無乜油兵油Bust經驗，只係憑以前畫畫既經驗同技法，試下搬落油兵work唔work，仍在製件中，請各方前輩不吝賜教

嘩,無乜油兵油Bust經驗都油得咁正, 你 d 畫工一定好好 .

可唔可以分享吓你d 兵器( 工具 ), thks.

多謝師兄欣賞，摷到幾張舊相，分享下我D垃圾兵器
環保示範：
金寶湯吉鑵：要用開鑵之後切口唔介手既安全鑵頭刀開。
水杯：雪糕杯兩個
洗筆樽：用完既舊油空樽+黃石膏底座，廿年前用到而家。
色碟：茶樓撻既豉油碟
仲有個色盤係枱底，8隻裝東東雲吞，食完淨左既吸塑DULL，細細格，唔會攤開哂D油，乾得無咁快，可以慳住用

[ 本帖最後由 macwanderer 於 2012-11-12 01:16 PM 編輯 ]

顏料方面，係用以前畫畫用既 "Liquitex" Acrylic，淨用佢就實"令"。如果溝孖星無光澤既顏色水油，就會啞好多，千期唔好用啞光劑油上面，好易瀨野，一發白就前功盡癈（我試過幾鑊）。
畫筆：都係用Cheap筆，旺角Art Supply 或廣益，普通水彩筆，十幾蚊一枝，有錢就買靚少少既Winsor & Newton(不過唔係Series 7)，大約廿領蚊枝。
有個師兄極力推介孖星高級面相筆，成舊水一枝，真係一分錢一分貨，筆頭唔易起勾。

[ 本帖最後由 macwanderer 於 2012-11-12 01:25 PM 編輯 ]

手油真係艱深,我都等下update...

係艱苦多啲囉，而家搵油兵既資料同教學好易，以前就真係要識人，有人教先得。要好有耐性，
其實我呢個兵身呢部份，已經油第四次(第四次未上載，你睇緊既係第三次)，之後仲有好多細微部份要油，逐件逐件，就算每件半粒鐘極速超水準都有排玩。
希望早日再有update 比大家品評品評。

最新情況
肩章白邊加少少層次咁油，唔好一筆白色油死佢
加咗D highlight位，心口領位加勁左砂黃色，當佢成日踩車週圍走，心口食砂塵
油咗帶槍
開始發現油野要有一個特別程序，就係要留D位放手指尾頂住落筆用，果D位一定磨白，甩油，所以唔好油住，到最尾先油，
果D位就係: 心口塊牌，領頂，頸既接駁位都成日要用，不過好彩第日係見唔到。

[ 本帖最後由 macwanderer 於 2012-11-14 05:24 PM 編輯 ]