影相
經過網友提醒, 睇番呢排影的模型相, 發現色溫, 光暗好有問題. 於是星期六晚一次過執一執. 呢個就係影RAW同用CAMERA RAW的好處, 基本上影完可以做大幅度的調整. 執完之後, 發覺順眼好多..... 影左咁多年相, 發現只有硬件係專業........
我張整理完的相片已放進去我的google photo同blog內, 有興趣的朋友可自己copy我簽名的link去睇.
因為要影模型, 想買番支Macro鏡. 而家用50mm, 對焦距離太遠, 有時想幫佢地影張close up又要自己crop. 去PXXXX.com想落單買支水貨又全部假post, 全部都無貨. 而家搵番支APSC的macro, 吾知係A9上面用掂吾掂. 試完同大家講.
另外個攝影棚影SD仲夠, 但RG都有小小細(40cm版). 想買再大一級, 60cm, 但又好大, 無位收.....真係煩.
最近我發現我成日係完工後又再加貼紙......有時想再幫佢地影多次, 又好似有小小重覆. 又有過別的成品一直吾影係因為未貼完. 好似SD沙剎比咁. 得閒貼小小, 得閒貼小小, 總想等完成後先post 上來. 另一隻SD 吉姆仲衰, 一直拖一直拖, 到而家只係完成80%左右. 隻SDEX Astray直情被放棄......因為噴左金屬紅, 黑, 白等等吾太夾. 吾想再搞......
To do list 仲有好多, 開工中的RG Astray Goldframe Hana, 之後排頭位的PG SF. 希望可以係團火燒完前完成.
|
分享
