最上一次砌模型大概係三年前啦……
幫ＦＤ砌嘅HG 1/144 GN - X，嗰次之後都冇再掂過模型
近排喺個ＦＤ推薦下再接觸過
三年冇搞呢啲野，希望技術唔會生疏啦……
由於唔想再接觸主角機或者特別機之類嘅（感覺佢哋嘅存在係破壞平衡）
改接觸雜魚機（雜魚機先係王道！尤其係積根隊長！）
本來想買HGUC 1/144 RGM-89S Stark Jegan（積根隊長）
結果搵勻幾個區嘅模型鋪都搵唔到……（淚奔）
唯有買起眼前盒吉姆改……（喺資金不足嘅情況下，眾多誘人嘅雜魚機中只能選一個… ）
搵唔到陸戰型吉姆，唯有由吉姆改開始入手
睇嚟技術冇生疏到，就只係冇咗以前嗰份耐性
淨係打磨就用咗三日（等膠水乾要三日）
由於制作過程冇影低，所以都唔多解說啦
做完打磨同無縫處理後嘅半完成品
拔刀！
由於底漆冇淨幾多，未能夠噴晒全身
由於想模仿吓美軍所以噴沙色，今次用嘅係雙星嘅XF-57（三沙迷彩隻底色）
但搵唔到戰術背心嗰種卡其色，所以決定買橙色再溝XF-57
第一次用噴槍上色,有啲緊張……（以前都係用罐裝噴漆）
買氣汞用咗唔少錢…（心痛…雖然話係同ＦＤ夾錢買……）
先噴溝好咗嘅卡其色，第二啲顏色之後先噴
由於底漆係灰色，噴出來嘅沙色都係偏灰
關節位、胸口同背包都噴咗銀色
大家見頭部同左手有啲色差係因為有部份零件冇噴到底漆
左腳嘅關節比乾咗嘅油卡住，結果一郁就斷咗，要用膠水接合等兩日
過咗兩日，接返左腳，噴上消光，完完全全嘅完成品！（槍冇噴到銀色，淨係噴咗消光
正面
背面
背包特寫，如果見到白色一點點部份，其實係唔小心比指甲刮甩……
透明貼紙特寫，由於好趕，貼紙冇修剪過，好明顯！
頭部火神炮係用手塗囓方式，用牙籤……
裙甲特寫，影得唔係幾好……
就係咁，今日嘅分享到此完結！亦請咁多位師兄多多指教
有咩錯嘅地方亦希望可以指點一下小弟
[
本帖最後由 higihg 於 2014-9-8 11:15 PM 編輯 ]
分享
