|
首先, 看看下面五件作品, 頭四隻完成日期約為2003年8月至11月. 而Buster因種種原因, 約2004年9月才完成.
圖 1 : HG 1/144 Strike
第一次補夾口, 補左好耐. 夾口情況幾好. 同埋花左唔少功夫響肩膀位. 肩膀位隨時可以拆下換上炮戰和巨劍裝備的.
唔滿意的地方係上色, 有些地方唔平均, 因為未識滲線, 以 Gundam Marker 畫線都使得黑線偏粗.
圖 2 : HG 1/144 Aegis
上隻以專用色上色, 上色效果唔錯, 不過夾口補到死死下, 因為仲係用緊牙膏畢地, 補完唔得又補過, 每次都要一日至乾, 結果攪左好耐, 不過效果滿意.
唔滿意的地方係好多細位都整得唔靚.
圖 3 : HG 1/144 Blitz
Seed 系除左 Strike, 最鐘意就係呢隻. 第一次玩溝色, 以粉紅加透明藍溝出粉紫色, 第一次溝到想要的顏色, 真係好有滿足感. 同埋第一次試攪金色. 我個方法係先黑底, 噴銀, 再噴金, 表面噴上透明黃, 效果唔錯.
唔滿意的地方係要用覆蓋膠紙的地方修飾得唔夠好, 同埋, 貼紙貼得唔靚, 我一定好想再貼過.
圖 4 : HG 1/144 Duel
由於裝甲冇好好咁分件, 特別係小腿甲的夾口位好怪. 於是第一次用蝕刻鋸, 鋸開裝甲重新分件. 呢類小改造的確好好玩, 也都能體現多多思考便能解決問題.
唔滿意的地方係因為仲用緊牙膏畢地的關係, 改造後要補的位置始終有少少唔夠平滑.
圖 5 : HG 1/144 Buster
其實中間係夾左一件板聚作的, 不過轉頭再講.
呢隻野完全冇改造, 就咁砌, 好輕鬆. 由於己開始掌握噴油方法, 出來效果都唔錯.
至於唔滿意的地方嘛, 用牙膏畢地補武器呢類大夾口, 真係好吃力.
 附件: 您所在的用戶組無法下載或查看附件
|
分享
