MG - MS-14S - Gelgoog (Char) (2.0)
當我完成左一半龜霸時, 我個心其實已經飛了去紅勇士身上. 由於防疫的關係, 我們一家儘量不外出, 很多時也是等深夜無人時才開車由家中直接去工作室. 於是, 在工作室多數都係噴油, 而打磨, 剪件等留在家中處理. 當時龜霸處理了一半, 剩下一堆噴油的工作, 在家開始準備開始下一隻MG. 當我打開了紅勇士的說明書去看時, 真的很震撼. 腦中即時浮現了很多畫面. 應該擺那些pose, 如何展示那出色的骨架. 那一份喜悅真的十分難能可貴. 因為那出色的骨架, 我今次決定不再偷懶, 好好打磨, 全骨架上色. 其實之前揸古2.0同高達2.0同樣有超靚骨架, 不過就無好似今次想砌好埋副骨的心情.
決定整好幅骨, 令我陷入兩難. 以往為了配合外甲, 我骨架都係淺灰色為主, 再加小量金屬色. 不過如果砌骨, 好多網友都係用金屬色為主. 打磨了2天, 也是不停想點處理好幅骨. 最後決定以裝完甲之後效果為優先, 再諗無甲的安排. 於是, 淺灰成了骨架的主色調, 之後配合鐵色, 銀色, 金屬紅, 手油淺金色, 手油鐵色等. 完成組合之後, 望住佢, 覺得那裡要加色就係屋企手油., 每日油小小, 慢慢補完幅骨的顏色.
完成了幅骨, 之後開始處理外甲. 外甲用色都係高達專用油, 費事自己溝到三不像. 今次淺紅我無用灰做陰影色, 用了深紅色做陰影色. 咁出來的色無咁灰沉沉. 而深紅用了深深灰做陰影. 高光用白色, 之後再補主色. 在此想分享一下我對2支噴筆的感受. Mr. Hobby PS-289, 前面可調出風, 我噴陰影/高光時會較細點, 噴衰一下半下都吾多覺, 我覺得極之好用, 易控制. 另一支噴筆係Iwata - HPCP, 坦白講, 我未去到領略到佢的好. 可以講, 隋你按下的力度係可以控制出風量, 不過好易over. 我而家主要係第一次噴主色同最後補主色用佢. 陰影高光用PS289. 另外, 真係吾好懶洗筆. 以前, 我會一次過噴主色, 陰影, 高光, 之後噴主色. 主色支噴筆可能放低一個鐘左右. 我發現咁好易噴一點點出來, 估計原因係有小量乾了的油積係筆頭. 而家我噴完即洗. 噴時先再開筆, 情況大有改善. 最近幾盒MG係噴陰影同高光都輕鬆了很多, 有合用的工具真的事半功倍. 如果大家想簡單噴下陰影, 極之推介上日本網買支PS289, 真係非常吾錯.
另一樣小技巧係今次我係有用1000沙紙係表面打磨一次, 輕磨一次到吾再反光, 好似噴左消光咁. 主要係想磨走面個層油, 相傳咁樣無咁易甩油. 另外, 打磨完會有好多塵粉, 我會準備一張純水濕紙巾係旁邊, 磨完就抹一抹. 咁係噴油時真係小好多塵粒, 大家可以參考呢個方法. 有網友教我可用超聲波機洗走塵粉, 絕對認同. 不過我懶, 用濕紙巾代替.
滲線方面, 係淺紅色上面係用啡色, 深紅用黑色. 如果大家有留意, 正常2件件夾埋的位係好難滲線. 其實有個簡易方法. 大家可以用支琺瑯油XF1(記得開稀小小) 油係件的厚度個條邊, 跟住抹走係面出界的油, 咁會有條好自然的滲線出左來. 手臂的夾線就係咁整出來. 另外由於我一早已準備要影半露骨相, 油個條邊會好看點.
淺紅色 : Mr. Colour高達專用油UG10
深紅色 : Mr. Colour高達專用油UG22
關節 : Mr. Colour高達專用油UG09
關節金屬色 : MODO MX-02
黑色 : Mr. Colour C14
金屬紅 : 銀底, Gaia - 038
黃色 : Mr. Colour C58
盾槍 : 紫灰色 (自己溝)
係噴油過程中發生了2個小失誤. 第一係支槍吾記得補夾口. 結果係上面加多一下扮刻線. 第二係後腰的地方噴油時弄錯了位置, 於是同前腰位有明顯的分別.........邊有時間再去工作室......放棄治療. 完成噴油及滲線之後準備括貼, 全炒粉了. 好在炒粉得好過份, 只係用遮蓋膠膠紙便起了出來. 我上次盒龜霸係最新再販, 張括貼極好用. 呢盒紅勇係別人收藏多年的紅標, 張括貼真係完全吾得. 所以只好係其他地方揾水貼. 只是貼了2個logo, 感覺不想再貼, 再貼可能太花了. 就讓呢盒紅勇簡單一點吧.
之前見有師兄用格納庫做背景, 我覺得比用黑白卡紙吸引. 淘了回來, 希望今次的相可以有點不同的變化. 如果有師兄知道點打燈, 希望賜教, 小弟仲未摸索到燈光的配置. 另外, 有一些pose是抄說明書, 希望拍照時多一點變化.
真心說話, Bandai之前一系列的0079 2.0真係非常傑出. 現在新的MG反而被比下去了. 以紅勇2.0為例, Bandai其實加了很多刻線與細節, 又不失原先的風格, 是一個非常不錯的平衡. 可惜據說當時銷量不太理想, 但喜歡0079的網友真係不容錯過. 我都知而家市面比較難買, 不過佢係我心目中絕對值得起呢份價錢. 希望Bandai再用心多些設計好的模型. (雖然佢而家食老本都夠飽......)
與1/144相比, 其實無乜好比, 各方面都完勝, 如果HG Revive都出紅勇就好了.
今次的勇士, 可以說是小弟製作上其中一個里程碑, 用了很多不同的技巧, 無論製作, 拍照都花了很多心思. 希望大家欣賞.
Full Size Photo link :
https://photos.app.goo.gl/UYkwMKpgMspsVttP7
#Gelgoog, #GUNDAM, #MGGundam, #Gunpla, #MG, #CHAR
[
本帖最後由 ngszewai 於 2022-4-6 05:31 PM 編輯 ]
分享
