由於一件成品不可出2次POST, 新增的腰改件放係新六個post
HG - 百式2.0 - MSN100 - Gold Edition
金光閃閃多美麗, 金光閃閃叫人迷! (識就識, 吾識就吾識, 雖然吾係高達的歌, 不過每次砌百式都會自動哼呢首歌) 又係HG百式. 今次係第三次砌. 第一隻係偏青的金色, 第二次係香檳金色, 今次係黃金色. 為乜又搞百式? 事源係有一位朋友想砌KOG, 於是來我工作室噴油, 望下望下搞到我又想搵盒金色的模型砌, 咁當然搵隻快靚正的HG Revive 百式來玩, 主要目的係試色, 如果合心水就可以再噴多次黃金色的百式..
有睇開我的作品都知我吾噴灰. 更加無執著金色要用黑底等固有概念. 事實上, 經多番測試, 可以好肯定咁講, 對絕大部份金色油來講, 黑/白底會有輕微的差異. 不過你吾放埋一齊來睇, 其實很難分辨出來, 因為差異真的很小, 黑底出來的色會實一點點. 如果你追求完美的作品, 我都好支持大家做足咁多個步驟, 如果你同我一樣係差不多先生, 直噴啦, 仲搞咁多.
今次我係用番上次KOG的金色. 即係40%星光金, 60%香檳金溝出來. 其實我個人來講吾特別鐘意星光金. 如果只係噴小面積, 例如SD的角就好靚, 不過大面積就會覺得有點粗糙同太黃. 由於要噴光面, 打磨完之後要用濕紙巾抹走打磨的粉, 跟住直接夾好就噴. 上完水貼, 滲埋線就噴層光油保護, 因為我之前吾噴保護油, 真係會慢慢變色...... 噴的過程中發生了一段有趣的事, 係我個堆山積油入面, 見到有支金色, 同我用來放上之KOG剩油個樽係一樣的. 於是我就拎來噴. 一路噴, 一路覺得太黃啦, 點解成支122咁? 真係噴到拎晒頭. 仲以為金色開定放耐左會走樣. 個一刻真係想放棄. 就係我噴晒全部金色之後, 發現有支同款樽的金色係度......個一刻爆左句粗, 噴啦, 仲諗..... 結果期望中的黃金色终於出現了.
完成左金色, 之後開始處理其他色. 骨架我用金屬灰, 紅色用金屬紅, 胸口位藍色則改用深深藍色 (接近黑). 最後再加小量水貼就完工. 其實每次砌百式都好愉快, 因為金色一噴完就完, 吾駛又噴一次陰影, 一次高光, 又一次主色. 所以真係好快就噴完.
金色 : 40% 122 + 60% Gaia EX-08
金屬紅 : Gaia 038
金屬灰 : 雙星 LP-61
黑鐵色 : (腰) Modo MX-02
灰 : UG09
深深藍色 : Mr. Colour 14
噴完油之後, 手油補番紅色噴氣口中間的黑色位. 心口的銀線等. 全部都係放大鏡加琺瑯油慢慢抹出界位. 放大睇都吾失禮架. 組裝時發現頭部小左條天線.......由於完全無印象有噴過同磨過....即係剪漏左啦..........組裝完覺得非常吾錯, 但同上次香檳金放係一齊又覺得香檳金更靚, 吾係呢隻金吾靚, 只係我喜歡百式夾香檳金同深紅鞋.
由於始終都只係一盒HG, 有小量無縫要處理, 又再一次令我覺得自己處理無縫有幾廢. 因為我好鐘意同人分享, 我成人都會主動send成品相俾人睇. 耐吾中都有人問我賣吾賣, 代工收幾錢. 其實我完全吾係代工, 也吾打算接job. 砌模型係我嗜好, 但我技術未到家, 無資格收人錢. 連一條無縫都搞吾掂, 仲收人錢? 我enjoy砌高達, 只要砌得開心, 我就會繼續砌落去,
HG Revive百式真係幾靚仔. 當然, 同MG2.0拍埋就差了一點, 獨立睇還是相當不錯的. 我個人就覺得香檳金比較夾百式. 睇來吾駛再砌一次MG2.0了.
Full Size Photo link :
https://photos.app.goo.gl/tH5TyGo9yXpTEr4c6
#百式,#MSN100, #HGGundam, #Gunpla,#HG
[
本帖最後由 ngszewai 於 2022-9-10 01:34 PM 編輯 ]
分享
