小女在學校發生了小意外, 入了院, 聯了針.  由於是當眼位置, 經朋友提醒, 只可以搵整型外科的醫生, 普通科恐怕手勢無咁好, 會有疤.  不過搞一搞就成個月人工.  如今女兒剛出院, 家中仍然是亂成一遍, 回覆會晚一點了.


MG - RX-77 - GunCannon - 2

上次製作HG Real type colour時提到盒MG 鐳射大炮脆卜卜的事.  坦白講, 我一路砌的時候連我自己都打算今次盒MG 鐳射大炮企得好當完成.  總之個排特脆件, 每次一安裝都即爛, 2個拳頭爛晒, 股關節爛晒, 大炮接駁位爛晒.........爛到一個點係已經吾會再勞氣, 彷彿是正常的事一樣.  上完色之後, 懷著戰戰兢兢的心情去組裝, 真係驚一裝又爛晒.  之前已經係股關節做左小小加固, 將剪完水口, 細細粒的碎件倒入去, 再落膠水.  但係組裝時都會聽到裂開的聲音, 見佢無爛開就算.

如果吾係改色, 我其實很小會製作兩盒一樣的模型,  做第二盒通常都係覺得自己第一盒砌得吾好, 有些功夫想再做過,  本來今次製作係準備用Real Type colour 色, 不過已做了1/144的Real Type, 再加上買吾到Real Type水貼, 呢盒MG都係用番正常色.  上次盒大炮覺得隻紅太瘀黑, 今次就試下陰影用深血紅色, 感覺結果差不多, 一樣係太瘀黑.  上面支炮就改用白色, 其他無乜吾同了.

深綠色 : Mr. Colour C36
背包 : Mr. Colour高達專用油UG09
紅色 : Mr. Colour高達專用油UG04
黃色 : Mr. Colour C58
白色 : Mr. Colour高達專用油UG18

一如我以前提到, 我始終覺得MG的鐳射大炮係比例上是最好的.  HG Revive太瘦了.  為了跟之前的MG大炮有些小吾同, 想加多小小水貼, 一開始我用番原本張括貼, 可能真係太舊了 心口個109 貼壞了.....只好用膠紙痴番起.  之後就係屋企個水貼海搵數字逐個字貼.  不過始終跟本身送個張的字體不同, 原裝個張靚好多.  成隻成品比之前係紅左, 整體顏色上係好過之前小小, 不過分別不大.

以前從來吾信模型太舊會脆呢d都市傳說, 今次之後真係吾夠膽講一定無問題.  莫名其妙地做左2盒一樣的模型, 又吾覺自己有乜進步,  出來成品又差不多.  只好騙自己說本身有108, 109兩架, 當係砌晒佢.   但鐳射大炮幾時開始有2架呢?  印象中係一個中長金髮, 滿臉雀斑的男孩駕駛, 吾係得一架咩?  其實成個製作過程都係攝時間, 有時間就磨下, 有時間就噴一噴, 豪無衝勁, 都算係一個非常特別的經歷.

Full Size Photo link :
https://photos.app.goo.gl/UYNLqoMP5ksPowHw6

#GunCannon, #GUNDAM, #MGGundam, #Gunpla, #MG

小女發生了小意外...如今剛出院, 家中仍然是亂成一遍...
sad to hear this, take care of her first.



脆卜卜鐳射大炮...企得好當完成...每次一安裝都即爛, 2個拳頭爛, 股關節爛, 大炮接駁位爛晒....爛到一個點係已經吾會再勞氣, 彷彿是正常的事一樣...
佛系心境



如果吾係改色, 我其實很小會製作兩盒一樣的模型,  做第二盒通常都係覺得自己第一盒砌得吾好, 有些功夫想再做過...
opposite to you, i enjoy keep painting same model kit in different color scheme.



上次盒大炮覺得隻紅太瘀黑, 今次就試下陰影用深血紅色, 感覺結果差不多, 一樣係太瘀黑...成隻成品比之前係紅左, 整體顏色上係好過之前小小, 不過分別不大.
you made RX-77, I also painted a RX-77, but in 1/144.
i think the problem is the contrast in b/w red and grey is not big enough.



以前從來吾信模型太舊會脆呢d都市傳說
this is not 都市傳說, just relate to QC & storage quality.



...莫名其妙地做左2盒一樣的模型...出來成品又差不多...成個製作過程都係攝時間, 有時間就磨下, 有時間就噴一噴, 豪無衝勁, 都算係一個非常特別的經歷.
finally, in this period, spend more time at home, stay with your daughter.

[ 本帖最後由 ygat 於 2022-5-22 10:14 AM 編輯 ]

祝師兄的女兒早日康復

樓主上色, 一如以往簡潔美觀

Gundam 0079 (TV版) 中, 鐳射大炮 RX-77 Guncannon 只有一台.

但 0079 (電影版三部曲) 中就不單止有 2 台 (108 和 109 号), 而是有第 3 台 (203 号).
當太空母艦 Whitebase 由地球連邦軍總部 "查布羅" 出發去宇宙的時候, 艦載機就分配了 2 台 RX-77 鐳射大炮 (108 和 109 号 ).
原有的 太空坦克 Rx-75 Gun Tank 被其中一台 Guncannon 所取代.
而在結局決戰攻打自護 "亞巴奥" 要塞的時候, 有一個鏡頭就出现了三台 Guncannon 之多.

( 註 : " 高達, 鐳射大炮, 太空坦克, 太空母艦 " 是 80年代 TVB 播放 TV 版的粵語譯名 )



2009年PS3  機動戦士ヮ⑦Фу戦記 的動画片段
https://www.youtube.com/watch?v=G39FpMWMtbc

多謝師兄補充！

咁幾時開始有白色炮呢？

如果睇實物，今次整體係紅d, 係好過之前個盒。顏色係差小小就差小小。

剛巧最近mg番貨，而家吾難搵了。

其實皮外傷，不過擔心留疤。錢又洗左，吾想太多了。

白色飛弹巢應只是 MSV 的設定 和 Real Type color 舊模型的附加裝備,
在動画中沒有出現過.

MG 鐳射大砲盒面的右上方，係另一隻鐳射大砲，唔知大家有冇留意。。。