MG - XXXG-01W - Wing Gundam EW (KA)
我真係吾知點解Gundam Wing 5小強有20隻機! 好亂啊!
我一向都無睇高達的動畫或漫畫. 鐘意Gunpla可以說是情意結. 就是因為小時候沒錢, 沒能力, 大了就想補償的心態. 對我來說, 我將小時候認識的作為舊高達(大概到Nu的時代吧), 其他一律為新高達. 在新高達中, 對Wing, 攻擊自由等又特別喜歡.
上次砌Wing時有提到, 本身係想砌機械翼, 不過懶, 先砌羽毛版. 完成羽毛版之後, 因為高度讚賞呢盒Ka版, 又即刻小炒入手盒來砌機械翼, 不過機械翼又有2種配色. 一款為early type colour(藍膊頭), 一款為正常版(白膊頭). 心思思左幾日, 不停上網睇, 仍然拿不定主意. 最後都是以正常版為主, 另加小小early type特色如黃嶺口等. 係剪件時發覺新Wing KA真係吾算多件, 水口又細, 真係好易處理. 由於要將2盒融為一體, 小量改裝是小不免的. 不過吾算太難. 我保留了新版的背包, 翼就改為機械, 仲有支槍都係用舊版. 手前臀吾用紅色小三角, 要改裝另一黃色件及3粒彈. 其他只要留意下用咩色噴. 因為改色位置都吾小. 無論新KA版定舊版, 最煩都係背翼好大條夾口, 手臂3粒彈又係大大條夾口. 如果要補, 真係要先噴內構再做遮蓋, 我懶, 吾搞了.
一直有留意開都知, 其實我係吾噴灰. 但遇到呢類要大幅轉色, 最好都係噴番白灰. 吾知關吾關罐噴事, 當我一噴白灰時, 個水簾的水同灰一撞埋搞到成個盤絲洞咁. 其實我真係好吾鐘意噴灰, 感覺灰仲厚過油好多, 如果吾係貪快, 我慢慢噴白油做底好過. 上次紅藍件都係用灰色做陰影, 出來效果係灰灰沉沉, 好柔. 今次行番正途, 用深一階的色做陰影, 出來的色實好多. 就番成個tone, 即使白色位我都儘量輕陰影. 同羽毛版一樣, 對腳會加番小小灰同銀色位, 兩隻不同的Wing, 我儘量用吾同方法, 希望感覺吾會太似樣. 雖然兩次我都係107號白, 今次吾想太灰我噴陰影就輕手好多, 想灰小小時我就重手再補白色. 如何用陰影色/高光去改變主色的觀感, 是我這2年日積月累不停噴所學到的事.
白色 Mr. Colour C107
深灰色 Mr. Colour C306
紅色 UG20 (本來用鮮紅, 噴完吾夾, 又用番桃紅, 陰影用瑪沙深紅)
藍色 UG14 (陰影用深藍)
深藍色 Mr. UG02 + 灰 (上次噴魔蟹剩)
鐡色 Modo MX-02
銀色 Mr. Colour SM206
黃色 Mr. Colour C58
關節 UG09
完成了之後, 總覺得支槍吾好睇, 吾合理地長, 連影相都放棄了. 手臂個幾粒彈改用金屬紅非常吾錯, 可惜舊模有條好大的縫, 噴完又吾想花時間再整, 所以最後只係影張相算. 將佢同羽毛版放埋一齊, 非常壯觀! 不過呢類大背包的機體, 好難影相影得好睇. 常理來說, 要表現背包的氣勢, 一定係用橫度. 但今時今日, 大家都係用部手機睇, 直度係比較適合. 最近呢幾盒完成品, 我覺得實物睇的效果遠比睇相震撼!
印象中好小見人改呢盒做機械翼, 因為大部份人都鐘意羽毛版? 完全吾明點解B仔仲未出機械翼.....一模多用, B仔無理由放過架? 最小都應有PB版啦. 我已不只一次表達我對呢盒模型的喜愛, 我覺得設計很有心, 各方面都好好. 最近見有台灣廠出了一套改件. 更加係將Wing的外型進一步提昇. 因為原件中有些偏瘦的地方如手臂都加粗了, 但改動又不會是改得太誇張, 可說是恰到好處. 只是我從未玩過手辦件再加上剛完成, 我也沒有入手. 不過真係推介俾各位有心的師兄.
砌呢盒模型時, 心情吾係太好. 年頭時想一星期完成一盒MG. 除了之前的SF因為實在太多件同砌Wing時病倒之外, 基本上係做到呢個目標的. 剛開始時參考羽毛版, 諗住要砌2星期. 點知日日博到盡, 去到星期五差2個鐘左右就噴晒, 但就係差2小時未能完成噴油. 基本上星期六日我去吾到工作室, 要照顧小朋友, 所以又要一個星期先可以有成品post出來. 其實道理上我明沒什麼事值得心急, 但就係好想快點完成, 於是俾好大壓力自己. 我知好多師兄都係慢工出細貨的人, 一晚可能只係打磨好一件. 不過我吾係, 我係一個心急的人, 開始一件事就想儘快完成, 結果就係成個人好煩躁, 情緒受到影響. 而因為一個星期完成一隻, 完成品太多, 跟本就吾夠位放. 我已將好多吾大機會砌的山積都賣掉. 清個架用來放完成品. 而家MG都只係得番20盒, RG/HG加埋吾夠20盒. 有時諗下隻砌乜好似無乜選擇咁.
希望未來B記多出一些有心思的模型. 我的to-do list已經差不多完了......
Full Size Photo link :
https://photos.app.goo.gl/k8JKBp69Fj4ZYqFE6
#WingCustomEW, #GUNDAM, #MGGundam, #Gunpla, #MG, #WingKA
分享
