PGU - RX-78-3 - Gundam G3

2022年12月尾, 代理又來一輪PGU貨.  我之前已在相熟店留貨, 最後都吾夠分.  只入到一盒.  不過當各大店舖都沒有現貨,  卻發現成個旋泊都係.  有時真係吾明, 辛辛苦苦買入又即刻放售, 真係好想賺個$200咩?   又有朋友去日本旅行, 當地退稅後都係25000Yen.  即係$1500左右, 點解香港正價都要2000?  一方面代理收起很多貨在自己的玩具店發售, 另一方面卻要其他入貨的商店入十大量的死貨.  我完全吾怪店舖賣貴, 因為返一盒PGU, 通常都好多死貨要跟.  佢地真係好慘, 只能將成本轉嫁去PGU的買家身上  對於香港的代理只有深感厭惡.  另一方面,  希望入手的玩家可以真的去好好組裝, 感受一下20年後PG的技術.  雖然PGU多件, 不過好多都大大件, 吾係真係難砌.

說回模型, 當我完成了原色的PGU後, 我已經好想再砌一次.  一直煩惱砌什麼顏色.  網上大熱的Char紅色, 我個人就無乜興趣.  高達應該係聯邦的象徵, 點會去左自護.....剩下的選擇有G1/G3/MSV色.  因為今次係1/60, 一盒30CM高的模型用G3有點太沉.  個人認為色彩豐富的MSV理應係最適合.  但係以吾舊化來說, MSV個色彩配置完全吾係我杯茶, 坦白說, 我覺得MSV配色係有點奇怪.....只係太多高手利用舊化減低對比先順眼左.  相比來說, G1的色彩比較更合我心水.  係我不停揾資料的時候, 見到KA為其他系列設計的G3, 將胸部的色彩轉為深藍, 盾沒有了黃星, 我覺得幾靚, 反正又買吾到G1水貼, 試下G3啦.

決定左以G3配色為基本, 就正式開工.   吸收左上次的經驗, 今次比較有系統的剪件, 不見光的水口也不處理.  剛巧一位網友囂記網上直播了2次有關砌PGU的注意事項, 我都有去偷下師.  係處理骨的過程, 我用了一款比較深的銀色去取代淺灰, 一向用開的金屬鐵做深灰色.  噴完又覺得太似, 於是又轉第二隻Gun Metal.  另外, 小部位用香檳金點綴下.  本身銀色的件用了比較淡及光面的銀, 再加上本身套件的淺金, 銀及電鍍銀, 還有金屬紅, 單是骨已經有9隻色..... 我每日返工前偷一小時去噴, 夜晚就打磨, 分開每日完成一部份.  個人認為今次套骨的用色比上次更好, 好有金屬的質感.  

完成骨架就諗外甲.  由於G3本身就係低可見度, 今次的外甲彩度偏低.  我都吾知自己的噴塗適吾適合.  個心只係諗住如果噴得吾好, 大不了買盒透明甲再噴過.  其實一直係準備呢盒的時候, 內心都有好大的掙扎.  基本上網路上的成品都有經過舊化處理.  我自己吾係抗拒舊化, 不過我更喜愛乾淨的作品.  點解一定要舊化呢?  吾舊化吾得咩?  乾淨一定吾靚?  谷住度氣, 點都要砌一盒吾舊化都靚的作品.

本身G3每隻色要再分２隻色, 為左搵到心入面的配色, 總共入左6支藍同10支灰色, 全部噴一次板來做比較.  決定了用邊隻色之後噴上去外甲時, 因為又高光又陰影, 灰色的對比又吾夠明顯, 結果又要再噴, 就到呢2件夾色, 又到其他吾夾.  個身噴完, 手腳的深小小灰色又吾夠出, 結果谷氣溝深小小再噴, 跟住又到同深灰件太近, 結果深灰件要用黑灰色......  手手腳腳一共噴左2~3次.   噴完的件拎番屋企又花左幾件.  組裝先後次序出錯, 係我拆出來時又拍斷左一件.  總之問題多多, 令人身心疲憊.

噴完個身, G3本身真係太沉, 覺得好寡, 於是不停加水貼.  買左張$100的名牌水貼同一張抄佢的淘寶水貼.  用落又吾覺好大分別.  兩張都係要浸差吾多成分鐘水先可以操作.  呢幾年用開的第三廠水貼都係浸幾秒就得, 而定要一早剪完放落去等, 講真都幾吾慣.  不過都買左啦, 貼啦.  係我貼到膊頭個位時, 發現淘個張的字竟然係灰色......G3係灰色.....係咪玩野........結果又要起番, 再用番貴個張貼多次.

由於不停試色, 犯錯, 再噴, 跟住又有大量水貼, 令製作時間比之前長左好多.  製作中途都有post上FB, 得到大家好評.  我覺得係因為大家睇正常色睇得太多, 見到另類作品好興奮.  其實成個色彩吾係我設計, 我都係抄功課!  如果大家真係鐘意都可以一齊噴一隻.  

