因油性實在太毒太臭, 早前已轉用水性, 不過星星水性真係唔太好用, 色又少...

最近終於轉用AV油, 因無毒, 覺得係仲有香味, 附着力比星星好, 星星水性XF係真係夠啞, 但好易好似粉咁樣甩返出來..  
AV油的細咀設計真係好好, 由其對用噴筆的人, 可以滴幾多就用幾多, 以前果D日本油, 一係用抽油咀, 一係就咁倒, 好易倒得太多, 浪費


AV有分AIR同手油, 我心諗, 如果下下同一隻色買齊手油同AIR就破產了


請問各位有冇用稀色的手油去噴?  得唔得?

我就試過, 用AIR, 係咁二攞來油下, 都可以的

[ 本帖最後由 dogjumpjump 於 2016-3-2 03:40 PM 編輯 ]

根據官網，MODEL COLOR 可以用係噴筆上，但要加 THINNER

我都係剛剛試用 MODEL AIR

借po問

最近都响度諗緊好唔好轉玩av油
請問av油有冇底灰？定直接就咁噴？

AV 係有底灰的，不過好似不大可以打磨，會一忽忽甩掉。

個人感覺Air係溝希左同幼細D滑D冇咁易塞噴筆 , 但同星星比個人感覺星星噴係順好多,而且AV油就算Air控制氣壓要求比星星高好多,高左低左都好易塞或積在噴嘴週圍...

初初用 X20A 開星星油噴，真係想放棄。最後參照網站，用硝基油開，加 少量透明油，效果非常好！

但要乾淨無味，應該只得歐洲水性油可選擇

即係孖星水性油要用郡氏thinner先會好啲？加透明油都係用返水性嗰隻？

孖星水性溝郡氏thinner會變左油性

其實在冇噴底灰下, 個人覺得郡是水性附著力最強, 其次係孖星水性, 水膠彩則容易刮甩

睇左官網都唔太明, 即係model color (手油用果隻)+ AV隻thinner就可以用噴筆噴?即係model color (手油用果隻)+ AV隻thinner = model air?

咁買model color 再開稀用最抵用, 開返出來容量一定多過AIR

呢個我同意, 我用白色流動泵, 微粒係粗咗D, 要用有得加壓的大泵先可出幼粒,  呢個係缺點

如果流動泵都有得加壓就正LOR, 因我鐘意出去郊外噴油

其實AⅤ color thinner有分手油和噴筆用,而噴筆°個隻係有酒精成份,所以AⅤA AⅠR要用 AIR thinner,
而手油。個隻 thinner 只有水有 和medium,所以效果有不同。
根據外國網站經驗,如果想o的油無o甘易甩,要係油裡面加小許 Matt Medium ,就可以實o的。

各位師兄，我試過用mig隻亞加力油噴，但係噴完都蝕唔實個面，好似水珠咁，其實佢地d噴油點樣用法?

佢呢種油蝕唔實好正常
之前睇MIG 出個D WEATHERING MAGAZINE , 佢地好多時個做法都係先用 AMMO PRIMER / GSI 油性 , 或雙星水油 + GSI 油性開油水打左底先 .
再噴 CHIPPING FLUID , 最後先係用 mig隻亞加力油 . 上唔實向塑膠表面 , 十分正常

用 AV 油同孤兒上色，想死，好易甩油。

上左 matt vanish 會好好多，早知每一件上完色要即上一習 vanish

之前試過主色用AV air...再噴層AV satin vanish保護... 之後用星星水性白油寫車號(已經冇乜點用thinnk開唔水)... 劃兩下竟然會溶番起AV air層主色 , 依家買定枝油性半光油做保護廢事領野又要重做     不過AV隻satin vanish個光澤同星星半光比真係正好多, 半光中帶點鋼板咁既光澤好有層次感又幼細 , 冇星星咁死魚

下一台坦克，好大機會用 AV 油。我打算上一層硝基透明油保護，次後做漬洗，濾鏡.....  最後上 AV 的 satin

我隻虎王又無甩油, 漬洗係咁卒都無甩

我分享下作法,  我先用MR HOBBY finishing 1500噴底灰
再上AV AIR
做下舊化再上MY HOBBY 水性 TOP COAT 保護下先漬洗,

好同意, XF個啞真係無佢咁正, AV係啞, 但個面係滑, 金屬感強, XF個啞粗糙D同埋甩甩地

Model color加 AV thinner係可以用噴鎗噴，但有啲顏色係唔建議用噴鎗噴，因為有加入有毒物質(例如重金屬)，而同一隻色，Model Air係冇加入到。Model color 紅色系列多數有加入重金屬，樽油張貼紙有警告字眼寫明 (posion)。所以點解 Model color多 Model Air咁多色。