SDCS08 - SD Freedom - ZGMF-X10A

自由高達其實從來吾係我杯茶.  我成日覺得SF同佢好似但又型過佢.  我又吾係Seed的粉絲, 所以係從未砌過.

呢盒SDCS自由係我大約九個月前完成左SDEX SF之後準備砌的.  當時剪好件, 準備開始不過好快有好多RG插隊, 就咁放埋左一邊.  九個月過去, 我覺得自己的技術都略有進步, 要求都高左.  但其實我對噴筆的控制極之吾到家, 噴吾到好精細的效果.  到今時今日, 我都吾係好掌握到白色以外的陰影控制.  補縫, 打磨都略有進步, 不過距離完全掌握仲好有距離.  刻線, 改做等更係原地踏步.  顏色的運用都有點千篇一律.  雖然問題多多, 但我仍然係好喜歡自己的作品, 最小我是用心去做.  而佢地紀錄左我吾同時期的表現.

講番盒模型, 佢SD Mode都係幾可愛的.  不過我都係鐘意CS Mode, 所以都係自己改高股關節, 令雙腳望落短d.  另一個改動係下巴, 本來個下巴很長, 我改短了.  另外前裙甲向前斜得好緊要, 可能係就番SD Mode, 我係砌完先發現呢個問題, 無再動手改了.  製作方面, 呢盒係SDCS入面可算係分色好差的一盒.  頭部分色很好, 不過其他地方就好求其.  膊頭, 心口, 下身的紅色位全部都無分件, 翼入面的黑色又無分件.  結果要大量做遮蓋.  印象中算係最多野搞的SDCS.  由於SDCS要就條腳骨/手骨, 一般都係左右夾埋.  而呢隻絛腳的夾口就好明顯了.

上色方面, 白色+陰影尚可.  不過其他顏色的陰影就吾見得人.  紅色部份係先以黑白做好陰影, 再上桃紅色.  因為紅色本身遮蓋力低, 係見到有小小陰影效果的.  不過下次如果用呢個方法, 用白底先做陰影時要加大對比, 吾好太輕手.  黃色就黃底加橙做陰影.  藍色就紫藍做底, 鮮藍色做陰影.  黑色位有用灰色當高光.  不過呢幾隻色噴左陰影好似無噴過咁.  你話吾沮喪就呃你.  玩咁耐, 始終掌握吾到黃紅藍的陰影噴法.  噴完之後開始砌埋同手油補色.  之後貼水貼.  晚晚都係整一陣, 前前後後一個星期左右搞掂.

完成之後, 加埋水貼整體是不錯的.  如果有人睇完我的成品而想砌呢盒自由高達, 我會好開心.  不過就真係吾好意思, 因為最近好多SDCS都有貨, 就係呢盒無. 哈哈!

總括來說, 上色算係SDCS中多功夫要做的, CS骨係減高後都可以的.  可動性亦非常好, 背包, 側炮的設計也不錯.  但如果吾係對自由高達特別有愛, 我認為呢盒係可以吾砌的.  反正都咁多功夫要做, 我情願砌SDEX的SF.  整體上我認為SDEX的SF比較好.

#ZGMFX10A, #FreedomGundam, #SDGundam, #Gunpla, #SDCS

依隻個型態出得幾好, 雖然我個人對Freedom 都係好 like

[ 本帖最後由 Fei_Fei 於 2021-3-20 10:16 AM 編輯 ]

Seed 系列，我喜歡 Justice 那邊的設計多些



插隊好啊，只要不是這般插上, 插上, 插的被推後便好。
我多是插一隻便會依原次序來油，不然開了頭卻讓別的打太多次尖，
會使興趣大減，爛尾機會急升。
e.g. 當年油 ZoE 時便因總被打尖，最後便收回盒中封印。
到現在都無衝動翻出來再動工...

     



工多藝熟，熟能生巧，量變能影響質變。慢慢來便是了。



前裙甲我總是會剪斷中間的連接位，這樣擺姿勢時便不會 "同起同落" 的不自然了。



不要用 Bandai "頂爛市" 級的分件分色來衡量 SD 了...
而且 Bandai 一向都是有人氣的、會熱賣的，其模型比例、設計、細節總差些...。



我覺得這次的陰影自然、順眼，比之前的舒服。



又要買CS骨來增高？



不與同系列的機體並排合照？e.g.



[ 本帖最後由 ygat 於 2021-3-20 12:21 PM 編輯 ]

想補充一下，我知道翼入面白色個支其實係炮，吾應該散出來。但個條野顏色豐富，散出來好型呀！視覺上無呢兩支炮點綴下，差好遠架！再加上幫呢兩支野上色都花吾小功夫，點都要show出嚟！

另外，對翼的藍色件係㘭的！有框的模型都會㘭？吾係GK wor.  真係不可思議。

爛尾都偶然會發生。不過吾算好多。比如我的bang doll同LED, 都係差小小盾，劍個類。仲有水貼。大都係主體砌得吾好，所以無動力砌落去。

that is give up la

又未去到give up.  我真係give up個d我吾會放出來。只係我一向吾一定砌晒盾，槍.  我以前d PG隻隻無兵器架