MG - MSM-07S - Z'Gok (Char)
完成了紅彗星之後, 很快又開始下一隻0079的MG. 今次決定製作魔蟹.
上次的紅彗星, 雖然我放了很多心機去製作, 不過在社交媒體中的反應是很冷淡, 可能是因為最近成品中的陰影都非常輕手, 不對大家的口味吧. 這當然也有點失望, 不過這不會影響我享受模型的樂趣.
我必需承認我是偏心魔蟹的. 由小時候已經很喜歡魔蟹了. 記得當時MG魔蟹一出, 我已經製作過一次. 看一看資料, 原來是2003年的事了 不過搬了幾之次屋, 當年的素組藍蟹早已不知所蹤. 我記得我當時十分欣賞這盒MG的. 放到今天去看又如何呢? 比例上我喜歡MG. RG的手太長了. 但說實話, MG是素了點. 製作過程中感覺好像是在製作一盒放大版HG似的. 零件大大塊, 很快便可完成剪件, 打磨. 因為今次是製作紅蟹, 模型本身的淺紅不好看, 用回高達專用油的粉紅好看多了. 另外, 佢關節竟然用軟膠做一節節的效果......... 我真的十分討厭這些設計, 軟膠無論係打磨及上色都係極麻煩. 不過當時好多模型都係咁, 連PG Wing條腰都係. 慶幸時代變遷, 而家Bandai都無再用呢種設計.
今次依然是繼續輕輕手噴陰影,
淺紅色 : Mr. Colour高達專用油UG10, 陰影用深紅色
深紅色 : Mr. Colour高達專用油UG22
黑色 : Mr. Colour C14
關節金屬色 : MODO MX-02
抓 : Mr. Colour高達專用油UG18 淺淺綠色 (TV White)
可能是自己的偏愛, 我沒有如製作強人般的失望. 相反, 當中有些小設計令我喜出望外. 手臂, 腳的關節有2條軟膠做的喉, 我噴了銀色, 效果非常漂亮. 不要期望可動性高, 也沒什麼特別的小玩意, 只是比例做得好, 外型漂亮, 沒有其他.
一直以來我玩0079都係小水貼. 今次心血來潮, 不停貼不停貼, 自己都驚有點太多.
今年開始玩0079MG, 計埋呢盒都完成了10盒了. 由於雙面蟹無出, 差7盒連0079的MG也完成了. 綠勇即將完成, 仲差坦克, 大魔, 藍蟹, 愛爾蘭魔蟹, 舊揸同自護. 其中舊揸同自護真係太醜, 吾想砌. 明明已有Zaku 2.0, 點解舊揸吾出2.0? 自護大大隻, 又素得可憐, 真係完全吾想掂. 完成埋呢幾盒, 之後玩乜好呢? 其實睇番Bandai最近幾年都無太多MG推出. 新款MG反而不及一眾2.0系列. 事實上, 一盒MG先賣個3000Yen, 點比得上其他MB? 由MGEX開始, 總覺得B記只係搵吾同原因去加價, Unicorn加燈又出盒MGEX, SF搞金色內構又賣到貴一貴. 吸收了PGU的經驗, 明知自己大幅加價都吾憂賣, 未來日子可以預見都係炒冷飯. 開條新Line-MGEX, 又不停加價.
Full Size Photo link :
https://photos.app.goo.gl/gD5bHjU6tswwPpXc6
#ZGOK, #GUNDAM, #MGGundam, #Gunpla, #MG, #CHAR, #MSM07S
分享
