HG - 百式2.0 - MSN100
對不起, 我沒有依時完成, 因為有幾個想改做的地方豪毛頭緒, 固此一直不想動手. 直到發現MG2.0有非鍍金版, 火速入手及完成後, 真心覺得好靚. MG沒有如RG等的色塊不過一樣覺得好多細節. 將之前自己砌的HG放埋一齊, HG即時變得差了一級. 其實之前HG已經好俾心機砌, 分晒位置搞色塊等, 不過金色位置磨沙般的質感始終差小小, 再加上之前的金有小小偏青黃色, 因此幾個月前已有心準備再砌一次, 仲參加左永野護齊齊砌的活動. 係時候再挑戰一次, 做好上次未做到的事.
我個人來說, 十分滿意自己係MG的選色, 特別係百式應該用淡香檳金色同心口應用接近黑的深藍色呢個設定, 當然仲有小腳的金屬管應該係金屬紅, 腳版係馬沙深紅色等. 所以會直接將上次用剩的油噴埋盒HG. 小小的改動係小腳前方的金色位, 我剪左中間個塊, 由佢兩個尖刺咁, 但完成後發覺呢個改動不起眼, 改左同無改吾大分別.
吸收左上次的經驗, 我磨完每件都會搵個掃掃一掃, 噴的時候真係滑好多. 一路諗點整時, 成日會望下上次隻HG, 有好多小細節想做好一點, 希望可以放低心急的習慣, 慢慢砌. 其實所有事都吾趕, 為什麼要這樣急呢? 之前最快係2日完成盒Origin, 而家想學下放慢腳步, 慢慢來, 慢慢砌. 其實盒HG雖然細過MG好多, 吾知點解好多野要搞咁, 我剩係對翼做遮蓋分色都搞我一晚. 就係我分完色噴好了之後, 覺得條縫好礙眼, 做完無縫跟住又要由頭做過遮蓋. 另一方面, 呢盒要做無縫的位置有槍, 炮, 翼同小腳骨. 以一盒HG來說, 絕對是合理範圍. 另外條腰個位其實有一件係深藍色, 我之前MG噴左紅金, 效果吾錯, 但同樣手法係HG又吾係好得, 結果都係抹左再噴番深藍色.
噴完之後其實噴得好靚好滑, 不過當貼完遮蓋之後, 總係好似有膠紙跡, 貼完水貼, 用左水貼膠水又好似有跡咁. 其實吾明顯, 不過細心望會見到.
關節雖然係灰鐵色, 但部份件我用020, 做小小色塊的效果. 我個人認為灰鐵色好特別. 如果好似我隻Origin MS-05S咁, 用灰鐵做關節而外甲用消光, 效果麻麻地. 但配光面, 金屬色的百式就好襯. 吾知點解, 我一直吾鐘意用020做槍, 炮等. 我通常都係用灰色, 今次就用灰鐵色.
另外想同大家分享一下一支文具店有售的銀色筆. 櫻花牌EF(extra fine) 0.7mm銀色筆. 雖然叫EF, 同砌模型用個支高達筆比好粗 (模型用個支係0.3mm). 但佢都幾方便, 雖然佢係油性筆, 不過吾係模型油的油性. 可以用enamel thinner去抹. 但話佢係enamel油又吾係. 因為乾透之後係抹吾到的. 所以例如心口個小小銀色位, 畫完我就用沾了thinner的綿花棒抹, 不過一抹佢好似開稀左的銀油抹到周圍都係, 所以跟住又第二支綿花棒再抹過. 佢抹的過程同enamel銀油好似, 不過方便用. 係深色位加銀線的效果好搶, 好靚.
完成所有上色同滲線之後會先砌起再決定水貼位置同數量. 砌起之後第一個感覺係失望. 同MG放埋一齊, 雖然選色一樣, 不過MG散發出的機械感, 細緻度都遠超過HG. 單係胸口同膊頭個關節, MG係一個圓形機械球狀, HG就普通好多. 如果真係全部MG都有呢個水準, 我都想玩多d.
因為要補償同MG相比失去的細緻, 我加了相當數量的水貼. 個百字同傳統的百字的字型不一樣, 因為找不到合適的水貼, 我上次隻HG係我塵年留下來的括貼. 今次的百字側用了2張淘下來的水貼, 因為每張都得一個呢個百字, 好彩都無貼衰到. 我一向小貼過份細的水貼, 因為好花功夫, 但今次都不得不加了不小. 我特別喜歡係金色上加燙金水貼, 做成若隱若現又吾會太搶的效果. 單是水貼都貼了三晚, 比我噴油, 打磨用更多時間. 整盒HG製作的時間比MG更多.但即使花了不小功夫, 依然覺得HG跟MG版相比是失色不小. 不是說HG版不好, 只是比起MG來說, MG實在是太好. 之前一直覺得自己砌個隻HG百式2.0已經好靚, 放埋一齊覺得今次呢隻合我心水多點, 之前有點太青了.
吾知小弟有生之年會吾會等到PG百式呢?
後話 : 小弟將3隻百式放在一起, 問了我六歲的兒子及太太, 佢地都認為我上次的HG版最靚......Well..........
Full Size Photo link :
https://photos.app.goo.gl/3Dg8afporRHqCSi98
#百式,#MSN100, #HGGundam, #Gunpla,#HG
分享
