MG - RX-78 - Gundam (2.0) - Real Type Colour
話說小弟係一月底的時候提議搞一個MSV齊齊砌活動, 當時的我其實只係想砌一盒鐳射大炮Real Type. 亦都入手了一盒HG, 準備改色. 不過一放低就差不多2個月, 因為舊HG真係太多夾口, 令人望而生畏. 於是又走去砌左好幾款MG. 完成了揸古之後心血來潮想砌盒Real Type高達, 於是立即去模型舖買. 無錯, 呢盒RX-78 2.0一早成為倉底貨, 係炒風熾熱的今日竟然都炒吾起, 拍賣網都冇人放, 返而模型舖有貨!
事實上想砌Real Type 高達係因為見到G-Armour入面隻高達好型, 於是又想整一隻. 跟住2晚不停上網揾料, 睇下有無佳作參考. 越了解得多, 越發現大河先生的審美眼光真係......(據說Real type係大河先生原本想係Gundam用的色彩, 因被批不夠鮮艷, 吸引不到小朋友而改為現在的色系). 恕我直言, 我鐘意高達, 不過我真係吾識欣賞大河先生的設定. 即使佢最近為幾盒Gunpla重畫封面都一樣, 完全吾合比例. 至於Real Type高達, 點解個頭, 劍柄, 盾要用白色, 吾用番灰色? 上身係黑, 下半身, 手等又要深綠, 呢個配色真係....我知自己藝術修養不高, 真心不懂欣賞. 於是我又諗可吾可以將黑改為深綠呢? 深綠配紅又係吾順眼. 咁全部用黑又點? 咁同RX-78-1咪差不多一樣? 左思右想都無答案, 再上網睇一次, 事實上, 好多大師作品都噴得好靚, 不過小弟最後都係鐘情Bandai入面G-armour隻色. 於是決定跟住呢個色去噴. 重點就係要將黑同墨綠的色差減低同時又要睇得出係吾同色.
由於之前GAIA27完全吾夠墨綠, 我想自己溝色, 上網睇完都吾知點溝. 有人話加藍, 有人話加啡. 小弟吾係美術出身, 對顏色的組成真係吾在行. 無奈之下都係出街買支新油. 去到舖見到有支墨綠到接近黑同有支淺小小, 正合我心意. 買回來之後噴墨綠代替黑, 點解咁綠? 最後將呢支噴去真係綠, 例如小腳, 腰等等. 其實就咁睇樽蓋, 佢係我心中的色, 不過噴出來吾係咁. 而於黑, 我用番真正的黑色, 吾係好似之前用深深藍代替. 因為手腳已經用灰中灰色, 關節吾可以太淺, 我用左深灰色加銀色. 個幾粒圓形就金屬鐵色. 幾支管就銀加金屬紅做喉管個套. 紅色我用左比平時深小小的紅, 最後先薄薄cover一轉桃紅. 因為成隻都係深沉, 主色都係中灰色.
老實講, 我全部件都噴足陰影同高光 (連胸個小小扇頁都有). 但大家可能吾覺. 因為噴油過程發生了一件突發事件. 就係我噴晒高光同陰影, 準備補主色時, 我發現個水簾漏水出來......... 一路噴一路睇住有水慢慢滲出檯面. 於是好心急想快手搞掂再清理漏水. 所以補主色時可能重手了, 遮晒....... 而家清理完, 下次先再檢查點解會有水漏出來. 不過用開水簾, 應該吾會番轉頭, 真係小味同乾淨好多.
墨綠色 : Mr. Colour 018, 陰影用Mr. Colour 033
黑色 : Mr. Colour 033
紅色 : UC04打底, UC09灰做陰影色, 最後薄噴UC20
灰色 : UC15 深灰色
鐵色 : Modo MX-02
銀色 : Mr. Colour SM206
黃色 : Mr. Colour 058 陰影用UC20 桃紅
連埋吉姆, 第三次組裝, 想提一提大家如果要砌Gundam 2.0, 裙位個幾粒細件吾好上色. 上次吉姆上完色一拍埋就斷, 這之後2隻高達無上色反而一切正常.
因為係自己改色, 係無原裝水貼, 我都係周圍搵邊張合用就貼. 吾知大家覺得貼得夠吾夠呢?
總括來說, 個人十分欣賞整個MG2.0系列. 可能因為高達的外型好復古, 當時好多人都吾鐘意. 不過其實外型比例真係吾錯. 佢同3.0走完全吾同的路線, 佢係咁多款MG RX-78入面, 我最喜歡的一隻. 小弟砌左2隻, 來緊仲有打算再砌. 如果有師兄睇見我的作品而對佢改觀, 想入手砌番隻, 記得同我講聲, 自己的作品可以影響別人, 我會好開心的.
Full Size Photo link :
https://photos.app.goo.gl/3vJaMbMcsd7mHSUH8
#RX78, #GUNDAM, #MGGundam, #Gunpla, #MG, #Realtype
分享
