視功能......  第一次掛上身, 成隻Nu自然墮地.  跟本承吾起個重量.  於是乖乖搵下有無支架賣.  最後都係用番佢個原裝地台同支架.  即使有上支架, 其實佢都有小小傾斜, 實在太重了.  不過個地台我就吾準備砌佢個整備架, 當支架用.  我覺得個整備架太搶焦點了.  意外地台好多都係隱藏水口, 不過有2件外露銀色件又係大大粒水口對外.......

接駁背包的件共分3件, 每個放2條浮游炮.  不過我吾喜歡佢太高同太橫, 我裝左2個, 放4支算.  結果又係好多人問我點解吾裝晒6支.....最後我將本來第5同第6支分別掛在2邊.  只係用浮游炮本身個小勾勾實.  感覺好看點了.

去到呢個地步, 真係完工了......賣掉另外6支, 吾想再心思思搞埋double fin.

真心說話, 好型.....比原裝解匠更好看, 模型都係自己噴才合自己心意.

由於用色同本體分別不大, 我不再出色表了.

完成了....好似解鎖左一個成就咁.

其實佢成隻都好花……