骨 :
銀色 : SM208
深灰位 : Modo MX-02
深灰位 : Modo MX-20
淺灰位 : Modo MX-03
金色 : Gaia EX-08
金屬紅 : Gaia-038

甲
深藍色 : IMPEZ 057
藍黑色 ：IMPEZ 036
黃色 : C58, 紅色陰影
淺淺主灰色 : 35+ 338 (1:1) 陰影用UG09
淺主灰色 : 溝到亂晒....吾知
小件灰色 : Mr. Colour 116, 白色高光
腰灰色 : Mr. Colour 305, 陰影用UG09
黑灰色 : Mr. Colour 116, 白色高光

背包
黑色 : Mr. Colour C078

今次買左好多色, 最後都係亂溝.  同原先計劃吾同晒, 真心覺得自己好白痴.  仲有越來越覺得自己吾識噴油..... 製作過程吾算順利, 真係身心俱疲.  試過半夜三更一條友係工作室噴油,  試過噴完幾個鐘發現吾對路要再噴.  試過噴完個盾, 自己吾小心按個手指印要重做.  括漆花件多不勝數......係我累到一個點, 有小小發脾氣時, 真心多謝各網友的支持.  特別係Gary追問我完成未, 好想睇成品, 真係俾左好多鼓勵我.   雖然手腳的配色同我原先的諗法有出入 我自己都接受左啦.  一個月完成了2盒PGU, 仲有G1想砌.  G1用舊PG砌定都用PGU好呢?


Full Size Photo link :
https://photos.app.goo.gl/BPqt7jussbVHvVdT8

#RX78,#Gundam, #PGU, #PGUnleashed, #Gunpla

Happy Lunar New Year!

better color tone in white background, and a like the metallic red inside backpack exhaust.



...已在相熟店留貨, 最後都吾夠分.  只入到一盒...  
it is is a bad shop if promise to reserve three but finally only sell you one, the shop i am close will order the not enough stuff from japanese online shops and paid the shipping himself, i.e. to keep him promise even lose some money.


...不過當各大店舖都沒有現貨,  卻發現成個旋泊都係.  有時真係吾明, 辛辛苦苦買入又即刻放售, 真係好想賺個$200咩?  
they have their to pre-order stuff before us, and at least 10 boxes, i.e. 實賺


...點解香港正價都要2000?  一方面代理收起很多貨在自己的玩具店發售, 另一方面卻要其他入貨的商店入十大量的死貨...
睡橫行, another kind of bad importer.


...係我不停揾資料的時候, 見到KA為其他系列設計的G3, 將胸部的色彩轉為深藍, 盾沒有了黃星, 我覺得幾靚...
you mean GFFMC?


...再加上本身套件的淺金, 銀及電鍍銀, 還有金屬紅, 單是骨已經有9隻色...個人認為今次套骨的用色比上次更好, 好有金屬的質感...
90% are hide behind armor
personally, i not like to use gloss/metallic as 骨 if the armor is matt finish.


基本上網路上的成品都有經過舊化處理.  我自己吾係抗拒舊化, 不過我更喜愛乾淨的作品. 點解一定要舊化呢?  吾舊化吾得咩?  乾淨一定吾靚?
that why i ignore those useless gossip in social networking


...因為又高光又陰影, 灰色的對比又吾夠明顯, 結果又要再噴, 就到呢2件夾色, 又到其他吾夾. ... 跟住又到同深灰件太近, 結果深灰件要用黑灰色...
i feel the deep grey is too dark, especial 頭手腳的灰?


...噴完的件拎番屋企又花左幾件...
yes, that why i would spray and assemble in workshop.
e.g. i bring the 骨 of KoG to workshop rather than take the golden armor to home.


...兩張都係要浸差吾多成分鐘水先可以操作.  呢幾年用開的第三廠水貼都係浸幾秒就得...
may relate to water temperature or that sheet of water decals is old?


...係我貼到膊頭個位時, 發現淘個張的字竟然係灰色......G3係灰色.....係咪玩野...
haha


...今次買左好多色, 最後都係亂溝.  同原先計劃吾同晒, 真心覺得自己好白痴.  仲有越來越覺得自己吾識噴油...
it is better to use basic, primary colors to mix color. typical pre-mixed color have pigment specific for the one you bought.  intensity, saturation will decrease, even turn to grey/brown tone if mix with another pre-mixed color.


...試過半夜三更一條友係工作室噴油,  試過噴完幾個鐘發現吾對路要再噴.  試過噴完吾小心按個手指印要重做.  括漆花件多不勝數...
this is experience, next time will better


G1用舊PG砌定都用PGU好呢?
use PGU spray G1
use 舊PG play weathering

[ 本帖最後由 ygat 於 2023-1-23 11:36 AM 編輯 ]

這個配色有心思，上色靚 師兄佳作

我都想試下這盒PG，的確好正，但實在太貴。

[ 本帖最後由 robotkel 於 2023-1-23 03:46 PM 編輯 ]

好正，細節好有心機

樓主的作品, 每件上色都使人看得舒服.
不斷的製作, 上色越見進步.
樓主似乎對 RX-78 有大愛. 印象中已砌了很多台 RX-78 的 HG, MG, SD, RG ....

首先多謝大家支持，一次過回覆大家。

手腳深灰部位的確比我原先設計深色左。不過經過多次噴完又噴，真係冇心力再搞。

呢盒pgu的確吾錯，1500可以接受，2000真係overprice.  如果budget許可，吾介意俾bandai劏一次就去玩。比起mgsd,呢盒劏得gur。

砌呢盒時真係屈住屈住成肚氣。完成了之後又好空虛⋯⋯

我係鐘意rx78,不過最愛永遠係百式！但係rx-78多選擇！乜系列都係有！

建議你換這個可動手 --> [attach]508561[/attach][attach]508562[/attach]

其實我好憎可動手…. 不過都多謝師兄意見。