HG076 Gelgoog MS-14A 綠勇士
綠勇同紅勇盒件係有小小吾同的. 綠勇有背後有炮的部件. 不過我吾砌個款, 所以對我來說呢盒同紅勇無分別.
一如其他0079的HG, 係模型店係買不到的. 都係上拍賣網搵. 如今"再販"對我的意思係, 準備好出面有貨, 可以上拍賣網搵下, 睇下邊個方便交收, 收我的"手續費"小一點. 吾緊要, 我無辦法去排隊, 去搶, 人地搶完貨收我"手續費"是合理的.
由於同紅勇係一模一樣, 優點缺點都係一樣. 所以模型質素已經係紅勇討論過. 今次反而想討論一下綠勇的配色. 我一直以為綠勇手腳等係綠色的. 到今次落手落腳噴先知原來吾係, 係中灰色. 我番查好多網站, 証實真係中灰色. 說真的, 我是有點驚訝. 而綠勇本身墨綠配中灰其實好怪. 小弟才疏學淺, 真係無想過咁樣去襯色. 知道係中灰之後就去搵下應該用邊支油, 我心中想搵支中灰帶綠色的油. 行左幾間模型店都搵吾到心水的顏色, 就係我苦惱中的時候竟然係我山積模型油入面, 發覺有支可以合用, 於是就決定用佢. 中間深綠色用渣古的深綠, 剛巧見到有Gaia有支深綠, 於是買來試下. 個蓋明明係Gaia深色過支高達專用油, 點解噴出來咁淺色? 唉, 無心機重噴, 算了. 結果就做成今次個身同四肢顏色差異不夠大的問題. 紅勇肚個圓形係粉紅色, 我都特登揾隻淺綠去噴中間個圈, 出來效果不俗.
今次綠勇係補縫方面可說是吾合格. 補得非常差. 腰中間, 身體上方條縫清晰可見. 係處理無縫方面仍需努力.
最後, 0079只剩下一隻 (四聖獸其實並吾係正傳入面, 當年被CUT走的), 希望農曆年前完工. 今次呢個計劃, 令我砌很多我從來無諗過會砌的機種. 因為落手落腳砌過, 對佢地的認識也多了. 其實咁樣訂個目標再去完成也非常好玩. 之後也有很多想去砌的模型. 不過吾會再幾日出一隻成品, 畢竟來緊以MG為主, 幾日吾夠時間完成.
Full Size Photo link :
https://photos.app.goo.gl/PsChmVuqcV5HDStA8
#MS14A, #Gelgoog, #HGGundam, #Gunpla,#HG
分享
