MG - MS-09 - Dom (1.5)
0079的MG, 其實只剩下3盒未完成. 因為一直找不到心水的紫色, 我一直也在逃避去製作MG大魔. 1.5的推出, 說真的, 是很失望. 為什麼不正正經經去開發2.0呢? 想像一下勇士2.0跟1.0的分別, 來一盒2.0大魔不好嗎? 但是你問我對1.0有什麼不滿, 我又說不出, 極可能是低可動吧. 不過以大魔的身型, 真的可以有高可動嗎? 可能我內心正正是等Bandai的新技術去震撼我的心靈. 不過睇番MG的發展, 其實也接近尾聲了. 同埋0079只是我等老鬼去追逐的產品, 市場可能有限. 據說當年勇士2.0的銷量也不好, 可能老鬼的情懷也都榨取得7788.
由一開始銷售直到現在, 這盒1.5大魔一直也是滯銷貨品. 我覺得市場不似預期大及大量的生產做成這個現象. 至於我終於打開及製作的原因就是, 我以HKD200入手了一盒.......之前正價的繼續安放在工作室, 入了平貨, 於是開來玩下. 剪件, 打磨也很順暢, 主要留意是那些是多餘的部件. 而大炮也只製作一支, 就是那支傳統又不用做無縫的那支. 事實上1.5版令我無需處理肩頭的無縫, 上身的可動略為提高. 最差的改動則是那小小的手掌. 那手放係正常RX-78也略小, 為什麼放到身型加碼的大魔上? 完全不合比例. 再加上那可動手指....難磨又怕佢斷....
因為我無噴灰的習慣, 原來有幾個水口位剪入左, 磨個時吾覺.噴完就覺.
今次噴油真係發生好多問題. 黑色同心口灰色噴完出來太近, 結果又要重噴黑色. 黑色件噴完出來高光吾見晒, 小腳高光位完全吾知點噴. 再加上噴噴下耐吾中就噴下點.....感覺好似技術大倒退咁. 最後也找不到心中的紫色, 只好將幾支不同的紫色亂溝, 仍然是不滿意, 於是想加一點灰色去溝. 點知加錯左洗完筆個支天拿水......我無理, 再加小小灰亂溝出來. 心口灰色最初又淺得滯, 於是又重噴. 加深左心口, 關節的灰色又要加深了. 總之不停重噴重噴. 雖然最後成色我是收貨的, 不過點解好似同原件差不多咁? 由於陰影高光越來越輕, 而家成日都被人問我係咪素組... 而我覺得砌完的成品好多時都似砌緊側邊的DEMO咁.....
銀色 : SM208
鐵色 : Modo MX-02
關節灰色 : Mr. Colour 116
胸口灰色 : UG09
黑色 : Mr. Hobby C71 + 小量 Mr. Colour 2, 高光用白
紅色 : UG12, 高光用白
黃色 : Mr. Hobby C58
紫色 : GAIA 017 + GAIA 019 (6:4) + 淺灰色. 因為溝到亂晒, 我都吾知點講. 高光用白, 陰影用灰色.
組合出來覺得除了過細的手都,其他真係吾錯.不過真係素了點. 加番紅邊水貼, 即刻醒神晒. 因為我有準備制用黑色三連星, 又加埋個三星Logo落去. 我一向吾鐘意太花, 所以都吾再貼到周身都係. 但單是這幾條紅邊, 我都貼左2小時了. 再遇到呢個價, 入來砌隻紅大魔都好.
Full Size Photo link :
https://photos.app.goo.gl/EDWb1W8EBCuudd7p6
#DOM, #GUNDAM, #MGGundam, #Gunpla, #MS09