屋企存左好多砌好左未上色既貨,而家買左噴槍可以一一完成了
第一次用噴槍噴陰影,請給點意見吧

唔知點解,感覺好似好白

同個冠位有種唔係好夾既感覺?


不過上色同影幾好呀,第一次就咁既功力~! 勁呀~!

多謝c兄意見...太白可能係距離個燈太近
個冠隻色唔夾?

唔係好睇到有陰影,試下支光燈唔好擺咁近影相

第一次試筆，這効果經已非常好！
(打磨方面可以再花多d心機，個底可能會更靚)
跟住要學滲線喇~

好的，下次我會試試

多謝c兄，打磨我會再多加留意，滲線個到我有個問題，就係我噴完油再用田宮法郎油滲線，
d油有化開既感覺，好似食左落d油咁，點解會咁？

請問lai_po兄嘅作品底色係用0左乜油？

索油通常我會想到以下幾個問題:

1. 田宮法郎油滲線時開得太稀。
2. 底油微粒勁。譬如混0左過多嘅Flat base、唖色油加Thinner唔夠而微粒太粗。
3. 滲線前噴噴上0左唖色透明油。

(索油總括大致上係底色微粒較粗)

我自己個人提意滲線唔好都用哂黑色。
譬如白色同白色夾埋嘅線位，我會用空軍灰色。(較深嘅純灰色) 睇起會自然d。
我另一個習慣係滲線前先用調色碟放Thinner，再點油跟住沾點Thinner以調色碟邊開筆做滲線，保持筆頭有彈性。

PS．作品係咪用左主色加白做高光位？

千其唔好介意，只為討論。 m(_ _)m

[ 本帖最後由 edwin1972 於 2013-5-29 01:56 PM 編輯 ]

多謝c兄比既意見,可能我d法郎油開得太稀,下次用色同開油個到會多加注意,
你講3.滲線前噴噴上0左唖色透明油→係指消光?

另外,我主色冇做高光,只係用左灰藍色打陰影再上主色,想上高光個陣發覺洗哂d主色了

無乜緊要，稀有稀滲，毎次待乾多滲幾層OK。(只係要注意深淺色)。毎位CHing亦各有個人方法。

0恩！是消光的意思。

只係見作品較偏向粉色。

我個人剛相反，留高光位。(除非手掃公仔)

(例如紅色: 先噴黄橙色、再用紅色在件的邊沿位起噴，高光位留黄再慢慢蓋紅色。
跟住可以選擇紅與黄橙之間再加色、或最邊沿位噴一款比主色深嘅紅。)
可能我覺得咁比較易保持自己喜歡嘅主色。

有d唔明，首先成個件噴黃橙色，再用紅色沿邊噴，高光留黃橙色，
再係紅色同黃橙色加一隻色噴，咁高光位仲係黃橙色？
新手想學多d，希望唔好嚴煩xp

OIC, 最後高光當然不再係黃橙色，(即高光位薄薄蓋上紅色)
都係偏紅。顔色深淺就個人衡量。

唔煩，交流嘛~
我只怕文字上説不通…