原帖由
Jmak618 於 2015-12-28 07:31 PM 發表
各位c兄，我已經好耐冇砌模型啦，而家想砌番，請求各位指點几個問題，謝謝！
1) 最近係係淘見到有抽油箱，價錢唔貴，想買(是否直得買？？)
2) 見到淘有郡士(mr.hobby)扳機式噴筆 PS290，是否好用？？用黎砌汽車模型及高達
(如果唔好係淘買，甘邊度同咩噴筆好？)
3) 我以前用開雙星水性油，如果砌汽車模型及高達，會否有其他牌子�H油？？
4) 至於汽泵應該用邊隻好？
抽油箱... 有好過冇. 值唔值睇你俾幾多錢既姐. 嘈 vs 抽力 vs 價錢.
但咁, 即係抽油煙機, 你唔好似為開左就冇味冇油煙.
好好奇為乜要用trigger type... 仲要用0.5咀.. 你自己都唔知為乜要買就要自己做下功課.
淘寶買定街舖買... 係信心問題.. 係你對淘寶有冇信心既問題. .... 大陸有人賣假野係事實. 但大陸一樣有好多都係賣真野. 只係你對果間商舖有冇信心.
砌車同砌高達, 飛機, afv 唔同... 個殼噴得靚唔靚, 夠唔夠令好緊要. 要令就少不免要做拋光... 而要拋得好, d 油就光要夠硬. 就即係要用油性硝基油. 用水開既, 唔理你係酒精系定係水膠彩, 乾左都係軟既. 你要環保你要安全要無毒你既事. 做唔到就做唔到. 要靚唔要命係咁架啦. 帶口罩啦.
氣泵, 有牌子得幾款. 真正來講牌子/型號都係廢話. 睇spec睇邊到出既姐. 大陸出既根本隻隻都係咁上下架啦. 睇spec 就算. 去到幾多bar, 有冇氣缸, 有冇autocut.
要q 靜既就要買無聲泵. 你預幾千銀啦. 而且都唔係咁易搵. 一係你識張雪櫃/冷氣機個壓縮器改裝. 不過識你就已經唔會仲問呢條問題啦
分享
