BB366 Wing Custom EW (多圖)
已經係砌第三盒Wing Custom EW. 見係網上有吾同賣家放, 一共三盒, 第一時間掃晒. 連埋自己以前砌的素組, 一共有4盒. 第一件係素組, 放係櫃多年. 最近拆件, 加SDCS翼噴. 第二件都係砌Wing Custom Zero. 再砌第三次時, 一早已決定砌Wing Custom EW. 其實我一直搞吾清楚吾同Wing Custom的歷史同為乜有咁多款, 為左呢盒, Wiki左一陣, 叫做有小小明白.
講番盒模型, 本身已經係Wing Custom EW. 我係跟番顏色噴. 主體方便只有心口個瑩光綠要遮件噴. 其他部位分件實在十分出色.需要遮件噴主要係後面對翼. 2支筆, 一支主色一支陰影色.噴灰色陰影順手噴埋關節同支槍. 而我全部色件都有噴白色做底色, 上色過程好順利, 一路噴一路同自己講, 我噴陰影好似女仔化妝咁, 化個透明妝, 噴左好似無噴咁. 但原來噴油箱光太強, 拎出去正常房的燈光睇仲係有點太重. 所以第二日噴其他野時, 我又順手補噴多小小白. 總結來講, 除左對翼要遮件噴, 其他部位吾太難搞. 要留意係腳踝位, 因為我上架, 實見到. 用法瑯油, 吾駛理油成點, 出界抹好簡單. 另外前臀個幾粒野的背面, 盾內則等位吾好吾記得上色, 因為好覺眼. 小弟懶, 手碗黃色, 槍支黃色同對翼頂的白色位吾搞了. 搞完吾特別顯眼同埋好難搞. 到現時為止, 我最吾鐘意都係上黃色. 黃色遮蓋力低, 受底色影響大, 係比較難處理. 真心講, 同EXSD比, 呢盒真係好易搞, 成品又靚.
因為之前個盒的頭頂金屬綠色貼紙貼得吾好, 又撕又貼, 最後鄒晒. 固此用呢盒個張再貼過. 咁呢盒的金屬綠色全部用原裝貼紙個框, 貼係瑩光綠色的貼紙上面再自己剪. 效果都OK, 腰個粒紅色件一樣, 上次噴油時吾見左. 用左呢盒個粒. 咁呢盒唯有搵其他紅色件剪好, 再痴上去. 本來想斜向入面, 但掉轉痴又幾得意, 所以就掉轉痴.
比例上來說, 雙腳係企係地時覺得有點過瘦. 但上左架就吾同晒, 好襯. 但吾係每個人都喜歡肥仔版的SD, 所以好因人而異. 係我角度睇, 呢盒的比例係最好, EXSD走的路線係頭細一點的型格路線, 比例也OK, 但對翼過薄. SDCS分件好, 但無論SD定CS比例都係奇奇怪怪, 最靚係對翼同埋腳踝位置可動的裝甲, 不過小弟沒有能力改腳踝裝甲俾呢盒BB用. 固此放棄.
放低幾日, 去搞另一盒搞到一肚氣的Destiny, 終於又係時候貼貼紙埋尾. 未上貼紙前, 已經覺得好靚, 一路貼, 一路內心好掙扎, 有時會諗, 本身都係KA版, 多d貼紙靚d. 有時又驚太花. 但係我個水貼海入面竟然無Wing Custom EW! 全部都係Zero的! 結果一張專用Logo/型號的貼紙都無. 貼下貼下, 搞左3個小時. 全身一共貼左77個貼紙. 有些貼完覺得太花, 最後加水撕番出來. 我用大林的水貼, 好好用. 浸好快就OK, 透明部位又吾覺眼. 遠比自己留落來的10年前水貼好. 原來水貼都要新鮮. 之前仲入左幾百銀膠貼....算了. 總用得著. 而家仲想幫Wing Custom Zero加貼. 完成後再post過.
完成成品後, 問老婆大人意見, 佢覺得仲靚過Wing Custom Zero. 雖然開心, 但我個人偏愛有羽毛翼版.....不過真心覺得呢盒都好靚. 呢盒模型都出左一段時間, 真係要上網搵下先買到. 連淘寶都缺或炒價! 吾知Bandai幾時再產.
呢件成品係暫時自己最滿意的.
附件: 您所在的用戶組無法下載或查看附件
|