SDCS Unicorn 02 Banshee
SDCS07 - SD Unicorn 02 Banshee - RX-0
由於上次心急要隻Phenex的透明藍件, 買了隻新的SDCS Phenex. 於是索性砌埋佢.
第一要決定就係主體顏色, 有2個選擇. 其一係深深紫色, 主要係上次噴完萬能俠扭旦用剩的油. 另一個係珍珠白. 係選擇過程, 因為已有隻完成了的白色的獨角獸, 再用珍珠白好似有點悶, 所以最後決定用深深紫色. 隻深深紫色好金屬感, 好靚, 真係好吸引. 感覺好似聖衣神話入面冥鬥士隻色. 決定左主色就開始諗本身個感應框的色. 由於本身用剩的一早噴左銀, 拍埋又好似幾OK, 於是決定用相關色系, 不過就要深小小. 最後手油了enamel油的金屬灰. 貪佢有乜吾滿意可抹晒佢. 而鞋, 背包等都用了淺小小的金屬紫色. 關節則用了紫灰色. 有部份色塊位置執一執.
由於想有冥鬥士的感覺, 吾用槍, 用刀劍. 刀劍係創傑傳其他執出來. 買一盒只係為把刀或劍........既然用刀劍, 又要搵做型手. 左右持刀劍的做型手係由吾同的SDCS Optional parts度搵到. 一隻係新的Zeta optional parts, 一隻係有GM個身的optional parts. 再加上本身的CS骨, 即係呢盒我用了三款SDCS Optional parts. 仲有主體盒模型, 2盒創傑傳........你話死吾死.
個人認為本身Phenex對角太大. 於是剪左第三節出來, 再痴落去中間個位. 成隻都深色, 所以對角想整火的感覺. 紅, 橙, 黃咁上. 我先噴銀底, 再用enamel透明油由淺色噴起, 黃橙紅咁噴. 因為第一次咁玩, 用enamel都係貪佢可以一吾滿意可以抹走佢. 刀劍都係用黑鐵色.
成隻的用色都係想有妖, 冥鬥士個種來自地獄的感覺. 吾知大家感受到嗎?
完成呢盒之後, 可以停晒所有獨角獸的製作. 因為真係有點悶了....之前入了的spare又係時候放上網等有緣人了.
#RX0, #UnicornGundam, #SDGundam, #Gunpla, #SDCS, #Banshee
附件: 您所在的用戶組無法下載或查看附件
|