從砌高達到砌五星的感想
要說五星物語在大眾的認識, 應該是跟高達有極大的差距. 你可以問一下你身邊的另一半, 有幾多人知道五星? 又有幾多人吾知道高達? 我認識五星源於高達. 20年前? 定再之前? 我真的不肯定有多久. 總之是當年看到黃金電騎士跟最強幻象, 覺得好靚, 於是開始留意. 最記得當年, 吾知邊個同學老點, 說爆頭KOG是由KOG打打下吾夠打爆頭變勁.... 即係悟空變超級撒亞人咁. 頂....我信到一個月前自己wiki同睇五星年表先知吾係.
因為KOG好型, 當年Wave出模型時真係仆倒去買. 砌完.....真係即刻想掉左佢. 由當年開始, 認定五星是給高手玩的. 年月過去, 小弟由素組, 罐噴, 噴筆, 一停10年到再次沉迷, 竟然又再次想挑戰五星.
言明在先, 我不是永野護粉. 有好多五星MH我也絕不認為設計出色, 好多MH都好重昆蟲feel, 講真, 我就吾係好欣賞. 但KOG AT 同LED係我覺得超正的設計. 不過掉轉諗, 如果吾係睇左幾十年, 吾通渣古, 大魔, 魔蟹, 紅勇士吾怪咩?
好了, 作為基層高達模型人, 在我眼中組裝IMS的五星又有什麼要注意呢? 首先, 假如你連30年前的舊模, 修改身型, 加長對腳等都完全無問題, 又或習慣了GK的製作, 可以肯定的說, IMS完全係零難度. 假如你只係素組高達, 也不打算將五星上色, IMS也算分色得不錯的, 但當然要有心理準備用大量膠水作業. 我砌了一盒IMS, 而家開始緊第二盒. 對我來說, 整個作業流程同砌高達係完全吾同. 砌高達時, 基本上係先全剪出來, 打磨, 上色, 滲線, 組裝, 水貼. 可能我主打RG, 分色本身已經好好, 其實要做遮蓋的作業吾多. 同埋我一早搵到幾隻主色的配搭, 所以基本上都係好快. 一盒RG, 全速一星期左右. 而家hea砌大約2~3星期都OK. 至於IMS, 上次用番高達個方法, 剪晒出來, 打磨, 上色. 到組裝就開始有問題. 大量的膠水作業係好易整花油. 第二盒我改變了作業流程. 首先我寫低晒原件個框係乜色. 基本上IMS分件好出色, 要補其他色的位置吾係真係好多. 之後係跟說明書做. 見同色就砌. 由於未上色, 打磨, 用膠水都方便好多. 咁樣竟然發覺進度smooth好多.
就現時為止, 對IMS有以下觀感,
1. 分件出色, 吾係吾洗做遮蓋, 不過同GK比係2回事.
2. 夾口沒有出現明顯高低差等問題
3. 當2件野中間有軟膠, d位吾係好fit. 真係要自己將軟膠磨小小先痴得埋. 吾係夾埋2件野吾fit, 好多時係軟膠"掙"大左, 所以夾吾實.
4. 刻紋細緻
5. 基本上絕大部份都見光, 骨都係見光位多. 高達係外甲包住骨, 骨係接近見吾到. 五星的骨其實就係人的皮膚, 出面再加護甲, 所以骨的外露度好高
6. 經常有軟膠係外露, 上色又易花, 膠水又痴吾到, 吾知佢想點
7. 好多夾口其實被外甲遮蓋, 要做無縫的位置吾係咁多
8. 外甲連件背面都要處理. 因為好多都係見到的.
9. 經常發現佢要係痴埋, 其實跟本吾多位俾你落膠水.....細細個接觸點, 好難整.
10. 可動性? 吾好玩啦.
吾知大家有無發現, 砌高達, 五花八門的上色, 黑色包外圍的陰影又得, 乾乾淨淨的又得. 成身花到爆的貼紙又得, 裂甲, 自己加刻紋又得, 光面, 啞面乜都有. 但五星的成品? 講真, 幾千篇一律. 以KOG為例, 除左隻金色的分別, 真係大家都砌到一模一樣. 好似一改就破壞永野大神的設計咁. 另外Gunpla追求可動性, 越出可以做到的動作越誇. 五星呢? 真係隻隻都係打直企. 事實上, 我跟本吾敢亂郁, 驚一郁就散.... 仲有, 去到上色時, IMS都幾輕鬆. 陰影又吾噴得, 遮蓋又吾多(一係遮吾到咁細, 手油到就油, 吾得就算)
Volks的IMS係非常好的出品, 但被Bandai縱壞的我, IMS始終係相對難砌. 如果真係開工, 下列幾樣野真係好幫到手.
1. 雙星綠蓋膠水. 好神奇, 真係幾好用. 大範圍我用另一支, 滲入去用真係幾好用. 有時滲多左自己流走, 表面不留痕. 其他膠水會即刻整花油.
2. 夾. 無夾請去淘寶大量入手. 之前買左3隻未用過, 砌IMS發覺好有用.
3. 放大鏡....年紀大了...無計
點都好, 砌五星的人斷估都40+ 事實上砌模型的人口不斷減小. 砌五星更小. 如果大家同我一樣, 吾識砌GK, 吾想做咁多遮蓋, 想砌下五星, 真心推介IMS系列.
|
分享
