一路用開雙星支HG槍型噴筆十年有多，去年手多買多支岩田的噴筆，一直無攞出來用；呢兩日終於拎出來試下，之前未用過呢種類的噴筆，只知按下噴氣，拉後就出埋油漆；但我支一按下就已經出埋油，仲要是好大量的噴出，若果拉後，都只是出油量無咁猛；我支是全新筆。根本無得控制粗幼

想請教是我在那裡使用出錯呢？會否同壓力大小有關?尾針調節出錯？

我用AV油，一向驚壓力唔夠會塞噴筆

應該無嘢要裝好呀？日文又唔識睇；有什麼要先調整？之前支雙星，買回來就可立刻用了


真的頭痕！

經過各方友好指導和提點後，我發覺我支筆嗰支針，原來真的未能「頂」到最出，細望是見到有空隙的；咁是否未trigger好？有冇得救？我在太子嗰間嘢買的，佢地有否維修服務？雖然是新筆，但放底了年幾先拎出來用，佢地一定唔會幫我換

如果時茂沒有維修服務,有冇地方提供維修服務?

時茂服務頂瓜瓜！詳細解釋發生了什麼問題！教埋我如何保養、洗筆、和一般調控噴筆

當時三位職員過來招呼我，佢地無問我支筆何時買，那裡買，就叫了另一位技術人員幫我檢查，還攞水出來試；之後位技術人員仲教我拆筆和如何保養洗筆；一蚊都無收我錢！感激不盡

噴針積累了很多舊油，可能因水油太易乾，積下積下令到支噴針根本申唔得晒出噴咀，導至噴咀有空隙，所以一按出氣掣立刻連模型油都噴埋出來，他們幫我拆了支針，抹去晒針上的油膜，之後便無事了

咪就係第一次用完,之後就噴到一塊塊,AV油似乎好快乾;