MGEX - ZGMF-X20A - Strike Freedom
有一天清晨, 太太叫醒了在睡夢中的我, 告訴我工人姐姐中招了. 突如其來的消息, 令本來很多安排都大亂. 隔離了2天後, 阿囡中招了. 又過一天, 太太也中招了, 而我開始有發燒等病徵....果然, 過了幾小時, 快測終於顯示我也中了. 白白隔離了幾天, 結果又要由頭開始計過.....
幸運地, 我們一家雖然中招了, 也沒有誇張的高燒, 也沒有刀割一樣的喉嚨痛. 好好休息了幾天, 也很快回復了. 雖然未算重症, 不過頭數天真係連砌模型的精神都無. 很累....
精神稍為好點了之後, 又再繼續我砌了一半的MGEX. 係中CODIV之前, 大部份噴油的工作都已經完成, 隔離的日子就主要搞下遮蓋, 組裝等.
說回今次的主角MGEX. 基本上, 所有新模型我都係預訂的. 我吾係未被人呃過, 只怪自己錯信所謂香港小店, 所以而家都係搵相熟店舖或大舖訂. 以現在代理出貨的規律來說, 基本上大熱的新貨一定係缺的. 如果堅持要現貨先買, 一係去排隊, 一係俾多小小. (其實排隊都係貴過預訂價). 來緊MGSD同Zeta KA估計都係一樣, 坦白說, 選擇權係你手上, 喜歡排隊, 大把錢, 吾介意俾多一百幾十, 自己決定吧.
係發售當天, 豪不意外地都係幾間龍頭大舖率先公佈. 不過睇番當日的FB, 真係吾覺好多人出post. 過左個weekend都吾見好多成品post出. 記得當日RG GOD真係幾日就有好多成品post, 無論係噴塗定素組都吾小. 到底真係貨小, 大家買吾到定太多件, 要多點時間組裝呢?
係正式開工之前, 我都不停參考網上的成品post. 基本上素組出來已經非常不錯. 4隻金色入邊, 只有一隻真係膠色, 其他完全係可以接受的金色. 最令人煩惱係因為無打算為另外3隻金色上色, (如果要上色, 要先洗件, 我好怕呢類洗件等工序), 即係如果水口外露, 我只可以用筆塗點綴下, 所以最後個排啡金也直接試下板噴. 板噴係時間上係慳到小小, 主要都係慳番夾件, 打磨的時間. 但我就覺得噴的角度好難就, 應該下次都吾會再用板噴了.
收你呢個價錢, Bandai都真係盡力地不停分件. 其實係碎的程度來說, 完全不輸RG, 可能比RG更碎. 因為件量多, 剪件, 磨件都係一件好折磨的事, 大量的under gate, 雖然睇相吾覺有明顯的水口位, 但都要處理架....我就一路睇世界杯, 一路剪, 跟住磨. 一場波的時間都吾夠我剪晒d件出來, 吾好話開始磨, 其實真係好誇張. 跟住得閒磨一個鐘, 得閒磨一個鐘, 慢慢完成打磨.
打磨的過程中, 我都係不停思考點處理外甲. 同一位網友傾開, 最後決定今次減小陰影, 灰的感覺, 用多點金屬色, 令佢睇落sharp點. 其實之前小弟的Metal build SF用左傳統噴RX-78的作法, 結果係極之不受歡迎, 好多網友都反映灰灰的感覺吾夾SF, 所以今次決定改變噴法. 白色用珍珠白, 紅, 黑色用金屬色, 灰,藍同紫灰加小量輕陰影同再分件.
白色 : 珍珠白
淺灰色 : 自己溝
中灰 : Mr. Colour C337, (陰影用UG09)
藍色 : UG14
灰藍色 : Mr. Colour C72
黑色 : Finisher FI-033 (West Black) + 幾滴白色再噴半光
黑鐵色 : Modo MX-02
金色 : GAIA-EX08, 只係噴左其中最膠個幾板
紅色 : GAIA 038
藍色的再分件以及加入小量銀色位係白色件的位置, 效果都非常吾錯. 當我將佢同我之前的MB放在一起, 更加覺得SF真係比較適合乾乾淨淨的噴法.
說實話, 以成品來說, 今次可說是其中一盒極高質的MG模型. 但係吾係值得這個價錢呢? 除了所謂的金色的表現, 以外型, 可動, 細緻方面來說, Wing KA完全不輸MGEX SF. 咁俾多的錢就係因為佢幫我噴左個幾隻金? 不如你吾好攪, 等我自己噴好過啦. 好多網友都表示, 今次係bandai自己魔改的SF, 我完全同意. 基本上一眼望去, 完全係睇吾晒所有細節, 整個外型比較壯, 不似以前瘦削的SF. 我大膽的說, 跟本係1/100的PGU版. 除了售價及極討厭的特別上色處理外, 我真的找不到其他的缺點. 仔細看的話, 吾同的金色配搭也非常恰當, 除了那一版超級膠的金色, 真的有必要重新噴過嗎? 白色噴了珍珠白之後有很閃的效果, 半消金屬黑色的選擇也很好, 不過跟本身板件的色很接近, 完成了之後整體感覺跟素組差不多. 而事實上在網上看到的成品也有點千篇一律的感覺. 是不是Bandai改得太好了, 所以才有這個感覺? 感覺上無論新手定高手, 出來的成品都差不多. 無論如何, 這盒模型是非常高質, 只要你是砌高達模型的, 都應要試一試.
隨著PGU/MGEX的推出, 感覺上未來只有PGU等級的1/60, 1/100會分成MGEX以及Full Mechanics, 1/144會是RG/HG. 價錢也重新洗牌了. 仲想300一盒MG? 舊款再販就得.... 下一隻MGEX會是什麼? 期待!!
Full Size Photo link :
https://photos.app.goo.gl/aB5yym3j7XvmKtQJ6
#ZGMFX20A,#MGEX, #Gundam, #Gunpla, #StrikeFreedom
[
本帖最後由 ngszewai 於 2022-12-10 06:59 PM 編輯 ]
分享
