想請教識計電阻師兄，如果我想砌一個模型，用20~粒SMD貼片及20~粒5mmLED，SMD每粒約3.4V, 20MA，LED每粒約1.9-3.4v, 20MA，用USB取電，每粒燈都跟一粒限流電阻，咁買電阻要用幾多瓦及幾多歐姆？
謝謝

USB 供電最多 500 mA, 師兄需要大約 800 mA, 恐怕唔夠.

如果改用5v,1A牛？

或者分兩組usb?可唔可行？
tks

好難答到你嘅問題, 因為 USB 有內阻, 唔知幾多係計唔到所需嘅電阻值. 加上師兄多數冇 LED 嘅詳細規格, 所以最終都係要試出嚟.

但都可以好粗略咁估計所需電阻值 . 希望呢個網頁幫到你 : http://www.societyofrobots.com/electronics_led_tutorial.shtml

LED每粒約1.9-3.4v??!! OVER 80% +/- 點計呀. 電阻最衰都係20% +/-
你個spec 唔再清楚d根本計來都多餘.

就咁睇非常簡單啦, 40x20mA, 你個電路要消耗800mA, 用5V1A 就夠, 但外面買既都常都報大數, 所以用5V2A比較好, 買隻電話充電器就可以, 電阻0.25W都夠 , 計法就見上面師兄提供網址, 唔同工作電壓既LED就要用唔同數值電阻, happy hunting!

提一提你, 電流控制亮度,  所以唔同工作電壓既LED用同一電流亮度可能會有差別, 視乎你要既效果, 可能系限流電阻度要做點調整

[ 本帖最後由 sundaymodeler 於 2014-2-11 09:07 PM 編輯 ]

搭咀問下:
如果我想駁10粒LED唔需要分開工作, 一樣亮度, 一齊開關.
咁又需唔需要電阻? 要用幾多V電?

我又搭咀答下:  不過首先你要解釋下乜野叫 "唔需要分開工作"?? 即系一齊著, 一齊熄啦, 用並聯接法, 您可以當佢地系一組, 10粒,20粒,幾多十粒都無分別, 愈多電流消耗就愈大, 1+1=2, 最簡單不過

用唔用限流電阻同你用幾多粒LED完全無關系,  所以唔好再問呢種問題, 電流控制LED亮度, 電流愈大就愈光, 但太大會降低元件壽命,甚至燒左元件, 如果你用多個一個LED, 限流電阻除左控制各LED亮度一致外,仲有保護作用,電路中如果有部份元件唔正常, 可以用黎保護其他元件不會有過大電流通過! 用唔用就隨便你, 反正用唔用隻LED都會著

用幾多V就最簡單不過, 永遠都系高過元件既工作電壓就可以, 即系你隻 LED系1.7V, 你用高過1.7V就可. 用電池既話, 最順手就系3V, 你用5V, 9V, 甚至 220V都無問題, 只系要用電阻限制個電流就可以

因為無讀過電, 所以之前唔係好明.
依家有少少概念, 唔該哂.

因為要用唔同顏色的燈，紅色通常比較低V約1.9~2.2，其他顏色約3.2-3.4V，當15粒紅，25粒其他顏色，用5V2A牛，紅色用1/4瓦及100歐姆，其他色用1/4瓦及180歐姆，咁得唔得？
定改用1/2瓦好？
謝謝！

正如以上所講, 電源供應視乎你個電路既消耗, 乜顏色乜工作電壓都唔重要, 重點系每個LED要用幾多電流 (所以你要計限流電阻數值), 用你先前提出, 40個LED每個20mA, 總消耗就系800mA, 有乜改動, 都系加減數, you do the math!

用1/4W定系1/2W 電阻, 數系有得計既 (好似系 P (Power)=V (Voltage) x I (Current), 不過系咁小電力既電路應該都唔駛點計, 點都唔會過0.1W (除非你會用一個特高既供電壓), 你唔放心既話咪用 1/2W, 只不過系大隻D, 有位置放既話亦無妨

試作成功Post上黎大家觀摩下

[ 本帖最後由 sundaymodeler 於 2014-2-13 02:12 AM 編輯 ]

紅色嘅工作電壓低, 要用高D嘅電阻值至啱, 點解會掉轉嘅 ?