吹下水
呢幾日天寒地凍, 真係好無Mood砌模型. 之前入開倉, 幫全部新的IMS影張相. 其實之前不停買已經心大心細, 因為我絕吾係五粉, 對部份MH沒太多好感. 有幾款事實上會砌的可能性極低. 不過個時好想儲, 買下買下齊左. 星期五晚心血來潮放上網賣. 可能因為我放得平, 我通常比正常價平100左右. 結果呢幾日真係不停收PM, 好快賣左大部份. 傻左咁買野個排, 買到無野買, 我係連Wave 1/144都入. 結果望住佢, 心知吾會砌. 結果都係平平地放晒算.
而家係手返而得番IMS 1/100 Black Knight同LED / LED火炮幾盒. 今次買買賣賣, 當然係輸錢, 無計過亦都吾想計輸幾多. 咁多盒加加埋1~2K掛. 輸最多一定吾係IMS, 肯定係Wave....講真, 同我玩車d Option, 洗費比, 個1~2K真係吾係咩大數. 最小開心, 滿足過.
因為之前隻LED砌得吾太理想, 我一直想砌多次, 不過就心大心細開吾開火炮來玩. 幾百件parts砌支炮, 真係好考驗我耐性. 我係一個好心急的人, 砌模型都係. 開始砌時總有好多諗法, 通常最後都係算啦算啦咁心急砌起. 而家隻LED差2隻手的滲線同之後成隻貼水貼. 明明係1~2晚的事, 不過每次見到砌得吾太好, 又的吾起心肝....
前一晚, 想開盒新模型砌, 首選有1/100黑騎, KOG同新的Wing KA版. 最後開左KOG. 無錯, 又係KOG. 今次想用香檳金, 條腰用Red Gold定銅色未定, 不過就會開盒GGI-MM支炮一齊玩. 決定開就那那臨剪件, 砌高達時我真係會直接貼件來剪, 因為RG水口相對細, 好小整爛. 而隻KOG真係要好似以前師兄教落, 留小小, 慢慢剪, 小心磨. 其實我個心就好肉痛把剪. 呢把雙星35號剪, 我10幾年前買, 陪我作戰多年, 我一直小小心心用, 吾會剪粗野...而家砌IMS就要係咁剪..... 而我只係分番開吾同部位, 左右, 竟然剪左2個鐘!
由於砌個一次, 我會好小心睇邊度要上色.....可懶則懶....不過夾口, 分模線就會做齊. 我不停提自己, 骨可以砌埋, 外甲一定要噴好, 油完小部位, 貼好水貼, 噴埋保護油先砌! 希望千萬吾好膠水整花油!
最緊要一直砌, 吾好比團火停!
|
分享
