SDCS - MS-05 - Zaku I - Black Tri-Star
今次完成埋黑色三連星舊揸, 手頭上已經完全無舊揸件了. 無論係舊揸CS Parts定係揸古都吾多見. 再想砌都無能為力.
今次同上次的製作, 除了顏色的不同, 仲有幾樣係吾同的.
1. 身體用了CS骨. 吾用SD骨係因為CS骨的膊頭提供一定的可動性, 可以做類似擴胸的動作.
2. 手臂用了CS骨, 上次用了SD骨做手臂, 因為做了無縫, 又拆吾到出來, 結果非常後悔. 用CS骨多一個可動位.
3. 股關節用了舊揸套件的新股關節. 感覺上比SD件高小小, 仲可以做出坐係度的pose. 當時新出呢套骨, 好多人都係因為Zeta飛機模式買. 係我心目中, 佢個CS/SD新股關節, Zeta大脾先係主菜. 到左而家更加發覺舊揸件係寶.
今次用了黑色瞬乾膠做無縫, 真係非常好用. 之前用透明, 有時膠水乾左吾太顯眼, 但一噴就見到未打磨好. 用黑色可清楚見到什麼位置未處理好, 可完全解決這問題, 不過處理手前臂的無縫位好易吾覺意補埋打橫條刻線. 理論上係要再自己刻線, 但我又搞吾掂. 唉.....
上色方面, 今次做了一個新嘗試. 我一直睇黑色三連星都覺得佢吾係黑色, 係深紫色. 於是一直煩惱深紫, 正常紫灰同黑的配搭. 偶爾見到自己隻萬能俠胸象扭旦, 便決心用金屬色. 金屬色好小噴陰影, 不過我鐘意噴陰影, 於是就噴多層透明黑係陰影位. 紫灰色噴完發覺撞左, 太灰了, 於是又薄噴多層紫色. 最後全部再一層消光. 而家望落似黑, 細心睇就見紫色, 我很滿意這效果.
深紫色 Finisher Blue + Mr. Hobyy 金屬紫 + Mr. Colour 金屬黑 (比例吾記得了, 亂溝出來)
紫色 紫加灰亂溝
白色 UG09 (陰影用灰色)
黑色 C14
整隻完成之後, 再加三連星的水貼. 整體效果非常不錯. 有時我真係吾明, SDCS呢過搶錢系列點解會無以為繼. 難得今年有新作, 又去左機戰的機體. 我真係覺得佢幅骨係搶錢中的經典. 點都好, 希望來年多些新作, 吾好死line.
Full Size Photo link :
https://photos.app.goo.gl/57f7EdWFAkCUG1XGA
#Zaku, #SDGundam, #Gunpla, #SD, #MS05, #Blacktristar
分享
