RG007 - RX-178 - MK-II (Titans)
這幾天新聞報導了一則駭人聽聞的行兇殺案, 想起都覺得心寒. 人真的可以如此冷血嗎? 現實世界的冷血其實遠比水星一掌拍烏蠅更恐怖.
上次的SD Wing, 錄得極小的READ及LIKE數. 我當然係會吾開心, 於是寫左篇文呻下. 結果當然係收到吾小人回應. 當中有友善也有極不友善的. 算了, 好似大家所講, 係網上世界, 認真便輸了. 經此一事, 令我真的有點心灰意冷, 我指不是我對砌模型心灰, 而係對分享自己作品有點心灰. 我一直都當我每一篇文係一篇日記. 記低一些自己的心情及意見. 最主要係我方便自己日後睇番. 回想過去2年我花在FB的時間太多, 是時候將FB 時間大幅減小, 模型以外的FB更加吾想睇. 而呢幾日只係每日login一下, 有事要回就回. 可能我都係宅男一名, 我吾太喜歡無無謂謂的網上爭議.
講番今次的作品Titans MK-II, 其實今次係我人生第一次砌TITANS色. 因為我一向覺得深紫藍加黑呢個配搭極奇怪. 即使今次RG我都好頭痛用邊隻色. 上次砌完PGU G3, 幾鐘意隻藍, 於是就用佢來噴啦. 同本身隻紫藍比可能吾夠紫, 不過吾理了, 試下先啦. RG本身真係好碎, 因為我係一次過剪晒出來, 打磨, 上色, 好多粒件跟本吾知係邊. 個堆差不多的灰色同骨, 我真係是是旦旦分做幾隻灰, 鐵等色算了. 外甲方面, 我本身吾喜歡前後甲吾同色, 我自己統一番, 之後儘量係細位做分色. 無論幾細的外甲, 即使細到好似個點紅色下巴, 我都有噴高光同陰影. 當然, 睇相好難覺眼的.....不過我阿Q去安慰自己, 噴完係會令佢的立體感增加的. 我都有滲線係深色件, 但其實好受罪, 做完又吾覺.....
我本身係極懶的人, 以前都係噴半光為主. 今次, 主要藍色, 黑色, 藍黑色全部係光面. 我知應該要完成所有事先噴保護油, 不過我係要一直睇住來修正, 所以噴完油, 未等滲線已經噴左半消. 可能只係我奇怪, 我吾特別喜歡全消光的效果, 鐘意半消多點.
銀色 : SM208
黑鐵色 : Modo MX-20
淺鐵色 : Modo MX-03
金屬紅 : Gaia-038
藍紫色 : IMPEZ 057, 陰影用IMPEZ 036
藍黑色 ：IMPEZ 036, 白色高光
黃色 : C58, 紅色陰影
灰色 : Mr. Colour 305, 陰影用UG09
深灰色 : Mr. Colour 116, 白色高光
黑色 : Finisher West Black, 白色高光
紅色 : UG12, 瑪莎紅做陰影
今次盒RG可算是順順利利, 我沒有趕著完工, 有時累了就早點睡, 放慢了腳步, 慢慢去製作. 一如其他早期的RG, 一體成型的骨係我扣最多分的地方. 腰部有點偏軟, 其他還可以. 因為害怕條骨會斷, 我一直萬二分小心. 條一體成型骨可以吾上色最好吾上色, 我只係噴左手腳四條骨. 不過原來腳掌的骨都幾多外露位. 好彩最後砌埋都平平安安. RG的外型比例十分理想但分件碎到我成日驚會吾見左幾粒. 最後真係吾見左一粒胸口的透明綠件. 腳後的管, 我自己用了其他牌子的取替. 由於好多件在我噴油時跟本吾知係邊個地方的件, 令我處理分色都有點煩. 不過正面去想, 只要你好好睇說明書, 利用吾同部位的分件去分色, 吾駛做遮蓋, 吾駛噴陰影都可以完成一盒非常有質素的作品. 完成了RG MK-II Titans, 應該去搵盒MG來玩下啦. 之前周圍都有貨時我又無買, 而家又貴番小小了. 似乎未來一段日子都無0079等舊高達再販, 呢排我見平都會入手, 以備不時之需.
綜合各方面來說, 呢盒RG算係非常不錯. 不過如果只可以選黑或白色, 我會選白色......黑黑的高達有點奇怪. 今次算係一個非常不錯的經驗, 係大範圍的深色位處理光暗. 希望下隻再做好一點.
Full Size Photo link :
https://photos.app.goo.gl/HkTCL5YZU4L9zc7u9
#MKIITITANS, #GUNDAM, #RGGundam, #Gunpla, #MKIIGUNDAM, #TITANS
分享
