MG - MS-09R - Rick Dom (1.5) - Char
上次終於完成了的MG大魔, 個人覺得都非常不錯. 有一位之前交收過的師兄搵我, 問我係咪有興趣砌瑪沙版大魔, 他可以平讓一盒1.5俾我砌. 我真心覺得很開心. 因為師兄真係欣賞我的作品, 想睇我砌紅大魔. 感覺就好似去唱K有人讚你唱得好, 點歌俾你唱一樣, 衷心感謝師兄的厚愛.
到手之後, 馬上開工, 有時間就磨小小, 不過骨架睇吾到的位置就吾打磨了. 事實上內構接近完全睇吾到的. 只有小量位要打磨及上色, 整個事前預備非常順暢.
一如以往, 上網搵相關圖片作參考. 睇左好多大作, 最後決定抄韓國一間專出水貼的成品製作. 一直睇相都覺得隻紅有小小金屬感, 於是想用金屬紅加消光去做主色. 為左不負別人期望, 我今次都好認真整. 打磨完好好清潔, 避免有粉粒, 用銀色噴底, 再用透明黑噴陰影. 點知一上金屬紅就遮了9成. 最後噴多隻深小小的金屬紅做陰影. 連我自己寫出來都覺得奇怪, 明明吾打算用金屬色, 不過成個製作流程又係噴金屬色的方法. 用預設陰影的方法, 吾應該用金屬紅, 應該噴透明紅. 如果你睇吾出我噴了陰影. 恭喜你, 你視力係正常的! 做完又做, 結果好似無做過咁. 之後隻啡, 加了大量黑色溝, 噴完用黑色噴陰影, 再用灰色做高光. 不過結果又係好似平噴咁. 真係問你死未.
成隻大魔砌完出來係有小小感覺金屬感太強. 唯有加多些水貼去遮醜.
總括來說, 成品未如自己預期, 一腔熱血去製作, 以極高速完成, 不過換來的是有點失望, 又吾係吾好睇, 不過吾係當初的設想. 朋友, 對不起了, 可能辜負了你的期待.
銀色 : SM208
鐵色 : Modo MX-20
關節灰色 : Mr. Colour 116
胸口灰色 : UG09
啡黑色 :
紅色 : UG12, 高光用白
黃色 :
紅色 : 銀底, 透明黑陰影, GAIA038, 之後Mr. Colour GX215噴陰影.
水貼都貼左幾日, 不過Rick Dom真係適合多水貼, 貼完即刻吾同晒. 其實再一次感受到今次1.5的小改件真係一個非常好的改動(除左細拳頭), 外型未必好大分別, 不過就慳好多功夫. 喜歡大魔可以玩下.
仲有支大炮....個條高高低低, 長長的無縫........唉......有拖無欠....
Full Size Photo link :
https://photos.app.goo.gl/zwVKSpqwAntRwjXX7
#DOM, #GUNDAM, #MGGundam, #Gunpla, #MS09RS, #CHAR
分享
