差些變鐵娘子翻版 CY人民大會堂險撻低
三十一年前，「鐵娘子」、英國首相戴卓爾夫人在北京人民大會堂前梯階摔倒，成為歷史一幕，估唔到昨日去北京述職嘅振英哥，一踏出人民大會堂台階又差啲跣親，不過佢勝在反應快，無雙膝落地，只係好似企鵝咁張開雙手，保持到平衡。

        一九八二年中英談判期間，鐵娘子戴卓爾夫人喺人民大會堂落樓梯時，狼狽失足摔咗一交，窘態震撼全球，結果佢與當時領導人鄧小平見面之後，確定香港必定要回歸中國，呢一跌，香港人都好記得。

        企鵝姿勢保平衡

        估唔到歷史再次重演！昨早訪京述職嘅振英哥，逗留喺人民大會堂半小時後離開，神態自若準備落第一步樓梯嗰陣差啲跌倒，可能平日俾示威者擲公仔訓練有數，振英哥反應好快，立即取得平衡，幸保不失。

        CY失腳險跌倒嘅動作，卻相當「可愛」，好似隻企鵝咁攤開隻手，過程咪話唔驚險！振英哥後面有位女士目擊全程，見狀都「嘩」咗一聲，仲想上前協助，但見振英哥回頭示意無恙，更立即急急腳上車𠻹。

http://news.stheadline.com/daily ... n_name=wtt&kw=0

CY險撻低=CY險XX