係剛過去的一星期, 連續有幾晚心情都很低落.  已經差不多有成個星期無開壇噴油, 係星期2晚, 不顧一切去開壇.  今次無標係砌隻EXSD Destiny.  之前經歷過同一時間砌幾盒, 坦白講, 吾專心, 效果吾太好.  但黃色件得3件....所以痴住Wing Custom EW時噴埋.  咁跟手就正式開工EXSD Destiny.

本身係灰色的件, 吾太喜歡, 所以都係全機先噴白.  跟手發現....未噴得陰影住, 因為有好多地方要先上其他色, 痴好膠紙先噴得.  到你開紅色, 又發現呢件要先噴白色或黑色先.............總之超低效率, 不停犯錯, 不停洗筆.  真係好氣餒.  跟手用原裝貼紙去做遮蓋, 是我貼得不好嗎, 今次的貼紙好像位置大小好像有點不準, 先不管了.  最後3個小時, 我只係做完白, 紅, 灰, 黑......第2日先再開工搞藍色.  

到第二晚, 上了淺藍色.  跟胸口淺色部份太近, 於是把心一橫用了Titan的藍色.  噴油是好快的, 最耐是做遮蓋, 一直做遮蓋的時候已經是快瘋了.  好了, 噴完, 做完陰影, 高光.  終於到撕遮蓋貼紙時間.  

我永遠記得那一刻.  吾係掛......開一件, 心一沉, 越撕越個心越沉.  可以說, 差不多80%也出了嚴重的問題.  很累, 不想看見他.  很沮喪.  收拾好算了.  那一晚的心情是, 自以為自己上色技巧好, 好好的弄了一台EXSD SF, 點知再砌一盒已完全見底.  只覺得自己噴得很差.  心情很低落.

為了調節心情, 之後那天, 我幫Wing Custom EW上線, 這盒沒大問題, 連要補油的地方也很小.  不過以為30分鐘的滲線也弄了差不多2小時.

睡一覺好覺, 死死氣去執手尾.  不停補油, 也因為處理了高光, 陰影, 補油時一定有小許不同色, 也都算了, 但總係越整越衰!!!!!!一撻撻, 高低不平, 筆痕明顯....為什麼別人可以手油一隻MG, 我連小小的一塊也油成這樣?  .等了一晚等油全乾, 之後拎起沙紙磨油, 再溝稀油去補色.  今次好了一點點.  只是一點點......跟手做滲線時發現....為什麼大腳我噴了灰色?????救命!  同一盒件, 你到底要犯多小錯?放棄了, 去貼水貼.  到底Destiny 是不是用ZAFT?  用那個Logo?  又找了很久(希望最後無錯).  到做到第5個水貼時, 為什麼手上有一個紅色水貼?  我是做足步驟, 剪, 放入水盤, 等一陣, 塗膠水....之後用棉花棒抹乾!  為什麼會掉下來??????跟住真係發老脾, 拎張RG Wing制下的膠貼貼算了.  結果貼貼紙都分了2晚.  一見到吾得的位就貼.  無膠貼就水貼, 總之不停貼.

上了床, 條氣頂住頂住, 上淘寶買原裝Bandai膠貼!  竟然比水貼貴幾倍一張, 最後花了700元人仔買貼紙, 大概買了20張吧.

總結今次EXSD Destiny, 很失敗.  上色不佳, 手油技術低, 選色出了問題.  藍色太深了, 兩件大兵器的顏色奇奇怪怪, 我沒有營光粉紅, 用了金屬紅.  完全吾襯.  淺綠色的炮最後發現未上色, 手油....筆痕多到可以當effect.  個2件兵器, 真心講, 原本選色已經好吾靚!  點解係一把淺藍色的刀?  又要前面粉紅, 刀鋒又銀?  支炮搞乜係淺綠色????  經過今次, 再次知道自己有幾屎.  手油技術不佳, 遮蓋貼得吾好, 連貼張水貼都搞到咁.  真係要再努力練習.  隻Destiny而家只好遠觀.

本來未想貼相住, 因為未開機影, 但為符合版規, 先貼幾張.  過2日搞埋Wing Custom EW, 開箱影完相再post.

[ 本帖最後由 ngszewai 於 2020-5-15 12:17 AM 編輯 ]

砌模型就是耐性和規劃的考驗，今次都油得好靚吖！師兄加油！
仲以為你只砌SD，原來有咁多作品。

good to see someone like to write feeling instead of only pasting photos




撕遮蓋貼紙,
you could try liquid mask e.g.
https://www.gaianotes.com/products/g-goods_g09.html


手油一隻MG   
but without shadow effect


同一盒件, 可以犯多小錯?   
you could buy and spray again, next time will be better.


水貼為什麼會掉下來?
which brand of water decals you are using, maybe QC problem. e.g. some period of hasegawa 's water decals are too thick...


淘原裝膠貼


手油不佳?
手油 touch up need to further thinning the paints than usual (up to semi-translucent), and apply several times.





btw, i enjoy 貼水貼 (and paint camo , apply weathering )
     

i use this two to stick water decals


[ 本帖最後由 ygat 於 2020-5-11 08:22 PM 編輯 ]

我就係用你藍蓋支膠水。水貼係bandai原廠出。不過係10年前啦！

其實原裝膠貼質素真係吾差。我屋企bandai原裝水貼都10幾20張，最近淘左小林，雪焰又一堆。個人意見小林水貼最好用。

原裝 bandai 水貼,
water decals QC, bandai not the best. Tamiya, Koto, etc are already better than Bandai

[ 本帖最後由 ygat 於 2020-5-11 09:10 PM 編輯 ]

/
由MG一出砌到而家。自從有PG後，我小砌其他。我偏愛1/60.  RX-78, MK-II，綠渣素組。Z只係罐噴藍色，老虎，Strike, Wing全隻罐噴。之後Lighting SF開始上堂，學用槍噴陰影，到大魔，迷惘，2隻GP01,紅渣。跟住一別10年到而家再砌過。

其實我覺得PG係最好砌。大大件，陰影易噴。接近吾駛搞無縫。係花時間見成果。我最快都要一星期完成一盒

PG MG...我一副都無砌過 素組都無。
你砌PG和SD兩個咁極端的比例真有趣:-)
你上面嗰排PG咁壯觀，影多張相睇下吖！

http://www.hkml.net/Discuz/viewthread.php?tid=115989

可以睇下我之前的舊post

[ 本帖最後由 ngszewai 於 2020-5-15 12:32 AM 編輯 ]