下面係我係自己個blog的紀錄, 有比較詳細的上色步驟
係剛過去的星期五, 用了差不多2小時去補油, 滲線, 再用2小時貼貼紙, 之後開攝影箱拍照, 完工已經差不多零晨3時........很累....沒辦法, 我只有夜晚可砌模型.
說回這隻SDCS RX-78.
分色好, 可動性好, 有骨的SD, 這些讚美的說話大家應該聽很多遍了. 我甚至懷疑他們是不是Bandai的寫手. 早在一出之時, 我已買了一盒, 回家開開心心的素組.....但SD的比例怪怪. 拳頭太大, 面相一般, 腳太粗, 腳掌前的護甲太大, 槍太長, 可動性極差等等........於是砌CS看看. 砌完, 比SD更差. 雙腳太長, 整體比例也不討好. 於是草草了事, 放埋一旁.
直至看到一個網站的改做, 改短雙腳, 改小拳頭, 削下巴及面, 好看多了.
於是用動畫色上色, 下盤位置偷空, 直接痴SD的socket位, 將SD的腳骨剪下插入去CS的大腳, 令佢可以用個Ball接駁位. 面相也是跟日本網站一樣, 削下巴及面. 是比較好了, 但不是十分滿意, 總覺得差一些..... 最後連上線及貼紙也沒做就放在一旁.
上星期三晚, 孩子睡得比較晚, 不可以開噴油(一開一收要用好多時間)... 於是搵下砌乜, 最後將原定做吉姆的拆開, 拿來改做. 決定要用回CS的股關節, 提高可動性, 但要將整個股關節提高. 第一是剪掉黃色多餘的地方, 之後將股關節駁腰的部份剪下直接痴係黃色件上. 然後用界刀界走一層. 同埋剪走打橫的部位, 令白件可順利裝上. 但之後發現大腳的頂有多餘的部位阻住活動, 又要剪埋. 整個股關節提高终於完成.
跟手剪埋右手的圈(左手的圈要留來插個盾, 因換手掌後不可靠手掌拿實個盾). 但剪右手的圈原來好煩. 剪完磨極都未平, 似乎有小小係凹入去的. 最後磨到有小小薄左. 下次吾會再剪了. 跟手磨走膝蓋個小小突起的位置.
最後的改做係頭. 先削下巴及面. 這相對簡單. 但我想將成塊面向上移同向前移, 咁又要剪將黑色的火神炮中間剪走. 其實我尚未滿意, 仲想再上移, 但再搞恐怕無位痴實. 於是放棄. 而同時塊面其實可以向前斜番小小, 而家太斜入, 我想直番小小. 有機會下隻再試.
搞一大輪, 夜了.....不過開心的去睡.
第二日用左4個小時去噴. 已經習慣了幫SD噴陰影. 今次想輕手d. 吾好太深陰影. 由於本身分件好, 要遮膠紙地方吾多. 為左增加效率, 幾支筆是必要的. 我噴的順序係如下,
1. 白色用107號油. 將全部其他色件都噴一次, 當底色用.
2. 灰色用高達動畫色的淺灰, 噴陰影同武器, 背包, 關節, 仲有盾背面用. 要留意火神炮係黃, 要用膠紙遮一遮
3. 補白色係陰影位, 令佢柔和點
4. 黃色係高達色的黃. 因為個盾的十字要黃色, 要痴膠紙噴. 仲有背脊嶺口位, 要遮一遮
5. 黃的陰影係用橙黃色. 主要噴盾的交叉位, 嶺口, 腰個4粒野
6. 之後補黃色
7. 跟住紅色用高達動畫色的桃紅, 腰個小V部份的紅我是手油的.
8. 紅的陰影係用高達油的新安洲深紅色. 主要噴盾的角位, 腳版, 頭頂粒野的下方
9. 之後補紅色
10. 最後淺藍色. 支油我10年前溝落, 乾左. 加thinner再開. 想快d用埋佢. 要幫嶺口遮膠紙
11. 藍的陰影係用高達色的藍色
12. 之後補淺藍色
最後發現吾記得噴槍的描準器!!!!!又要開黃色... 今次偷懶吾噴陰影了. 洗完筆, 又吾記得幫藍色噴小小白做高光!!!!! 你睇下咁多部步驟, 一隻色最小要2支筆. 如果預埋白色高光, 3支係最基本. 仲要呢隻算分件好, 我砌ex-standard時, 真係洗筆洗到傻. (金屬色我吾噴陰影, 我會用支$100有找的中國筆粗噴, 一分錢一分貨, 中國筆真係成日窒油)
之後開工滲線, 補油. 發現好多位要應要補噴多小小白色, 但開一開噴油箱太煩了. 算數. 可能我用消光油, 滲線時係好易搞到污穢, 我本身真係想砌白色的!!!! 最後又好似淺灰色咁. 搞掂之後係我海量的水貼入面搵貼紙貼. 自從發現淘寶買水貼好平之後, 我都買得好濫, 而家屋企有一大堆貼紙. 我痴貼紙好屎, 又要用膠水, 又成日吾對稱, 仲辛苦過噴油.
終於可以準備影相.... 收拾好先可以開壇影. 吾知係吾係光來得太直接(已有一塊布隔開LED), 影完同現實總有些微的分別. 同埋影個時光係由上而下, 光的陰影加上本身噴的陰影, 令睇落好重陰影咁. 但點都好, 整體來說, 成果不錯. 拍照之後發現原來用SD骨的腳踝會令腳短d, 換完睇落仲平衡左. 不過未有機會開壇影. 遲下補相.
[ 本帖最後由 ngszewai 於 2020-5-5 10:58 AM 編輯 ]
|