小弟把剪鉗剛剛斷左中間粒釘位,諗住換過把,爬完文之後,有以下幾個選擇

1.孖星金鉗(大牌子,諗住質數起碼有保證先)
2.角田TM -02(呢度有好多c hing都推薦,平少少,但有孖星咁既質素)
3.God Hands SPN-120(貴,但係質數好似好正,剪乜都省水省力,以便後期制作及cut改造位<--官圖無限好,都有c hing話可以跳級選擇,但官方都話自己易斷且唔剪得柜架)
4.GSR MSS-41(睇相cut件好過金剪)

小弟會長玩科幻系模型,會玩改件及改造,所以有機會剪唔同厚度既件或柜架??暫時揀左 SPN-120,想請大家俾少少意見同分享下經驗,例如呢幾隻係咪價錢同質數成正比,相差效果大唔大等...

希望出糧之前可以揀好~~而家隻古鐵因為把剪而改改下停工中~

我冇什麼個人推介. 我自己一般只會買"日本出"幾十蚊一把既"水口鉗"就算. 我亦有一把角田tm-02. 用過不下十把水口鉗. 我心知我會乜都剪 (cast, 膠版, 亞加歷膠牌, 銅枝) 所以唔會買貴鉗.

我只想講4樣野, 1)你已講明會剪唔同厚度既野, 又已知spn-120 唔剪得. 點解仲要買呢?

2) 呢d"非常鋒利"既模型水口鉗, 設計上只係用來剪d 1~1.5mm 厚既塑膠水口. 夾硬剪其他野, 如cast, 把鉗就會好快變成"非常不鋒利"
3) 粗用既野, 最好就用d 可以粗用既工具.

4) 要搞夾口無縫既,  最後都係要用砂紙磨平, 水口剪到再齊都一樣係要磨.

[ 本帖最後由 VampireA 於 2013-9-24 02:33 AM 編輯 ]

當然工欲善其事, 必先利其器. 賣得二三百一把剪鉗差極有限.
我就認為最緊要夠利夠薄就好好用. 我係用一百蚊樓下嘅剪鉗. 一把剪首辨, 一把剪塑料.
因為點都要打磨, 所以唔需要買咁貴.

角田TM -02 效果差金鉗些少
但金鉗價可買到兩把角田TM -02
TM -02比起價錢接近的雙星入門版剪鉗
可說是超班

我自己因為跌過一次, 買左兩把God's hand. 真的, 跌彎薄刀, 屈不回原來的平直所以買第二把.
我另外有把大少少的用核剪粗架,  百多元來購自深水埗. 一直都無事.  
點都好, 我還是要用砂紙打磨.

God's hand 係有佢一定的用處, 好似剪1:87,or 1:160人仔呢d小組件 (個人仔半隻手指大), 點用砂紙磨?
又或者修整小件時大剪鉗探唔入, 就有佢有武之地了. 所以有一把旁身有佢好處.

Buy cheap one is ok
The tamiya /similar price items are good for cutting plastic

If you cut something harder than plastic
You may need a new one

If you drop it to the floor and its head go down
You may need a new one

雙星金鉗的確係有佢貴既原因 : 鉗身直而平，鉗尖細而利，對於懶用筆刀修水口既的確可省唔少功夫
正所謂利其功必先利其器，雖然比其他牌子貴，不過汝其買幾十把唔同既鉗，即使係貴寧願買一把合自己用既鉗好過
況且鉗只係用黎剪件/水口者，連剪水口都要諗用邊把鉗，之後既工序真係不敢想像
最緊要係快樂模型，砌模型最大既樂趣係親手將自己心中既想像做出實物而不應被工具局限自己嘛!

"小弟會長玩科幻系模型,會玩改件及改造"

個花費一定比買2-3 把 作唔同用途多~
小弟就一把好既,用來hea砌,剪完筆刀修水口

一把就平野,剪完打磨

其實有玩cast又想一把鉗走天下spn 120唔得,
佢剪3mm厚既膠都有少少危險更何況cast果d,
我試過係個架剪件就卡往攪到凹左少少好在冇咁大影響仲work,
所以家陣都用金剪cut左先再用god handcut靚佢
Godhand係好用在修水口貼平剪好平免左用筆刀再修平,
但只係剪到3mm以下既膠料唔係三百幾蚊既鉗就咁冇左,
樓主話剪乜都省水省力,以便後期制作及cut改造位都唔係你想像咁美好,
雙星金剪我都有都係好好用不過冇godhand修水口咁靚但係剪到厚d既野,
角田冇用過不過價錢就平,godhand真係修水口冇其他用途除非你當佢砂紙咁當消耗品啦,
其實都要筆刀修飾的話只要鈄口鉗都ok

[ 本帖最後由 kkinson 於 2013-9-24 02:08 PM 編輯 ]

剛剛由旺角睇到佐敦，最後買左TM 02，富x $三魚剩七蟹，佐敦 輝x 8隻蟹加3個圓女王 攪掂

多謝各位c hing 俾意見

除咗 SPN-120, 都用過晒, 結論都係掌握好 砂紙 筆刀 拋光棒 先係正路, 把鉗無論點利, 都有鈍嘅一日, 但筆刀就可以極平成本不斷換新 , 點跌都無問題, 架生最怕金波蘿, 咁又唔得 , 咁又唔得,  鑲金咩

剪鉗當然有用, 多年都係最愛用 TOP PLN-115, 即長谷川 Tri-tool OEM 嗰把, 鋒利之餘, 較位彈弓又夠回彈力, 呢點好重要, 田宮金剪回彈力唔夠, 係我少用嘅主因

SPN-120 真係無得頂！用過你就唔會捨放手。不過就如各位師兄所講，最好有多把其它牌子用嚟粗剪。

在下三把都有，以普通膠件模型來計，會係god hand->金鉗->角田,我係以少跟尾功夫做去排，但以價錢去計真係金剪底玩啲，玩cast,我轉晒用五金鉗或線鋸大致修口，之係就全銼到差唔多先沙紙，鉗起馬要兩把，一把比較精密，一把又硬又粗，我指鉗硬加可剪得粗，日本鉗通常寫到明最粗做到乜，去鴨記行下啦