RG036 - GF13-017NJII - God Gundam
我不是一個神高達的粉絲. 初初公佈資料的時候, 我也沒有太大的興趣, 不過砌下砌下, 好想揾新野砌, 不期然對佢有所期待. 由於當時所有新模型都係嚴重缺貨, 所以都周圍搵地方訂. 結果由2月開始預訂, 呢度訂一盒, 個度訂一盒, 最後都訂左4盒返來. 結果係跟本周圍都有貨, 今次真係讚Bandai做到野. 最莫名其妙係吾知點解仲有一大班人係要去某店排隊買. 店家公佈96盒就去排, 現售又吾係特別平, 為乜死要去排隊呢? 上旋泊睇下, 什麼地區的賣家都有, 即使俾多$20當買個方便都抵啦. 真係想平, 為乜當初吾搵相熟店舖訂呢?
事實上由今年開始, 感覺上模型的炒風開始退卻. Bandai不停再販的確係唯一可以停止炒賣的方法. 希望之後買模型都可以簡單點, 不用成日入定貨. 吾砌模型的人吾會為炒賣而搶埋一份.
係未正式發售之前, 已經有台灣一名出名的模型製作者完成製作, 係正式發售當日, 又有網友極速完成, 跟住呢幾日都係處於日日最小幾隻成品有得睇, 無論你想睇噴塗, 素組, 明鏡止水都一應具備, 其實大家有無睇到有點滯? 睇大家的成品, 真係扭到乜pose都擺得出, 不得不讚嘆Bandai的設計. 每次有人post成品, 我都會睇下有無一些新的要素可以用係自己的作品中. 但我自己都睇到滯滯地. 下次都係吾好咁急進, 一出就砌, 自己又吾係快過人完成, 無謂成為沙灘中的一粒沙.
由決定製作開始, 我已經有一些製作上的想法. 參考完好多師兄作品, 也有很多新的意念. 係剪件同打磨的過程中, 不時會想這裡要補什麼色, 這裡要如何. 很多時在組裝時也會因為懶沒去做. 今次我係堅持吾準組裝, 完成噴塗, 滲線, 補色才組裝. 基本上所有之前想補色的也補了. 今次我用了一貫我喜歡的色系去做, 就是帶小小粉色. 藍, 紅等都再細分2隻色. 背翼及腰前方加了金屬紅. 肩膀上, 裙甲, 腳踝中間條灰色, 都手油小小銀色點綴. 將腳部小部份灰色改為銀色. 以往我成日將RG分得太散的色統一番, 估吾到今日我反而再細碎化, 證明人真係會變....組裝時發現背翼斷左, 落膠水時又整花了油, 結果又重做. 今次隻GOD好似比以前更細碎, 我就每一粒打磨同噴, 有時打磨個時真係睇吾到水口係邊, 之後噴又見到水口, 總之極多功夫. 骨架粒粒細碎, 外甲我仲要每件上陰影, 高光, 真係噴到我傻. 趁阿仔放暑假, 吾駛送返學, 我朝朝6點起身去工作室噴野, 之後先番工, 而家真係身心俱疲. 不過開心的是仲有團火. 自己租左工作室都差不多9個月, 仲有團火去砌真係好值得開心. 希望之後都keep到落去.
白色 Mr. Colour C107
灰色 自己溝, 比337深, 比306淺
紅色 UG20 (陰影用瑪沙深紅)
深紅色 UG22 (陰影用灰色)
藍色 UG14 (陰影用Titan深藍)
淺藍色 Mr. Colour C370 (陰影用灰色)
鐡色 Modo MX-02
銀色 Mr. Colour SM206
黃色 Mr. Colour C58
關節 UG09
金屬紅色 Gaia C038
完成左之後, 反而一直無的起心肝去影相. 想影多幾張action pose但扭來扭去都擺吾到. 其中雙手放胸前的"signature pose"更加係擺極都吾似.....總括來說, 我個人都好滿意整體的效果, 完全是做到了當初的想法. 呢隻神高係可動性方面都吾駛再為大家介紹. 上網見到大家都可以扭到出神入化, 但我反而有點驚. 好多可動位其實都靠一粒好細的件去支撐. 感覺上好似HCM Pro, 好多位可動, 不過吾夠緊同實淨. 大家咁扭法吾知捱到幾耐. 呢盒雖然吾大盒, 不過真係好多件. 打磨, 噴塗都極花時間. 但整體設計真係好好, 即使你吾喜歡神高, 都值得入一盒來試下個可動性. 由近期幾隻RG的設計來看, RG真係越出越好. 亦令我更期待下一盒RG的出現. 如果RG出S Gundam就真係perfect!
後記 : 為左了解下個故仔, 仲特登睇左1個鐘的YT速讀. 佢同師父一齊打個套拳同對白.....仲有次次都同女主/女二個d愛心合擊.....仲有一系列古靈精怪的高達.......真係接受吾到.....
Full Size Photo link :
https://photos.app.goo.gl/7ANwk3megvJWf8cz9
#GODGundam, #GUNDAM, #RGGundam, #Gunpla, #RG
分享
