MG - MS-05 - Zaku I - GK
舊揸一直無出2.0, 明明係同一幅骨, 又可以出黑色三連星同普通版, 應該係排住隊出, 但咁多年都吾出, 會吾會係之前1.0賣得吾好, 所以B仔堅持吾出?
偶爾看到有一套GK改件, 配合MG Zaku 2.0的骨可改為Zaku I. 最緊要係平, 先係200. 多講無謂, 即時入手. 跟住仲即時買番盒綠揸2.0返來.
入手之後第一印象係個模好靚wor. 刻線清晰, 外型又好, 表面無凹凹凸凸, 好平滑. 一直吾敢玩GK, 因為驚執件好難, 由於始終都係第一次玩GK, 懷住戰戰兢兢的心情去學習點處理. 用洗潔精洗件, 全件打磨, 加深刻線, 上1200灰, 乜都做齊. 因為驚整爛把剪, 我用把$50的平剪(神手個品牌, 平時剪框用) 來修剪. 打磨用五金舖的細銼, 之後400, 1000磨. 可能本身件靚, 又吾係用好多時間執件. 有睇開我專頁都知我係懶虫一名, 平時都吾會加深刻線. 正所謂書到用時方恨小, 到我要加深刻線的呢一刻就搞到一團糟...... 極多出界. 去到最後真係好輕手畫幾下, 都吾知係吾係真係有加深到......噴灰反而對我吾太困難, 始終對用噴槍有經驗. 不過感覺怪怪, 之前用噴罐噴灰, 好大氣味. 今次開Mr. Colour 1200底灰, 我都係用正常開油水以1:2開, 完全無味, 好似噴緊淺灰色咁. 隻色仲要幾靚, 係咪我做錯左? 基本上套GK好多件都係直接copy原件, 不過加多刻線, 所以有部份件我係用番原件. 本身GK件外面幾靚幾滑, 不過剪口位, 內側都幾凹凸不平. 雖然製作呢套GK件未算太難, 但我都係更喜歡處理Bandai原件, 習慣左.
今次無打算露骨, 所以副骨只會處理外露位. 由於可能有好多件都吾會用, 吾可以好似以前咁先剪晒出來. 所以都係跟說明書一步一步來整. 至於點解吾假組? 因為驚裝拆過程整爛, 儘可能我都吾會假組. 至於小量用番原件的藍綠外甲, 為左統一發色, 我係噴埋灰. 本身盒改件以GTO為藍本, 我就用番0079的設計, 個斧頭吾會咁誇. 當我做完所有事, 係落膠水的時候發生慘劇. 因為支AA膠出口塞左, 我剪多左小小出口, 結果係我落AA膠去心口改件時落得過多, 吾知點解個刻無諗過用紙巾吸走過多的AA膠, 就咁痴上去. 結果溢出的AA膠流向腰左右兩側, 前面的2塊裙甲......部份刻線吾見左, 有部份雕刻位更被AA膠溶左.....等AA膠乾左之後即時急救, 左右2塊都叫救到, 不過前面2件完全吾得. 另外因為個頭上下都係新GK件, 隻獨眼要安裝係細細條GK柱上, 一扭又斷了, 於是落膠水固定佢, 不過一落膠水又整花了隻眼......我真的覺得自己好有問題, 已經吾止一次被膠水整花模型.....
上色方面, 參考番HG的做法, 以灰藍色去襯綠色, 高光, 陰影都有處理. 由於只係處理見光位, 係慳左吾小時間, 不過單上色我都用左接近8小時. 灰, 主色, 陰易, 高光, 主色. 每件噴5次, 真係吾講得笑. 最慘係吾止一次發現噴小左一兩件同要救裙甲, 整幾件野又要噴足咁多層, 真係洗筆洗到傻.....
藍色 : Mr. Colour 72, 陰影用Mr. Colour 14
綠色 : GAIA 026, 陰影用GAIA 027
黑鐵色 : (腰) Modo MX-02
灰色 : UG09
黑色 : Mr. Colour 14
背包 : GAIA 027
銀色 : Mr. Colour SM201
同一位網友傾開, 原來我盒GK係再翻另一個廠, 上淘寶睇下, 原廠賣300人仔, 翻件100. 所以我又入多盒, 順便同個賣家補埋前裙甲兩塊件. 總結來說, 呢套GK改件完全滿足我想砌一盒MG舊揸又吾喜歡1.0 1.0的舊揸, 頭大身細, 比例吾討好, 所以即使我一直想完成埋MG 0079都吾搞佢. 由於自己技術吾到家, 我係好驚玩GK, 怕好難製作, 要做好多修補的功夫. 不過呢set雖然係翻件, 不過刻線深, 表面都非常平滑, 要自己手動改動的部位吾多, 基本上當模型砌就就得, 真係可以說是"新手向", 要留意係原件條腰有突出部位駁喉, 係要自己剪左磨平, 咁可以令胸口藍色甲可以向入多一點. 同埋頭部設計係最吾得的地方, 個種裝單眼的方法基本上一定斷, 你吾用銅支就預左痴死. 要留意GK件係好脆, 好似腰甲個種拍下去就得的設計, 吾好預可裝拆太多次. 另外表面雖然係好平滑, 內側的位係有輕微吾夾, 要自己小修小補. 但完全係可接受範圍. 我連筆地都吾駛用已可完成. 呢個價錢, 呢個質素, 真係超值. 誠意推介!
年頭想試舊化仍未行動, 但今年不經不覺都試左吾小新野. 例如成隻144用金屬色, 玩GK, 玩3D print, 過程雖然遇到一點困難, 可幸仍可解決. 今次體驗了這種改件GK, 又打開了一幅新的大門! 吾計無出過1/100的雙面蟹, MG 0079都只係得番大魔, 坦克同自護. 不過呢3盒都係完全吾想砌的. 大魔同自護都係早期的設計, 自己吾加線真係吾係好得. 坦克吾做舊化又奇奇怪怪. 吾知幾時先會心血來潮搞搞佢.
Full Size Photo link :
https://photos.app.goo.gl/Jy3UfEpNfP8hE5gm7
#MS-05,#ZAKU, #MGGundam, #Gunpla,#MG
分享
