十週年紀念杯模型比賽「查詢區」

大家如對「十週年紀念杯模型比賽」有任何疑問，歡迎在此處發問，多謝合作。

冇明確限制參賽作品尺寸,但請留意場地提供檯面面積及自行搬運的交通安排

其實想問點解只係分兩組咁少呢，小弟認為好似成品區咁分多幾組，分開科幻，民用，軍用，人形。
始終民用，軍用，人型呢三大類要求既技術都好唔同，就咁將呢三類歸作一個非科幻類可能有失公平，當然以上只係小弟禺見，但還請考慮考慮，

如果報咗名，但係個日來唔到，之後再post翻得唔得？
我驚個日來唔到！

暫時以過往經驗,分組別太散,件數相對應亦都會較少,而獎品資源分配上亦都會出現困難
但如果報名參與上我地見到有呢個需要,我地會再作配合,希望大家玩得開心

報左先羅
但版聚果日係全場投票,所以人唔到件都要到XD

搭下嘴補充下，明白細分每個組別既好處，但其實今次比賽，係 forum 為慶祝十週年一個紀念活動，唔係一個公開既大型比賽，預期規模唔會似電擊果種，

而且礙於版聚當日場地時間、資源等問題所限，頗難再細分咁多組別，而且今年版聚還有笑笑團盛會，所以版聚當日時間會較緊密及有所限制，如有不完善地方 敬請見諒。

版聚我都覺得有好多高手同大作出現，大開眼界，而我上文既意思係舉辦是次比賽預期所投放既資源，時間，宣傳等等未必有電擊果種規模，而唔係講 參賽作品既規模。

一架識隱形ge飛機就贏哂,係唔係咁講

.....

我唔知個日係咪放假，又唔知請唔請到假
但係難得10週年，報咗名先

明白明白 ，玩得開心最緊要，起碼而家有個目標，停晒手d模型係時候開工

日子落實了後先請假都未遲

期待 2000ming兄 既參賽大作 ! ~

有無話幾時截止報名架??THX

截止報名日期應會定十週年版聚當日前一晚，請留意，因現與版聚場地方面未定到版聚確實日子 (確定後會即時公佈)，所以未定報名截止日期，故請密切留意報名貼既公佈 ~

嘩 !!! 有獎金喎，好過參加比例會大賽呀

非科幻谷埋一組, 會唔會因審美角度不同而有不公? 始終軍事同民用同埋人像的標準是完全不同的

不過沒所謂~都係交流下為主姐~